雲南過橋米線 荃灣

雲南過橋米線 評價 相片

荃灣好食嘅米線實在太多 但擬於唔想排隊嘅關係 今次喺荃灣西附近咁啱見到有間平平無奇嘅鋪頭豬頸肉雞絲蘿蔔紅薯粉 $27(麵底)+$19(配料)嗌咗少少辣 反而冇我想像中咁辣配料份量都幾多 豬頸肉算爽口 雞絲神奇地唔係鞋拾拾 但可以唔係好幼嘅關係 所以唔係好吸湯 蘿蔔就唔掂啦 食落去唔甜又有榨 •比較舊嘅鋪頭 衞生情況就有待改善 不過味道正正常常啦 🚩雲南過橋米線 荃灣享和街96B地下

中午時段去食飯，本來打算食另外一間米線，點知打電話無人聽，無意中見到呢間！係門口就拎左餐單睇，見到幾吸引。

揀左酸辣炸醬紅薯寬粉，雞亦尖，豬紅。

呢間既寬粉係似大陸既火鍋粉，唔係平時食開酸辣粉的紅薯粉。

我個人第一次食呢隻粉，味道唔錯，好有嚼口。

個湯底叫左小小小辣（丁咁多辣），等於其他地方食既小辣，我個人覺得辣度比起其他地方的辣度會辣多一級。

湯底濃香，一點都唔油。

配菜份量都好多，最好食係雞亦尖，似鹵水過，超級淋。

好地地想食個米線都要搞到成肚火，知你地間野下午好多人排隊，明明我排先過後面兩個人，店舖個姐姐仲要俾後面兩個人入先過我，仲話係佢地尼先，我再三強調係我尼先，而事實上都係我尼先，但個姐姐完全冇理過我。

我幫襯尼間米線好多次，亦都唔止一次以第三者角度見到其他客人因為排隊次序問題而發生爭執，希望曾經遇到有關問題既人都上尼反映下，雖然可能我過份誇張左，等多張枱唔洗死，但我都要為自己攞返公道！尼間野對排隊人流管制做得好差，只係靠店舖姐姐既「記憶」確認，寫張紙mark個編號都懶，錯左仲要怪客人，奉勸大家唔好幫襯尼間米線。

呢間米線舖行過真係唔多覺眼，係朋友叫我黎我先知，原來都幾多人食本身對佢地嘅米線都冇咩期待，因為可能俾裝修影響左，因為都偏舊同坐位好窄，米線都係一般餐廳既款式，我今次就叫左炸春卷米線，春卷得一條，不過就好大條嘅，啲米線偏淋，個人幾鐘意，我叫左小小辣就岩晒，因為朋友話佢小辣都幾辣，碗米線最主要靠酸菜、辣椒同肉碎令到有味，不過不失，不過$38黎講就有少少貴，另加飲品$7朋友就叫左撈米線，啲餸放晒係底冇影到，佢叫左韭菜餃同紫菜做餸，都係正常質素

好味指數😋😋😋😋回頭指數⭐️⭐️⭐️⭐️開心指數🤗🤗🤗又到咗食外賣日，今日雖然天氣好熱，作為米線控嘅我，又心郁郁好想食又熱又辣嘅米線！呢間都係我不時會買外賣食嘅，作為雲南米線，佢個湯底都好唔錯，中辣都算幾辣，唔食得辣嘅就最好叫少辣，我自己就係鍾意佢個湯底同埋佢個辣度，辣得好鬼爽！唯一有啲唔開心嘅係，明明我叫咗3個餸，打開碗麵發現佢只係俾咗2個餸我，冇俾到麻辣豬耳我！呢方面要大大地扣一分！😤🍴酸辣炸醬米線中辣($26) + 腩肉（$6）+豬肚（$6）+漏咗俾我嘅麻辣豬耳（$6）打開時熱辣辣，今次發現餸方面好足料，比起之前食嘅多咗餸，尤其係炸醬，係勁多，炸醬勁好味，佢嘅肉碎好有質感又唔硬，仲要調味足！兩款餸份量都頗多，唔會好似有啲米線舖咁得兩舊餸咁少，腩肉比較大舊，有一兩舊有少少「鞋」同埋唔太入味，但有啲又好淋好入味，豬肚就淋得嚟有少少咬口，好好味！

雲南過橋米線餐單提供滇菜, 雲南, 川菜, 四川, 粉麵, 米線, 茶餐廳, 冰室等推介美食位於荃灣區，餐廳座位數未知人均消費約$50以下，結賬可以用現金，Booking訂位可以電話致電 28989699 查詢。

您對於荃灣餐廳「雲南過橋米線」有何 comment？

雲南過橋米線餐廳詳細資料：

• 雲南過橋米線地址:
  荃灣享和街96B地下
  雲南過橋米線, G/ F,96 B Heung Wo Street, Tsuen Wan
• 雲南過橋米線電話: 28989699
• 雲南過橋米線價錢: $50以下
• 分類: 滇菜, 雲南, 川菜, 四川, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 雲南過橋米線 Facebook

更多雲南過橋米線相關資料:

• 雲南過橋米線分店
• Youtube
• Facebook
• Twitter
• Google