美味烤魚 荃灣

美味烤魚 評價 相片

食過大陸嘅探魚 最近都係香港揾烤魚食今次就去試一試荃灣呢間美味烤魚 因爲係星期六 早一日book左位 滿心期待 點知上得山多終遇虎 有少少中伏嘅感覺 事後諗返先明白點解星期六都係半滿叫左條魚 條魚本身烤係烤得幾香嘅 但係個爐就好有問題啦 啲湯成晚都唔識滾個盤又好淺 啲湯唔係好掂到條魚 只不過係將條魚放係湯上面 浪費左條魚啲湯咩配料都無 食開通常應該都有啲配料啲配料好貴逐樣計 食又食唔飽 啲湯唔滾又怕啲野煮唔熟 食到都無晒心機影相 快快手手食完去食甜品就算呢度除左烤魚仲有雞煲 如果閣下有勇氣就去試下啦

烤魚黎講係大陸食得多，但係香港就唔算話好普遍，而亦都覺得番大陸食會抵食d。

雖然係咁，但都覺得呢間美味烤魚值得推介，環境唔算話好好，但都算舒服企理，再者佢整嘅烤魚獨樹一格，烤魚外皮好似煎過會有少少脆口，同一般烤魚嘅外皮口感唔一樣，係令我驚喜嘅地方。

將湯底嘅汁淋上去魚上面，本身較乾身嘅魚食落會吸收哂d湯汁，非常入味！呢間已經食左2次，價錢口理，值得一試！🥰而且幾次去都唔多人！可以幾時去都冇問題！👍👍

尋晚同兩個朋友去荃灣食烤魚，家姐食過話正，所以咪去試下。

叫左魽魚少麻少辣，條魚好滑，好好味，仲有炸過條魚。

正！仲叫左凍食青瓜同牛柏葉，少辣都好味既。

打邊爐仲叫左手砌肥牛，午餐肉，響鈴，窩筍，雲吞，羊肉，串燒，蓮藕，淮山同菜....手砌肥牛好好味，響鈴都ok,午餐肉同雲吞就馬馬。

其他菜都新鮮呀。

我地仲叫左幾支啤酒，三個人最後埋單千一蚊。

想講呢間餐廳個衛生好好，平時出去食烤魚見到有好多曱甴，呢間食物又新鮮又乾淨。

啲職waiter 有好幫手同埋好快手，值得再去。

有幾好食都假，老闆娘大細超，白鴿眼，我同老婆食左幾次，問心講一條魚加兩支啤酒夠哂食，咁好自然冇叫咩配菜，個老闆娘d態度就愈來愈差，俾哂面色，唔通兩個人食唔落都要叫到成枱都係，博你開心？你可以加貴d我唔介意，人地多人食，一定叫多d,但你個態度真係要改下，荃灣唔係得你一間烤魚。

當初去你度你個仔同老公就真係對客好，你舖頭講（誠信贏天下）你再係咁就冇哂熟客。

要知道一間食店，除左好味道，仲要態度好，唔係幾好食都冇用。

又係星期五約了朋友食飯， 呢一日真是非常難搵食， 因為朋友要求在荃灣食飯，還想食酸菜魚，那就在openrice 搜羅, 最後見到這間食烤魚，就不訪打電話試試訂位，竟然打去有位，便膽粗粗去試這間，當天去到荃灣，真不容易才找到這店呀店內不算是太多食客，可能時間尚早，坐下後首先看看餐牌有什麼好吃，原來除左烤魚外..還有麻辣雞煲和串燒食物，烤魚有4款~"烤魽魚全條($248)/烤鯇魚全條($328)"，另可電話預訂"桂花魚/清斑(時價)~麻度和辣度(有大,中,小,BB任君選擇)，我哋選了"烤魽魚(跟酸菜)"，因本人不食得辣，所以叫了BB辣，魚終於上枱，店舖老細立即叫我們飲湯先，因湯越滾越出辣味，所以飲頭啖湯先老細又好耐心地教我們怎樣食，而且落單時又清楚問我們食不食辣，不食辣可試BB辣等，呢D先叫服務態度原來炸過的魚肉質素新鮮加有彈性..魽魚少骨好滑，魚身上面鋪滿炸過酸菜和大量芫茜,薑,蒜，酸菜好特別不同出面那些，還有蓮藕,蘿蔔,薯仔,茄子,大豆芽,豆卜,菇片,豬皮等，應該足夠兩個女士食呀

美味烤魚餐單提供川菜, 四川, 火鍋, 中菜館等推介美食位於荃灣區，餐廳座位數50人均消費約$101-200，結賬可以用Visa,Master,AlipayHK,支付寶,現金。

您對於荃灣餐廳「美味烤魚」有何 comment？

美味烤魚餐廳詳細資料：

• 美味烤魚地址:
  荃灣眾安街二陂坊26號地舖
  美味烤魚, G/ F,26 Yi Pei Square, Chung On Street, Tsuen Wan
• 美味烤魚電話:  
• 美味烤魚價錢: $101-200
• 分類: 川菜, 四川, 火鍋, 中菜館
• 座位: 50
• 付款: Visa,Master,AlipayHK,支付寶,現金
• FB專頁: 美味烤魚 Facebook

更多美味烤魚相關資料:

• 美味烤魚分店
• Youtube
• Facebook
• Twitter
• Google