阿甘車仔麵 荃灣

阿甘車仔麵 評價 相片

湯底味道不錯牛腩可再改良滑些更好、口感很柴豬腸再淋身會更好吃、分量多返少少覺太小其他料如再試再評送的豆漿甜度適中，可試加麻辣湯底自選服務快、態度好街坊多一個選擇

今晚去新屋做清潔，吾想搞到甘夜，所以無咩選擇，係附近食個快就可以，之前食個兩次金海濱，係好好好食，但想explore 下新野，我記得有間車仔麵，所以去try try. 吾算多人，吾太貴都，揀左河粉，無，甘叫左油面，加豬大腸，墨丸同”9”菜餃，叫左bb辣。

一黎到，已經好香，叫拒個面底甘少，仲擔心會吾夠飽，如果你吾係特別肚餓，都ok夠的，個湯底加左辣，好香好惹味，應該係自家整。

個豬大腸感覺都好乾淨，其他料就正常。

之後嗌左通菜，兩個人食細都可以，之後飲埋豆漿，呢間可以成為我地之後飯堂之一。

雖然住海濱花園好耐成13年了，但未必所有食店都試過，見到這店車仔麵，即時已即刻想入去試下，因望見店內整齊企理，好乾淨感覺，不似傳統的車仔麵的外貌。

叫了2碗，一個撈麵同正常湯車仔麵，$39有3個餸，加埋飲品$6, 即套餐$45就搞掂，1)雞中翼，豬皮和韮菜餃撈幼麵撈秘制滷水汁(BB辣)，味道剛好，好好味不咸，雞亦索晒滷水汁好入味，韮菜餃一般，豬皮爽口好得。

2)牛腩魚蛋同豬大腸湯幼麵腩汁(少辣)，牛腩份量雖然唔多但好淋入味，豬大腸都夠淋同乾淨， 唯獨魚蛋就一般吾夠彈， 但整體上都合格， 下次會繼續光臨試其他餸。

😁

海濱花園雖然自成一閣, 但餐廳小店不少, 今次就試下車仔麵, 估唔到都有驚喜。

同一般車仔麵一樣, 枱上有點餐紙同筆, 自己揀想食既餸、 麵、 小食同飲品, 三餸一麵$39, 再加餸每樣$8, 價錢都算抵食。

食物選擇都算多, 辣度仲可以去到魔鬼辣, 鍾意食辣既真係要試下, 事關男人試咗話好好味😂🔸秘制蝴蝶腩+韭菜餃+蘿蔔+油麵🔸(腩汁) ⭐⭐⭐⭐蘿蔔清甜無渣, 蝴蝶腩炆得好淋確實係幾好味, 韭菜餃都不錯, 夠多韭菜。

🔸豬皮+豬紅+大腸+撈油麵(魔鬼辣)🔸⭐⭐⭐⭐男人話辣得過癮, 豬皮同大腸已經炆得好入味, 份量仲大大碟。

🔸蠔油唐生菜🔸⭐⭐⭐⭐有時都好怕出面食唐生菜, 一係洗得唔乾淨, 一係質素麻麻地, 但呢度既唐生菜都好新鮮靚仔。

🔸飲品🔸⭐⭐⭐⭐酸梅湯+豆漿都不錯總括黎講, 食物質素高, 價錢抵食, 份量夠飽, 味道幾好, 我一定會再黎食的。

最好食的溫情車仔麵~車仔麵成日食，但真係食過最好食的一間，位置係屋苑入面唔算難搵。

車仔麵料足，湯底係老闆自己煲，唔同一般味精湯，超好有心機，超好味，差d連湯都飲埋～豬皮蘿蔔一定要食，好入味！鹵水八爪魚🐙都好唔錯，值得一試~好快有得食，肚餓一定唔係怕~裝潢幾溫馨，唔會窄，坐得舒服，同朋友或者男朋友溫溫馨馨食碗麵都係一個好好的選擇！老闆人好好，一邊食一邊有講有笑，好好招呼~價錢便宜，一定一定會再返黎食！！ 超贊

阿甘車仔麵餐單提供港式, 車仔麵等推介美食位於荃灣區，餐廳座位數未知人均消費約$50以下，結賬可以用現金，Booking訂位可以電話致電 68001099 查詢。

您對於荃灣餐廳「阿甘車仔麵」有何 comment？

阿甘車仔麵餐廳詳細資料：

• 阿甘車仔麵地址:
  荃灣海濱花園第六座海霞閣地下120C號舖
  阿甘車仔麵, Shop120 C, G/ F, Hoi Har Mansion, Block6, Riviera Gardens, Tsuen Wan
• 阿甘車仔麵電話: 68001099
• 阿甘車仔麵價錢: $50以下
• 分類: 港式, 車仔麵
• 座位: 未知
• 付款: 現金
• FB專頁: 阿甘車仔麵 Facebook

更多阿甘車仔麵相關資料:

• 阿甘車仔麵分店
• Youtube
• Facebook
• Twitter
• Google