目黑壽司 荃灣

目黑壽司 評價 相片

喜歡目黑多選擇~係多熟食的選擇~男友不可以食生嘢...魚生當然唔得咁目黑成為佢的壽司天堂目黑好多新嘗試的matching~乜乜軍艦~多到死又以芝士或辣味的配搭居多魚生反而真係很普通9月尾, 10月尾先後去了2間目黑同朋友慶祝生日仲成日有人派優惠劵~又晚間有特價......咁就執左了..............佢旗下的甲乙丙都係一間好舖~東西仔細又好味.....可惜......不過尋日行經荃灣的目黑...佢仲請緊人wo~你要in嗎？

20081109雖然已經執左,但我真係好想寫依個食評...因為真係好意外, 第一次去食變成最後一次個日同個fd 去荃灣,突然想食日本野,但唔知點解周圍都好多人...想食板前,7點幾其實唔洗止意有位...原本想去悅來食放題...但個陣walkin 已經無位...咁唯有近近地行去目黑.....8點鐘竟然仲有位?!!~第一次食目黑...我幾鐘意個裝修,..夠光猛...三文魚壽司都唔錯...吞拿魚就唔係咁好..唔夠甘香唔知點解覺得佢d 壽司d 魚好似無乜味咁...好多好新奇o既matching...例如三文魚芒果壽司...但唔敢試@@~同埋發覺佢好鐘意用芝士去做壽司...那個三文魚壽司焰物實是不錯....芝士味好香....整晚我覺得最好味係海膽壽司...海膽味再架青瓜個感覺好fresh!!!~二個人食左十三碟已經好飽....埋單$250 我覺得好抵...後尾朋友話番比我知原來10點前有8折...好surprise@@~我都覺得好奇怪......點解做到咁平@@~點知2日後就話結束營業@@~ 等我仲諗住見佢咁平再去食多次@@~

其實一早已blacklist左呢間sushi店; 但又未試過呢間分店(開左唔太耐, 半年左右??)星期日晚唔知食乜好, 一於比個機會佢, 比個機會自己...未到門口, 街上有店員派傳單, 話19:30前埋單有discount(唔記得8折定幾多)...等左幾分鐘先有bar位, 坐低左, 已7點鬆D.管它什麼折, 好食的話, fullfee也冇問題啦!迴轉帶上冇乜款...同唔多新鮮喎...唉...心想, 真係半價都冇用...到19:30,好多客人埋左單, 閃哂.冷清左好多...草草試了:V型蟹柳三文魚: 三文魚冇魚味, 亦唔新鮮三文魚皮卷: 一般, 都係三文魚冇魚味芝士炸蝦卷: 一般, 炸蝦唔脆蟹子沙律軍艦: 一般, 唔特別差劍魚腩刺身: 一般, 味道都係差少少...最後, 友人放棄sushi, 點了豬軟骨拉麵旁邊有人囉左碟三文魚刺身, 見佢嬲嬲地搵經理投訴碟刺身'有料', 我看不清是什麼, 是黑色的, 都有3份1件刺身size...經理換過另一碟比佢...之後個客同D friend講: 哎死啦,食左一片添!相信異物不是生物吧, 不然就不會繼續食吧...唔知呢...anyway, 有下次?no way!

其實以前佢開張時已食過一次, 覺得麻麻地.上個星期再食多次, 諗住應該有d進步掛…點知….入到去, 晚上8pm, 只有3040% 位有客, 心知不妙.坐迴轉枱, 見到壽司上既魚生好乾, 乾到好似有d 特登“風乾”既感覺.可能因為太少客啦, d 壽司放到乾哂啦..不過我真係唔敢叫其他壽司喇.2個人, 只係叫左一個拉麵 (好在味道正常)一碟八爪魚小食, 三文魚小卷 & 鰻魚反卷.叫小卷比較穩陣麻.. 食既野好似回到學生既年代...only 食平野同 1碟有6件既小卷....仲有, 佢d碟 ＆個蓋，　隻隻都痴粒粒既，　好dirty 呀．好似好多油煙洗唔清咁如果食環署黎check , 我諗佢一定要封舖

無錯, 屯門o個間係垃圾, 荃灣o個間好好多,壽司算大件, 要求不高都可接受, 三文魚刺身必吃, 厚同肥, 正. 目黑喜用芝士, 愛好cheese既可一試.但V型蟹棒壽司超難食, 超乾同假, 每層蟹似可分體, 我上次投訴, 店員好爽快CANCEL碟野, 尚算OK啦.總括服務一般, 而食物尚可接受。

目黑壽司餐單提供日本菜, 壽司, 刺身, 日式西餐等推介美食位於荃灣區，餐廳座位數70人均消費約$101-200，結賬可以用Visa,Master,現金。

您對於荃灣餐廳「目黑壽司」有何 comment？

目黑壽司餐廳詳細資料：

• 目黑壽司地址:
  荃灣城市中心2期G18A-G19
  Meguro Sushi,  
• 目黑壽司電話:  
• 目黑壽司價錢: $101-200
• 分類: 日本菜, 壽司, 刺身, 日式西餐
• 座位: 70
• 付款: Visa,Master,現金
• FB專頁: 目黑壽司 Facebook

更多目黑壽司相關資料:

• 目黑壽司分店
• Youtube
• Facebook
• Twitter
• Google