金富燕窩潮州酒家 荃灣

金富燕窩潮州酒家 評價 相片

今午同家人飲茶…大姊揀哩間潮州酒樓…貪佢就近兼有50元優惠卷可用…而且最重要係食物質素ok…酒樓都係主要做屋苑o既街坊生意…閒時中午就多左附近學校放飯o既教員黎幫襯…普通守舊陳設裝修…服務員亦禮貌友善…簡單叫左個$218四人餐(已包加一及茶芥費):自由選4款點心 + 1款炒粉飯麵或粥 + 滷水拼盤/鹽水雞半隻/醉香鴿1隻特大中小o既點心都齊備供選擇…著價錢論…當然係選特點為佳, 但仍要以合口胃為先…分別選左:鮮蝦炸腐皮卷…讚! 皮脆蝦爽熱騰騰!...珍珠雞…稍嫌餡料吾夠豐富…豉椒汁蒸鳯爪…柔韌度適中, 醬汁惹味好味ok!…水晶蝦蛟…等到全餐食物都清晒, 追左3次單先話蒸好!! 外皮好厚!! 蝦肉吾算彈牙, 又好似冇筍o既爽!!...吾推介o羅!!額外多選一個老爸同我都喜愛o既山竹牛肉…顏色似未熟o既粉紅, 肉質同味道一般…麻麻咋!!方魚肉碎粥…好大一鍋!!...用料十足, 食味亦佳!!...滿意可口, 食左兩三碗呢!!滷水拼盤……原來此乃小小外甥女最愛必食之選!!...賣相就吾多吸引, 碟又崩晒邊(哈!!)…但吸引在”拼”o既種類夠多!!...有豬耳朵, 鵝片, 豬脷, 豬頸肉(好少有!), 紅腸同雞蛋…墊底則有豆腐及花生…好豐富!!...整體味道果然不俗, 自己則最愛豬耳朵同豆腐…豬頸肉最差!!價錢算大眾化…但睇黎佢地都係較拿手潮州菜…廣東點心就未算特別出色o羅!!

今日諗住近近地食下午餐就算，諗諗下其實海濱係冇乜野食，酒樓得2間，而e間"金富"我就有陣時會黎食晚餐，都唔錯既，不過份量就少左d之前我都想試下佢既點心架啦，今日終於食到啦，不過同我預期一樣，冇乜特別....如果佢唔係免收加一、茶芥既話，我唔會去囉佢既地理位置都唔錯既，入到去，有成牌既長窗，可以見到個海濱公園，好令，比我有一種悠閒既感覺雖然唔洗排隊就入得，但係裡面其實都幾多人，搞到好嘈= =而且枱同枱之間既距離係好少，好迫算啦，睇下有冇野食仲實際...我地三個人叫左9樣野，其實聽起黎好似好多，但係我好似食空氣咁，好快就消化晒，我諗我食完行番去海濱，都差唔多得番2成飽好彩佢有幾部電視比我地睇下姐，如果唔係，我諗我會等到發臭第一輪野黎啦宮廷桂花糕 e個都ok喎，我諗住夾個陣，個桂花糕係對筷子中間"線"番落個碟(滑!!!!)食落去仲係我個口個到彈彈下，佢又唔會話好甜，仲有d杞子係裡面，但係食唔到杞子既味凍芒果布甸 其實係好細碗，我家姐食唔夠幾分鐘就食晒，同瑪佢冇乜芒果粒，得布甸....味道&外覲都係一般腐乳炒通菜 我諗係咁多樣野之中，佢係最好味架啦d菜少少油，d莖夠爽，葉就淋左d，讚既就係d腐乳(另上)，唔會話好hot，好"醬"，可以點黎食都得呀^^ 香煎蘿蔔糕 個賣相都幾好，唔會太焦&油，都ok既，加瑪個甜醬，唔錯，不過都係個句，份量好少過左8分鐘，第二輪野食黎啦鴛鴦水晶包 我只係食左豆沙個個，個皮唔太黏，厚度岩岩好，個餡就一般啦，有淡淡既豆沙味，食落去真係好沙....但個個皮&餡既比例就1:2...夠料潮州粉果 我食左3個，唔可以話佢好味/唔好味，因為我只係冇乜野好食，先會食個粉果，個皮太厚個餡料就麻麻地，以我記憶中，就有唐芹、馬蹄、蝦米、豬肉碎&花生，太少料，而且個味唔係太突出迷你珍珠雞 好彩佢有寫住係迷你炸，如果唔係，我會覺得佢騙人囉，雖然一籠有兩隻珍珠雞，睇落去好似好多咁，其實係個籠鈿炸.....個珍珠雞唔夠汁，一打開佢個陣，好似係d米黏瑪一舊咁，冇咩色，係整開佢個餡，先有少少色...個餡都少，全部都好細粒，連雞都係....變成左雞粒...我心諗，我已經唔期望有雞翼啦，起碼都有雞塊都好呀，佢竟然比:雞粒我 唔好味菜苗帶子餃 個餃都算厚，裡面d菜整得算碎既，但係我好難先揾到有帶子囉(我仲揾到有蝦)，我諗一隻餃只有一粒帶子唔抵食，味道都係一般，唔洗我講啦...叉燒包 個size都係細= =比手掌再細多d，個餡爆唔到出黎既，唔睇唔知以為係雞包仔，個餡都可以接受既P.S. 小點 14元中點 18元 大點 21元 特點 24元 頂點 28元 一睇就知，佢將加一&茶芥加左係d食物到啦....總數$177

