孟買炭燒 葵涌

孟買炭燒 評價 相片

今日放工之後諗0黎諗去都唔知食咩好....後來醒起之前0係open rice睇到有食家comment呢間...見0的comment好似好好咁...於是抱住十分期待, 滿心歡喜0既心情去買...我記得呢間叫"孟買炭燒"...於是我就搵....但係搵極都唔見有呢個名, 之後0係一間印度餐廳望到寫住"穆斯林"(但呢間"穆斯林"唔係隔離街0個間)..然後望到佢門口0既menu...正正就係我想搵0個間...我嗌左個咖哩雞set餐...有一兜咖哩雞, 一盒白飯(可能係佢0地0既家鄉飯, 所以一條條, 唔似我0地食開0的飯咁),一塊薄餅, 仲有一杯奶茶(或者可能係印度拉茶)...其實我本身食0野都唔係好醃尖....印度餐我都食過好幾間...但呢間我真係唔講唔得....於是我要獻出我0既第一次comment~~1. 咖哩雞 咖哩味唔夠濃, 太水, 雞真係得2舊, 薯仔都無舊...2. 白飯 可能我都係食唔慣佢0的飯....因為平時食開0的印度飯可能都係炒, 所以淨食好似有0的怪... 3. 薄餅 唔軟熟....0的邊太硬...唔好食4. 奶茶 太甜, 我只係飲0左一啖, 第2啖已經想嘔... 呢間印度餐真係太差喇....$35真係唔值...我下次都唔會再幫襯....但值得一讚0既係老細0的服務態度幾好...佢話下次嗌外賣打電話落0黎...我即刻衝上0黎...不過都唔會有下次了...XD

今日同左d同事去左呢間店食午餐,叫左個咖喱羊餐,有飯,有咖喱雜菜,多一整塊薄餅,塊薄餅係一隻茶餐廳莊飯o既碟咁大,仲有野飲,都係$35,我地仲叫左一碟燒雞,都係$35,而且鐵板上,佢地所有野都好好食,尤其係薄餅,必叫,女仔千祈唔好叫餐,一定食唔曬,d羊肉一d都唔蘇,不錯,而且d小二超好人,好有禮貌,老細仲會請係飲奶茶,但我真係太飽了,所以婉拒,但呢一間店真係好抵好抵.下次一定會再來.

今朝返工收到傳單, 原來下便屏麗徑有間印度餐廳, 成日食茶餐廳食到悶, 未下午試下落去食下. 1:00 就行落去, 我係打磚坪街做野, 其實真係唔多會落去個邊食, 心諗試下都好, 一個午餐都係30, 同茶餐廳差唔多. 入到去, 見都坐得七七八八, 好彩得我自己一個, 坐低睇下餐牌, 見到入面做野除左印度人, 原來重有香港人, 有個女仔行埋黎問我食咩, 我問邊款午餐好, 佢就介紹食咖喱羊肉, 好, 是但啦.等左五分鐘到, 先黎一碟薄餅, 有三塊, 都幾大塊, 另外一碟白飯有d青豆. 跟住上埋咖喱羊, 同埋一罐汽水, 我不嬲細食, 都好似好多野咁我食開重慶個d印度餐, 都差唔多野, 埋單都成日要670 蚊, 而家30, 都抵薄餅食落幾脆, 唔錯, 有咬感, 點d咖喱, 唔錯.飯就差唔多, 不過肯定唔係茶餐廳個d人煮囉, 飯都唔識煮, 成日煮到爛一爛, 呢度呢, d飯又煮得幾好, 不過就有少少凍, 可能印度係咁. 我食開個d都係咁.. 可能佢地慣用手, 所以唔同中國人的飯要好熱. 至於個咖喱羊, 完全無咩氈味, 都唔錯, ok, 食下食下, 個女仔重俾本雜誌我睇, 我又唔該喎.我竟然食哂全部野, 唔知係未因為咁, 個老闆重醒左杯印度奶茶., 真係多謝, 我都係第一次幫趁姐, 服務唔錯.奶茶同茶餐廳唔差得幾多, 不過就無茶餐廳個d咁香濃.我覺得整體ok, 唔貴, 食到我飽飽.

