蠔吧 荃灣

蠔吧 評價 相片

難得的生日放假日,可以同至愛食一餐正常的生日晚餐,由於好多節目想做,想睇戲食飯同埋同至愛懷念下拍拖時的浪漫行沙灘同上山頂吹吹風,所以就想係荃灣搵間浪漫點的餐廳,荃灣資源有限,廖廖數間,隨便就選左OYSTER AMOR !一入到去,由於都係五點九點既關係,仲有人食緊下午茶, WAITER 問我 下午茶定係晚餐,跟住我就同佢講話係生日的,有無優惠!佢笑笑口!我同佢講,我兩位想食蠔,佢安排左大台俾我,我有點不好意思!我一個人坐左一陣等老公放工,waiter 見我一個人呆坐,就過來同我講解menu哇,一打法國蠔送半打同愛爾蘭蠔,唔係澳洲咩,佢話因為依家季節澳洲蠔唔岩大眾口味,所以轉愛爾蘭蠔,好細心呀九隻送兩隻,都幾抵!同老公相量過後都係叫半打,再加一個couple set,兩杯白酒d蠔好白酒好飲,好香既花香,易入口,仲有好微微既甜...到熟食啦,有兩個湯, 一個沙律,兩個扒,西冷/肉眼/自然豬我要左龍蝦濃湯,個waiter 同我講會濃味d同salty, 需唔需要淡d,我諗住試下,所以就無咩所謂,飲落係有點鹹,但係可以接受,因為有d甜同好香,ok la老公就要mushroom cream soup, 好多粒粒,佢話好味沙律,好普通既凱撒到扒啦,我要西冷5成熟,老公就要左自然豬,waiter 又話會得微溫,不會好熱,需唔需要熟d,唉,有點煩,但都算細心,我未試過有waiter 咁提我!不得不讚,兩個扒都唔錯,由其豬扒,真係估佢唔到咁嫩,同juicy,, 仲送左一杯紅酒,好開心!

一行6人生日飯局，食到個個樣子黑晒………生蠔、$50以上的還可以，只是還可以，不可能是美味，而且細隻…… 法國生蠔都咁既質素真係好懷疑是否真貨？意粉、等好耐，份量小，味道差，講緊$140～190，只有好咸的，腥的……西冷牛排、80安士的，$29X的！！！完全嚇死人，薄到唔可能是8安士？？切開唔熱，內生？？6成都無吧？？算，牛排得佢咁薄片再加熱應該唔洗食，照食，竟然可以有雪藏味？？？完全無牛肉味！ 我在超市買的仲有牛肉味過佢！！大家已經對這裡的食物質素心裡有數完全無心情再食落去！！這裡只有環境裝潢得好似幾有氣派、但內裡真係完全唔得！不可能再有下次！ 從未如此食完一餐氣頂到要即刻登記話比大家知呢間野有幾差！！理單要$1200！！ 完全覺得掉錢落海… 仲要完全唔飽

