高美餐廳 荃灣

高美餐廳 評價 相片

住左荃灣成年都唔覺有班cafe，基本上係一班唔識開cafe嘅中年人開嘅cafe，waiter 同廚房係唔識溝通，連同事都話佢地講野1999，可能連茶記態度都好過佢。

講返食嘅野，叫左個海南雞飯，標榜係本地新鮮雞，幅相有3個dip。

上到黎，個湯係唔錯，不過3個dip變2個dip，都係事少。

但係個雞就最大鑊，鞋之餘仲有怪味，根本唔係所謂嘅新鮮雞。

除非真係好肚餓，唔係都係唔好去食。

PS 有對情侶等左好耐，等到無野食，最後忍唔住走左😂😂😂

附近基本上都係清一色茶餐廳常餐快餐，焗飯粉麵都食到厭，今次早餐去左呢間西餐廳食，之前試過佢午餐既飯同意粉都水準唔錯，今朝黎左佢度食早餐，雖然只係鮑片火腿通，但係同連鎖銀X翠X餐廳既味道同煮法都幾唔同，有新鮮感。

但整體黎講呢間野價位較高，唔知係呢個區域度捱唔捱到落去呢

十年都唔打一次食評，今日又忍唔住出手，今日中午去食午餐，去到唔洗等位，可能因為價錢比較貴的關係吧，坐低叫左個鰻魚飯食，盛惠$68蚊，個餐包杯熱飲，叫左杯熱咖啡，首先上野飲先，ok係正常冇問題既，到個飯來既時候，成只碗都係燙手的，開始時感覺好奇怪，點解只碗咁熱既，見到個半條鰻魚乾爭爭，再加只蛋睇落覺得同日本餐廳個d完全係2回事，一食啖飯就覺得點解d飯痴埋一舊又硬硬地既，咁似隔夜個d飯既，咁我終於明白點解成只碗咁熱，原來係要來整熱d隔左夜既飯，條鰻魚又乾爭爭咁，成個感覺真係好差囉，比$68蚊大把選擇，希望開舖既人比d良心做生意啦

食咗呢度幾次嘅早餐，決定今晚試一試佢哋嘅晚餐，一樣無令到我地失望。

今晚嘅美國珍珠蠔做special, $100有3隻，諗住咁平本來無好大嘅期望，點知D蠔上枱嗰陣咁大隻嚇咗我一跳，配檸檬汁同tabasco已經好鮮甜，咁嘅價錢食到咁高質素嘅生蠔，真係好驚喜。

新加坡海鮮喇沙D料好似多過D麵，有豆卜同菇之餘，有2隻大蝦同1隻帶子(老闆娘話俾我知佢地係用剌身帶子), 湯底好有魚香同椰香味，我差唔多飲哂D湯。

安格斯牛扒煎得好乾身，配薯菜同燒汁好好味。

跟餐仲送多一隻生蠔，又食多一只😅😅佢地呢度入嘅手工啤酒好特別，今日老公揀咗其中一支比利時嘅，有D甜味好易入口，就算我平時唔飲洒都覺得幾好飲。

我自己就叫咗一杯熱情果梳打，好多熱情果嘅籽，好好味呢間餐廳雖然地方細細，但係質素仲好過D洒店，老闆娘親自下廚，一有時間仲出嚟問我地覺得D食物如何，互相交流同傾吓計。

食完今餐，我同我老公都認為，荃灣終於有一間咁高質素嘅餐廳，以後一定多D幫襯

朋友食過好食，建議gathering encore聚腳。

預訂了7人的8:30的晚餐，朋友說餐廳有打過黎確認，有機會8:45先有枱，但最遲9點都會有枱。

心想都好有heart。

今晚8:35到達，我地有大肚婆，唔想走黎走去。

講左幾次我地到左，但佢都無作過任何安排。

仔細看看餐餐內的人才剛上菜，其中一位顧客才啱啱上菜，開始進食。

跟本從一開始佢就知9:00我地都唔會有位但從來無出聲。

我地一直以為係入面的顧客未埋單，但原來人地根本未食野。

等到9:15，侍應說唔好意思，但你食第二輪就預左要等架啦。

我更生氣跟她說，我地一早黎左，如果你8:35上一輪都未上菜就不要說請我們等一陣。

一陣的意思是一小時？我想大家對「訂枱」的觀念有很大的差距，他們的訂枱是你可以訂，但佢唔一定要比枱你。

佢地的等一陣意指你要等最起碼1個鐘。

高美餐廳餐單提供西式等推介美食位於荃灣區，餐廳座位數未知人均消費約$101-200，結賬可以用現金，Booking訂位可以電話致電 25219177 查詢。

您對於荃灣餐廳「高美餐廳」有何 comment？

高美餐廳餐廳詳細資料：

• 高美餐廳地址:
  荃灣路德圍2-6號荃運樓二期地下A1號舖
  Gourmet Café, Shop A1, G/ F, Tsuen Wan Building I I,2-6 Lo Tak Court, Tsuen Wan
• 高美餐廳電話: 25219177
• 高美餐廳價錢: $101-200
• 分類: 西式
• 座位: 未知
• 付款: 現金
• FB專頁: 高美餐廳 Facebook

更多高美餐廳相關資料:

• 高美餐廳分店
• Youtube
• Facebook
• Twitter
• Google