超記飲食中心 荃灣

超記飲食中心 評價 相片

以前都多午飯來食.隻發瘟婆間唔中都阿吱阿咗坐呢度坐果度.唔緊要.我都合作下明白你既.2人來食我都唔專登坐卡位.3人都坐半邊大枱算.但佢早排突然大失午飯水準.所以又無去一排.就今日.因天氣唔穩定就近近地試番超記.誰不知我們3人入去食.隻發瘟婆發晒癲要我地坐路中間果幾張.我地問坐埋牆果幾張？點知佢即爆seed話呢度我話事.我要你坐邊就坐邊！唔緊要.我哋走之後去左美狄食.又坐得舒服唔受氣其實你d 野食又飄忽.

真實記錄打工仔放飯食乜，所以又係超記、又係工廈頹飯！唔好睇少工廈飯堂，腦細話搬咗嚟旺角後叫茶記外賣難食到pk😹😹睇黎我哋俾超記養到揀飲擇食😹😹西檸雞一樣咁好食咁好送飯，酸酸maymay好開胃，椒鹽豬扒都幾好食，今次阿姐終於肯幫我少飯🌚西檸雞飯 $56（手寫menu先有）椒鹽豬扒飯 $56

幾年前自從搬咗入荃灣就開始留意有什麼好吃。

偶然有一次因為要去一個工廠傾一點事情，發現了這個隠世的地方，起初都抱着懷疑的態度，記得第一次點的是一個普通餐蛋麵，沒有改出前一丁，但出乎意料之外都非常好食。

現在已經是常客最少一星期都會幫襯一次。

今天一點了一份干炒斑腩米粉及豆腐火腩炒麵。

這個canteen最特別之處，就是幾乎你想到要有什麼菜式即炒之類的，他們的廚房都可以做給你。

希望這個介紹可以給到一些在荃灣橫龍街，荃灣三寶附近的朋友們多一個唔錯的選擇。

這個canteen唯一缺點就是比較多地盤工人也知道這裏的鑊氣非常好所以經常來幫襯。

好味既食物，係要時間去處理的，之前已食過，西炒飯，五香肉丁炒飯，廈門炒米...已覺得不錯的，今次叫了我最喜歡的銀芽肉絲炒麵如圖，餐飲+炒麵成為$43，價錢一般，但.....味道好，份量大，外觀是漲起的，已淋了肉絲獻上面也是漲起的，這是重點，因這個麵成功與否就在處理銀個麵，食到尾，也有脆口部分的。

所以我等了20分鐘才有得食，也是值得的。

即炒出來，有鑊氣，味道適中，不錯的。

我試過其他餐廳的，淡而無味，麵底是淋芝芝的。

超記，I will be back again

大前日(132012 Thur)運輸公司畀一封$200.00o既利是我,往年佢都有畀其他同事,呢日得我同女同事MK,MF o係o度,我就話我o地分o左佢,MK提議我要$100.00,MF要$50.00,剩返o既叫兩個tea我o地三個人食.哈,咁好啦,而呢日冇老闆o係o度,就呢日食啦,我o地叫o左兩個$22.00o既餐:1. 炸雞脾配沙律+熱菜蜜炸雞脾主要係MF一個食,MF就飲熱菜蜜,而沙律就share o黎食,我覺得好凍,沙律醬多同滑.2. 炸雞翼配咖哩角+熱檸蜜熱檸蜜就我飲o既,其他係我同MK分,一人一隻雞翼,佢要兩件咖哩角,我就要一件.咖哩角唔大件,脆口,唔辣,普通.炸雞翼都重熱,亦唔大隻,都幾脆,而味道呢,原來唔係用普通豉油醃,而係美極,第一次食美極炸雞翼,應覺比普通豉油鹹啲.而熱檸蜜係墨綠色,應該係菜蜜加幾片檸檬,味道就係菜蜜味濃啲.價錢:單張寫明檸蜜菜蜜呢啲要加$3.00,但我落單時,佢話檸蜜要加$1.00,o黎到收$45.00,即係少收$5.00.

超記飲食中心餐單提供港式, 茶餐廳, 冰室等推介美食位於荃灣區，餐廳座位數未知人均消費約$50以下，結賬可以用現金，Booking訂位可以電話致電 24087139 查詢。

您對於荃灣餐廳「超記飲食中心」有何 comment？

超記飲食中心餐廳詳細資料：

• 超記飲食中心地址:
  荃灣橫龍街32-40號興盛工業大廈地下
  超記飲食中心, G/ F, Houston Industrial Building,32-40 Wang Lung Street, Tsuen Wan
• 超記飲食中心電話: 24087139
• 超記飲食中心價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 超記飲食中心 Facebook

更多超記飲食中心相關資料:

• 超記飲食中心分店
• Youtube
• Facebook
• Twitter
• Google