豐盛屋 荔枝角

豐盛屋 評價 相片

Lunch時間好多人等位, 由於我地早去到, 只等左5 分鐘有位, 我叫左個"豐盛脆雞排烏冬定食"($49), 同事叫左個"五彩魚生飯定食"($68)豐盛脆雞排烏冬定食 除左有烏冬, 仲有加洲卷, 飲品; 雞排味道一般, 烏冬就較林, 唔彈口, 湯底好咸五彩魚生飯定食 有三文魚, 鯛魚, 吞拿魚, 八爪魚, 帶子; 魚生都ok, 新鮮

前人經常都講，人生豐盛既時間應該係30開始。

而我既豐盛時間，應該係由知道有呢一間野既存在，哈哈哈哈哈。

「豐盛」係一間日本餐廳，典形既日本食物 (拉面、烏冬、魚生、壽司等等)。

佢位於長沙灣同荔枝角地鐵站既中間，但比較偏向荔枝角地鐵站。

之前已經知道有呢一間既日本餐廳，可惜實在離我上班既地方太遠啦，次次都冇緣。

更聽聞佢地提供既lunch 都十分抵吃，不過就不是用石窩，而是採用普通的大碗。

是日要係公司上training，以致錯過佐屋企吃晚餐既「黃金時間」，就相約同事一齊去試下豐盛。

由荔枝角c出口行過去，的確要花上數十分鐘。

一入店，估唔到都有好多食家剛開始點菜 (當時已經係晚上8:30分了)。

打開餐牌，已經見到食物種類好多。

面及烏冬類晚市原來都係午市加多2蚊，但係係用「石窩」上，冬天吃真係好窩心同好溫暖。

同同事仔叫佐兩個主吃 + 2個小食 + 2個飲品 (共hk$175)。

痴心吉列豬扒烏冬 (己升級為芝士流心) (hk$54)加hk$2 配一個熱既柑桔蜜，烏冬同面食都可以選擇3個唔同既湯底 (豬骨、加哩及木魚湯)及附送一隻「溫泉蛋」。

我地要佐個木魚湯，清清地好特別。

一上菜時，已經感覺到「石窩」既威力，木魚湯不停地翻滾。

烏冬係手打烏冬，吃落真係好彈牙同好滑，加埋木魚湯既清甜，係全既我地二人最愛既一道菜。

不過，不過，對佢個吉列豬扒(己升級為芝士流心) 就好失望啦。

因為個流心一d都唔流心，而且仲要係涼既芝士流心豬扒。

蒜片牛柳粒拚炒什菜 配白飯 (hk$53)睇到飯類，真係覺得佢地好大方，因為大大隻字寫住「可添加白飯」。

牛柳粒真係炒得好滑好香蒜片味，每一粒牛柳都有數量唔少既蒜粒，吃落更加香口。

牛柳size 都剛剛好一口一粒，再配上白飯真係幾十碗都吃得落呀! 不過同事就覺得牛柳炒得比較咸，又係幾支水都唔夠飲。

三文魚6件 (hk$36)正常既三文魚，以三十幾蚊吃6件三文魚算係咁啦。

燒飯團 (hk$26)咁大個女，第一次吃燒飯團，係同事極力推薦。

師傅燒烤技術好高超，燒得剛剛好，外脆內軟，脆得黎又唔會好似飯焦咁硬。

飯中有加入少許既肉鬆，令到成個飯團更加香口。

外層更有醬汁，可以帶出整個飯團既香味。

吃飽飲醉之後，又係一個工作天。

轉了新工不久, 地方又唔太熟, 近近地就試下啦!友人剛到荔枝角見客, 於是就相約 LUNCH, 當然由佢負責搵位, 哈哈!友人大約 12:35 左右就到, 當時已經差不多冇位!1 點左右我亦來到, 嘩~ 入面真係好細, 同好迫!LUNCH SET 大約 45 60 左右 + 10蚊好似就可以加一個頭盤同杯野飲!頭盤我揀左沙律, 都可以啦!拉麵配溫泉蛋....初初食啖都冇咩特別, 之後發現湯底好咸 不過呢個價錢都算係咁, 一試無防!

見到新開鋪，暫時冇乜人知，人客少少，就同屋企人入去一試，裝修雅致，環境尚算OK，坐嘅位置唔太迫，感覺幾舒服，店員主動招呼，有禮貌。

可能係新開張，啲店員有點生手，不過可以接受嘅，食物方面 以烏冬、串燒為主打，當然要試試。

烏冬以石鍋上，來到時熱騰騰，湯還在沸騰中。

本人當然一試湯底，味道濃郁但不太油膩，烏冬彈牙有咬口，我最喜愛︿唔錯唔錯；跟住食串燒，調味較少，食到原汁原味，我個人認為可以咸啲、濃味啲，但都係唔錯。

其實呢個地區 冇乜日式特式食店，而家 晚飯又有一處好選擇喇。

正!! 我過兩日試過中午想幫襯吓食烏冬，點知已經變成排隊店喇!!!

豐盛屋餐單提供日本菜, 烏冬, 日式西餐等推介美食位於荔枝角區，餐廳座位數40人均消費約$50以下，結賬可以用現金。

您對於荔枝角餐廳「豐盛屋」有何 comment？

豐盛屋餐廳詳細資料：

• 豐盛屋地址:
  荔枝角青山道526號地下
  Rich Japanese Restaurant, G/ F,526 Castle Peak Road, Lai Chi Kok
• 豐盛屋電話:  
• 豐盛屋價錢: $50以下
• 分類: 日本菜, 烏冬, 日式西餐
• 座位: 40
• 付款: 現金
• FB專頁: 豐盛屋 Facebook

更多豐盛屋相關資料:

• 豐盛屋分店
• Youtube
• Facebook
• Twitter
• Google