因為見佢個門面幾靚，荃灣又冇咩食蠔的地方，未試過所以一試, 不過我真係想講對食物同服務都好失望!我地入去時覺得環境OK, 簡潔裝修，有個女士同我地介紹蠔，好詳細同態度良好，所以我地叫左一打蠔(3款)，一人一個餐，一個羊扖一個牛柳，龍蝦湯，有鵝肝，兩杯red house wine... 之後，應該食蠔先，我地見全舖(其實得幾枱客)都冇人吃蠔，我地想應該好快，點知╴我地由唔餓變到餓╴我地等左半個鐘都未有蠔 佢話因為好多蠔開，但我地見個蠔BAR未出過╴不過佢開好慢...終於有啦，老實講... D蠔都可以，因為成450蚊一隻╴收得咁既價錢，同埋叫我蠔吧開蠔開到咁，真係有待改進囉╴之後就係個湯╴因為我地加錢轉左龍蝦湯...點知佢黎左跟餐湯... 又要等過，明明唔多人都可以咁慢同錯???終於有湯飲啦，佢之前都有講過係好濃既龍蝦湯，但係我地兩個既 comment 係 超鹹... 鹹同濃應該唔係一樣卦??? 飲左幾啖 真係飲唔到~之後就係鵝肝... 唔知係咪之前個蠔太耐，廚房D人同蠔吧D人夾唔到時間?? 個鵝肝係凍既，最奇怪係... 佢加左好多鹽係面同成個碟都係油... 呢個真係經典，因為我未食過咁油, 咁鹹同凍既鵝肝!!! 去到呢個候╴我地當然要反映下，服務人員幫我地拎入去換, 出來時係熱，不過都係好多鹽︿不過又冇左原先陪碟既黑醋陪碟...OK... 主菜... 我食羊扖╴五成; 朋友牛柳... 點講呢╴我問服務員，可唔可以要黃芥末，她問我你話要咩話，我話黃芥末... 佢話下?? 其實羊架加黃芥末冇幾奇呀，正常唔洗我問, 應該係你問我要唔要啦???我一切開個羊有血水流出來╴D肉全生，我問服務人員︿佢就咁睇有幾熟，佢都話一成到.... 又重煮?????!!!!! 大家要留意呢個餐唔係100 以下既set , 呢個食物水平完全唔合格!!!我地以後都唔會再食呢間! 那餐我們埋單 $1,400+ 如果呢個價錢.. 咁既食物同服務...我覺得 400 我都覺得太多了~補充一句，如果大家入去食，可以選最平既餐╴冇要求當靚D既茶餐廳可以OK 既~

同女友為趕住去尖咀倒數, 所以一放工即刻黎食個晚餐衣肚, 可能因為個個去晒尖沙咀, 我七點到仲有位, 可惜女友遲左收工, 叫我點住等佢.講返食先, 我叫左個set, 萄國咖哩羊仔扒 & 芝士焗西蘭花(俾女友),加多個龍蝦湯.成餐飯最好味不得不講個龍蝦湯!!大大隻龍蝦之餘,湯更似係濃縮龍蝦汁,味道非常濃郁!!加埋煙肉同洋蔥碎既香味,perfect阿!!!羊仔扒好嫩,咬入口非常鬆軟,味道帶少許羶,咁樣先夠好食,呢度做到呢個口感,我好滿意!芝士焗西蘭花,ok啦!女友覺得好好食而且芝士份量又夠晒多,至於我本身係唔食菜架.呢度成間舖都算大,燈光雖然比較暗,不過坐得尚算舒服。

今次生日,同三個朋友來吃蠔慶生,之前我已經做左會員,今次生日就送了半打蠔給我們，很開心！一份不錯的生日禮物！這裡燈光較暗,不過卻形造了個舒服的環境和氣氛!半打蠔先來,便聞到有陣陣海水味,食得出肥美鮮甜,某隻更較爽身! 另還叫了幾款野食 香蒜虎蝦意粉,很香的蒜容味,而意粉口感幼滑,虎蝦吃得出新鮮,很爽口. 帆立貝豬骨拉麵,帆立貝十分鮮味,湯調得不錯,濃郁甘甜,這個麵就較為爽身,讚!鵝肝安格斯西冷扒,先聞到奇香的肉味,6成熟的西冷食落肉汁多嫩口,旁邊香脆的鵝肝配上黑醋,酸性中和了鵝肝油脂感,出奇好味.

蠔吧餐單提供意大利菜, 海鮮, 西餐廳等推介美食位於荃灣區，餐廳座位數50人均消費約$201-400，結賬可以用Visa,Master,現金。

您對於荃灣餐廳「蠔吧」有何 comment？

蠔吧餐廳詳細資料：

• 蠔吧地址:
  荃灣大壩街29號地下
  Oyster Amor, G/ F,29 Tai Pa Street, Tsuen Wan
• 蠔吧電話:  
• 蠔吧價錢: $201-400
• 分類: 意大利菜, 海鮮, 西餐廳
• 座位: 50
• 付款: Visa,Master,現金
• FB專頁: 蠔吧 Facebook

更多蠔吧相關資料:

• 蠔吧分店
• Youtube
• Facebook
• Twitter
• Google