大叻越式料理 荔枝角

大叻越式料理 評價 相片

今日想食清淡d，所以黎到位於荔枝角Aeon二樓既大叻越式料理，試下越南菜。

食越南野又點可以唔食最出名既火車頭，有肥牛，牛丸，牛筋，牛柏葉。

一次過滿足你食牛既慾望。

湯底都幾濃郁！（由於太肚餓，唔記得影相記食左一半）本身想食牛油雞翼，點知今日賣哂，試試香茅雞翼亦唔錯，幾香口。

呢個蝦餅就真係差d喇，合埋眼食仲以為佢係魚蛋，口感認真麻麻，不推薦。

三道菜埋單一百八十幾蚊，以呢個價錢黎講算係不過不失，但真係唔建議試蝦餅。

我好日唔寫食評, 但呢間野咁經典真係要分享下入到去叫左個二人餐先上牛肉湯粉, 上到黎牛肉已經熟到唔熟, 都算! 個湯入口咸到乸晒脷, 好在有杯青檸soda頂住再上小食耕盤, 叫左春卷同雞翼, 已經係成個餐最正常第三樣真係食到一肚氣...肉碎生菜包, 肉碎真係得豬肉加甘荀, 可能太少料驚唔夠味, 廚師d鹽重手到呢, 我包埋生菜食飲晒成杯青檸梳打都解唔到果陣咸同味精...最後我好少有係食剩唔食, 因為真係擺唔到入口, 我怕食完會瓜左!第四樣係炒三絲, 一上菜果下嚇親, 一堆野..芽菜, 扎肉, 同唔知係乜, 仲有個紅色既水.....好恐怖, 樣我無要求, 又係一個字, 咸!!!!!!!!!! 都係食左一口已經食唔落.....d staff一個二個好似唔想做咁....無禮貌食咁耐越南野呢間真係好經典, 差到一個點!!!!!請我都唔會再去!!!!!!!!

同朋友見面之後好想搵個地方食飯。

啱啱經過有間越南菜館。

火腿絲好滑，芥蘭好新鮮好爽口。

餐廳裏面空間不大，但非常乾淨。

令我最深印象，服務員非常有禮貌。

白飯好大碗，同朋友食到好飽。

飲品叫左熱華田，非常濃。

炒芥蘭裏面有一些香料，在外面沒有食過。

我見到有生薑同埋越南辣椒，一啲都唔辣。

火腿我懷疑係金華火腿非常濃郁。

幫趁了這個店4年，從來未試過有唔滿意嘅時候，食物有水準，服務態度又好。

每次嚟必食嘅係柚子蝦沙律，鹽焗烏頭，無骨鳳爪，烤薄餅，海南雞飯，叻沙湯米佢哋嘅咖哩，豬手，龍眼冰，越南咖啡都好好味我係不停咁介紹朋友嚟食飯，朋友嚟食過嘅都讚好👍🏻

聖誕節倒到Aeon逛街購物，行完已經好攰，就準備搵晚飯食，本來想食日本菜，但因為大排長龍，見到呢間越南菜餐廳居然仲有位， 因為唔想等，就試下呢間啦！睇餐牌都有好多選擇，價錢唔算貴。

越式四色拼盤拼盤有四款食物，包括春卷、扎肉、蝦餅 、豬扒。

扎肉食落仲有雪，明顯未解凍，其他炸嘅食物就比較油膩。

大蝦粉絲煲粉絲煮得過火，糊成一塊，好難分開，蝦頗新鮮，分量算多，不過味道略淡。

越式炒飯冇乜材料，只有少少扎肉粒，蝦粒和蛋，飯炒得乾身， 唔錯。

香茅豬扒干撈麵麵底唔靚，有點糊糊的， 但香茅豬扒幾好味道。

蝦醬炒通菜 通菜大大碟，不過好油膩。

呢間越南餐廳嘅食物普遍偏淡、油膩，但價錢都好街坊，耐唔中嚟食下ok嘅，但如果日日食就唔得啦！

大叻越式料理餐單提供越南菜等推介美食位於荔枝角區，餐廳座位數未知人均消費約$51-100，結賬可以用Visa,Master,現金,AE,銀聯。

您對於荔枝角餐廳「大叻越式料理」有何 comment？

大叻越式料理餐廳詳細資料：

• 大叻越式料理地址:
  荔枝角深盛路8號碧海藍天AEON超級巿場2樓L201號舖
  Da Lat Viet Cuisine, Shop L201,2/ F, Aeon, Aquamarine, Sham Shing Road, Lai Chi Kok
• 大叻越式料理電話:  
• 大叻越式料理價錢: $51-100
• 分類: 越南菜
• 座位: 未知
• 付款: Visa,Master,現金,AE,銀聯
• FB專頁: 大叻越式料理 Facebook

更多大叻越式料理相關資料:

• 大叻越式料理分店
• Youtube
• Facebook
• Twitter
• Google