孟買炭燒開業已數月了，仍未光顧過；今午一個人唔煮飯，便獨自前往(孟買炭燒)吃午飯。

當時正值午膳時間，有學生及附近工作的員工在這裡午膳。

進入店內...幸好！還有一張檯，地方雖細少，但環境也舒適，這裡店員很少；奇怪的是...沒有給客人送上一杯水？看看其他人客檯面也沒有給水，也許這裡每個餐都有汽水送上吧！這裡的店員，大多數是南亞裔的朋友，看他們工作很忙，還有很多外買要送，廚房的員工亦不少，也是非常忙碌。

這裡的咖哩套餐的選擇有、雞、魚、牛、羊，每款都是35元，很抵食。

我選擇了咖哩魚套餐，有咖哩魚、疏菜、燒烤餅、白飯、汽水。

我將餐飲之汽水轉為飲印度奶茶，唔使加錢，熱辣辣，好過飲冷冰冰嘅汽水。

套餐分四碟上，幾有氣勢。

第一碟，咖哩魚有三塊，配以一碟滿滿的咖哩汁，那三件魚塊機乎潛在咖哩汁之下，咖哩汁不是很辣，還有不少香草配料，特別是，我看到及吃到有莞茜碎，如不吃莞茜者要留意，魚塊估計是急凍那種，肉質是很普通的魚塊，但沾上咖哩汁後，味道也是不錯。

第二碟，疏菜：用一小碗盛載著，份量不多，有薯仔、洋蔥、青椒、椰菜花、配咖哩汁煮制，各樣疏菜質量ok，煮到不太腍，哩咖汁味也ok，我最喜歡吃的是...那粉粉腍腍的薯仔。

第三碟，印度燒烤餅：份量不少，烤到輕微金黃色，不油膩，熱烘烘，小心熱氣，雖然是無餡料的光身烤餅，吃起來那種煙煙靱靱嘅口感，加上烤過的麵粉香味，非常之正！如烤餅醮上咖哩汁再吃，會別有一番風味呢。

第四碟，炒飯：餐牌是白飯，送來卻是炒飯底，米身呈長型的印度米，加上咖哩汁及雞蛋同炒，炒得非常乾身...好靚！先試飯，米粒幾有咬口，幾特別；咖哩魚裡的咖哩汁，這麼多，現在正好用來撈飯吃了，很正。

印度奶茶：茶到來時，看到熱騰騰的蒸汽冒起，非常夠熱，喝下一口，是甜的，原來已預先加了糖，幸好我是喜歡甜奶茶，所以無問題，如不喝甜者，要預先問問有沒有無糖架，先好點選這奶茶，再喝一口，發覺茶味不濃，但感覺到有陣幾特別的茶香味，奶味足夠，很滑口，我也喜歡這道甜奶茶呢！

孟買炭燒餐單提供印度菜, 咖喱等推介美食位於葵涌區，餐廳座位數20人均消費約$50以下，結賬可以用現金,銀聯。

您對於葵涌餐廳「孟買炭燒」有何 comment？

孟買炭燒餐廳詳細資料：

• 孟買炭燒地址:
  葵涌屏麗徑名賢大廈6號A地下
  Bombay Charcoal, G/ F,6 A Ming Yin Building, Ping Lai Path, Kwai Chung
• 孟買炭燒電話:  
• 孟買炭燒價錢: $50以下
• 分類: 印度菜, 咖喱
• 座位: 20
• 付款: 現金,銀聯
• FB專頁: 孟買炭燒 Facebook

更多孟買炭燒相關資料:

• 孟買炭燒分店
• Youtube
• Facebook
• Twitter
• Google