黃金茶寮點心火鍋 荃灣

黃金茶寮點心火鍋 評價 相片

叫乜冇乜，喺門口比佢個咖喱牛坑腩飯吸引左入嚟，點知原來係冇嘅。

之後叫咗個餐話有嘢飲跟點知佢假曰都係冇嘅。

嘢食垃圾服務勁差，唔會再幫襯😡希望大家唔好再中伏入嚟唔該晒I am hoping people not to come here again as the food is not up to standard and service is bad. Everything on the menu is not what they have. It’s a waste of time and money to come here

星期日都唔多人。

叫左野大概十分鐘先上第一批，諗住係新鮮蒸。

鳳爪，叉燒包都似酒樓味道，包仲差啲，表皮風乾左，但係又熱架喎，點知燒賣，蝦餃，蝦腸都唔新鮮，都係急凍味，好彩可以兩粒兩粒咁叫。

經典嘅係咸水角……形狀超奇怪，超級多油係下面，味道就當然係不能描述，入面勁少餡，第一次食咸水角係咁痴牙，反正係唔推薦大家叫啦！茶錢4蚊一位都還可以接受，6個點心，總數132兩個人。

淨睇價錢黎講都算平，不過計埋食物品質就真係浪費錢啦。

黃金茶寮(荃灣店), 中午飯真係慢到無輪，13:01 order蒸魚+鳳爪排骨飯， 13:40 先嚟條蒸魚，5 成熟，即係唔熟，仲係生嘅， 鳳爪排骨飯， 14:00pm都未到，想點？隔離左右啲客已經問候緊娘親，做唔切就唔該唔好出蒸嘅野~怪唔之 lunch時間都有位坐啦~!!!!!

琴晚同老公行完街，搵地方撐枱腳，見到呢間係轉角位嘅餐廳，見佢有特價晚餐就諗住試吓啦，於是就入左去。

叫咗個水煮牛肉、乾炒牛河埋唔記得叫咩名嘅籠仔飯食，籠仔飯有火腿、冬菇同斑塊，蒸出嚟啲飯都幾有荷葉香，斑塊好滑，東菇都有返咁上下大隻，飯量啱啱好， ＄48有成個蒸籠蒸飯俾你食，感覺上都幾有誠意。

乾炒牛河唔記得影相，不過又係＄48大大碟，未拎到黎已經聞到香味，色水幾靚，夠鑊氣，唔會好油，冇點辣椒醬都食得晒成碟，讚。

水煮牛肉都幾有水準，芽菜夠晒多，唔會非常辣，牛肉入味，茶餐廳整到呢一個賣相同味道，感覺都幾驚喜。

總括嚟講，嘢食都幾驚喜，環境唔會好嘈，比想像中好食，老闆娘幾靚女幾好傾，笑容可嘉，下次唔洗湊小朋友再同老公黎啦～

可能新年食得太熱氣，搞到生哂痱滋所以諗住食返啲普通家常菜唔好再咁熱氣。

但餓得滯食左兩啖先影相叫左三個小菜，啲小菜色水好睇，食落好好食，食唔到味精，仲要好平，加埋都唔洗$200，好滿意梅菜蒸肉餅：梅菜唔會太咸，個蔥油豉油好好食，份量好足夠豆豉鯪魚油麥菜：啲菜唔會林哂，色水好靚，唔會好油蕃茄炒蛋：個味較得幾好，唔會酸，唔識評喇，但整體都好好食，爬左兩碗飯同朋友兩個人食，一人食左兩碗白飯，好好味呀見佢黃金蝦都係賣$88，下次黎試下～

黃金茶寮點心火鍋餐單提供港式, 火鍋, 點心等推介美食位於荃灣區，餐廳座位數未知人均消費約$101-200，結賬可以用現金，Booking訂位可以電話致電 37059033 查詢。

您對於荃灣餐廳「黃金茶寮點心火鍋」有何 comment？

黃金茶寮點心火鍋餐廳詳細資料：

• 黃金茶寮點心火鍋地址:
  荃灣荃貴街13號富麗花園商場B座地下50-52號鋪
  Golden Dim Sum, Shop50-52, G/ F, Shopping Arcade B, Wealthy Garden,13 Tsuen Kwai Street, Tsuen Wan
• 黃金茶寮點心火鍋電話: 37059033
• 黃金茶寮點心火鍋價錢: $101-200
• 分類: 港式, 火鍋, 點心
• 座位: 未知
• 付款: 現金
• FB專頁: 黃金茶寮點心火鍋 Facebook

更多黃金茶寮點心火鍋相關資料:

• 黃金茶寮點心火鍋分店
• Youtube
• Facebook
• Twitter
• Google