囍筷 葵涌

囍筷 評價 相片

睇戲前有一個鐘食野, 想食平d就黎哩間~牛扒日式帶子鐡板餐$38+$2凍飲 牛扒=一塊大牛肉, 日式帶子=炸帶子, 跟餐有薯條同飯/意粉/沙律, bf要左意粉. $40 總共有湯,蒜蓉多士,一塊大牛肉,炸帶子x2,薯條,意粉同野飲.. 味道普通, 唔難食到唔好食,但係飽..小菜餐$28+$8白飯+$6凍飲 生炒骨, 佢俾排骨, 好多舊同埋都幾好味. 不過諗唔到原來小菜餐係唔包白飯,要加錢先有..total $42, 好食過鐡板餐囉~

噚晚9點幾喺葵芳突然好想食煲仔飯, 同幾個朋友仔分頭四圍揾, 終於揾到呢間門口大大張poster 寫住有煲子飯賣.......問咗佢話有煲飯, 10點前要落單, 於是乎坐低咗, 叫埋朋友唔使再揾, 稔住一齊食煲仔飯...我先叫咗個咸蛋肉餅飯, 然後, 幾分鐘後朋友嚟到叫多2個煲仔飯, 之後稔住再叫多個, 佢就話賣哂啦, 我哋稔住算啦, 咁4個人食3個啦! 點知, 佢跟住又話連之前落咗單嗰2個都冇......朋友稔住算啦, 叫個沙爹牛麵啦, 點知, 佢又話賣哂!間舖話收11點, 9點8已經咩都冇得賣, 點做生意㗎!!!

假期最後一天，又約埋一班老友去東涌行山。

行山前係屋企附近食個早餐。

西式中式早餐加埋有十多款選擇。

我同老公都揀牛奶麥皮加雙併三文治。

嘩!牛奶麥皮勁"杰"，十足十BB食的糊仔，一定食得飽。

味道好淡，只有少許牛奶味，但勝在唔太甜。

今次終於食到有邊的三文治，所謂雙併都是薄薄的料。

餐茶是奶茶，唔夠香濃，有點"鞋" 口。

極度唔夠訓既週末,放工之後唔想行太遠,記得呢間仲未試過,今日就揀左佢,點知就出事。

星期六下晝唔夠二點,仲有唔少吉位,已經覺得奇怪,因為樓下間日本料理已經坐到出門口;佢隔離既漢福又有成村人等位,但我仲可以坐到梳化位,仲以為自己好彩。

地方的確唔細,設計都幾新穎,中間有d鐵珠簾隔開,本來應該幾型,但珠簾後又加d 2人位,坐係呢d位真係成餐飯都會被兩旁既客人睇實,感覺怪怪....即磨咖啡:咖啡先上,香味還可,但就唔算好濃香,飲完無個種迴香係口腔,普通貨色;連咖啡糖都無,只係供應普通白糖既餐廳,已經唔好希望有熱鮮奶比你伴咖啡,有既當然係普通既花奶。

燒汁雞扒、芝士腸跟意粉: 等左好耐既意粉,見到廚房推架滿載食物既車仔出黎,各侍應就即刻將食物送比客人,又幾得意,一係全人類無野食,一係同一時間大家都有野食。

意粉係一般港式餐廳淋淋口感,心已經一沉;雞扒係炸唔係煎,炸到脆卜卜,呢樣ok;芝士腸無大特別,都唔覺有芝士bor;燒汁味道初期食到甜甜地,後期愈食愈無味,味覺似乎跟隨心情下滑......呢度菜式有上海菜、燒味、中/西餐,樣樣都有d,的確多選擇;自己比佢既結論係一間有裝修既茶餐廳。

今日食呢餐飯真係唔多滿意,黑仔到連DC都無電!!唯一可取係有位侍應姨姨好有禮貌,加番少少分。

囍筷餐單提供粵菜, 廣東, 中菜館等推介美食位於葵涌區，餐廳座位數未知人均消費約$51-100，結賬可以用現金。

您對於葵涌餐廳「囍筷」有何 comment？

囍筷餐廳詳細資料：

• 囍筷地址:
  葵涌葵義路2-10號新葵芳花園商場M層
  Happiness Gastronomy,  
• 囍筷電話:  
• 囍筷價錢: $51-100
• 分類: 粵菜, 廣東, 中菜館
• 座位: 未知
• 付款: 現金
• FB專頁: 囍筷 Facebook

更多囍筷相關資料:

• 囍筷分店
• Youtube
• Facebook
• Twitter
• Google