因為昨日午餐都是飲茶，今日又是，的所以分別明顯好大，是天與地的分別啊！無論食物、環境都是好有分別，但當然價錢有所不同。

如果只是想填飽個肚的話都是一個好選擇，因為這酒樓有3免，是茶、芥和加一，好似好抵食。

晶瑩明虾腸腸粉皮不薄滑，虾肉是經過加工醃製，食得出不新鮮蜜汁叉燒腸普通到極。

虾餃都是同樣虾肉不新鮮，虾餃皮幾厚蟹皇燒賣點心中算是不錯，豬肉為主，食不到有蟹肉迷你珍珠雞同是點心中比較不錯的，餡料豐富入味，糯米不會太硬或太軟菜苗帶子餃外皮厚，當中的帶子是好難食出味來，甚至不太似帶子豉汁蒸鳳爪正常水準潮州蒸粉果比較細少，和都是厚皮到........鮮竹牛肉球 正常水準蜜汁叉燒包同樣皮太厚，餡料不多欖仁馬拉卷味道淡，可來欖仁呢？麵粉又不夠幼滑潮州炸油粿好多油鴛鴦水晶包豆沙茸都比較容易食得出，另外一樣就真是奶皇不似奶皇，好糊口，不好吃XO醬炒蘿蔔糕欠乾身，油太多最不能接受的是烏邋蹋，沒人幫我們擺位，只是放底碗筷，但當我們自已來的時候就見到筷子上有豉油類的醬汁，嘩！我只好立即用消毒紙巾清潔。

Sammary:完全不會再去這酒樓，無一款食物可以叫好，極其量只能話OK，點心不是皮厚就多油，飲茶本身都幾不健康，再加上油多之餘又不好吃，算吧！忘記他(金富)吧！

以為在海濱無乜好野食, 估唔到呢間酒樓仔製作的食物又幾有心,價錢唔貴又免茶免加一(星期一至五)仲要做緊promote, 消費滿180可用$50代用卷,叫左(1)拼盤 (個碟唔大,但唔似出面打冷的舖咁, 用D花生豆腐墊高晒,食物有鵝片,鵝件,墨魚,豆腐,紅腸,腩肉...) 價錢唔記得..(2)胡椒豬肚湯 $48/58以為個盅好細得好少, 點知連榨有8碗....好抵(3)九肚魚烙$48出面通常食蠔餅,但佢有九肚魚餅, 一樣鬆脆,魚一D都唔鯹, 魚餅有加蝦同菜脯,好香~~~推介(4)荔芋香酥鴨 $58/68好大碟 炸得好鬆化, 幾正~~不過因我地只有三個人,所以食多幾件就有D漏人太少, 未能試埋凍魚,下次多D人一定會再去~

金富在我家附近, 所以經常到此用膳或飲茶.它雖然價錢在區內略貴, 但是全日三免, 計落相差不遠, 比起鄰近的新X, 環境及質素都好得多.今晚點選三個餸.每次必食的卥水拼盤, 內有鵝片,鵝肉,鴨舌,紅腸,豆腐及墨魚.這款必食的菜, 每次份量都很參差, 今次萛合格.蠔仔餅, 煎得香口, 蠔仔尚算新鮮.柚皮魚膘, 最初以為是新鮮魚膘, 上菜原來是用咗花膠. 這味餸其實賣點是柚皮, 索哂D汁, 非常好味, 而且柚皮份量不少.

金富燕窩潮州酒家餐單提供潮州菜等推介美食位於荃灣區，餐廳座位數未知人均消費約$51-100，結賬可以用現金。

您對於荃灣餐廳「金富燕窩潮州酒家」有何 comment？

金富燕窩潮州酒家餐廳詳細資料：

• 金富燕窩潮州酒家地址:
  荃灣永順街38號海灣花園商場地下高層UG1-UG12號舖
  金富燕窩潮州酒家, Shop U G1- U G12, G/ F, Waterside Plaza,38 Wing Shun Street, Tsuen Wan
• 金富燕窩潮州酒家電話:  
• 金富燕窩潮州酒家價錢: $51-100
• 分類: 潮州菜
• 座位: 未知
• 付款: 現金
• FB專頁: 金富燕窩潮州酒家 Facebook

更多金富燕窩潮州酒家相關資料:

• 金富燕窩潮州酒家分店
• Youtube
• Facebook
• Twitter
• Google