皇都漁港酒家 荃灣

皇都漁港酒家 評價 相片

今日家庭聚會因為要祭祖,拜完落來肚餓,咁多人最好就係飲茶. 但荃灣好多酒樓,親戚提議呢間,上到去見到間野都幾有氣派,而且店舖非常大,分開2邊,所以唔駛等就有位...但意想不到點心紙入面食物種類不算太多,幸好原來出面點心部有分流站,即是有位點心要出去拿取. 但始終有些點心都唔太合適,所以惟有某種點心叫多一籠,沒辦法,成班為食龍係度 叫太少係冇可能煎堆:夠熱夠香,但有少少焦 : 蛋撻仔:雖非蘇酥皮,但味道可以: 叉燒酥:香口酥皮唔厚: 鳳爪排骨飯:冇食所以唔知泰式鳳爪:唔辣,反而甜酸重,不算泰式: 蘿蔔絲酥餅:上台時半熱,內餡好少: 叉燒腸粉:皮薄餡份量足夠,不錯: 家鄉煎薄撐:粉厚,而且好甜,難食: 鮮蝦腸粉:皮薄,但蝦不算太鮮: 蝦餃:皮薄得來晶瑩剔透,但蝦不太鮮: 叉燒包:唔講以為係菜肉包,超大,包有點厚但味道OK: 金錢肚:份量好少,但味道不錯,軟熟度OK: 豉汁鳳爪:雖然同金錢肚一樣色重,但味道很好: 山竹牛肉球:好有咬感,有點咬粉球,難吃: 珍珠雞:俾人搶晒食唔到雞扎:不喜歡用蟹柳,那種味道混合怪怪地: 雖然有些東西唔好食,但總括來講OK,因為難得親戚聚埋一齊MA

前幾日和同事一齊食午膳,有個waiter 推介我們食一個潮式大芥菜米線佢肉類蔬菜兼備,鹹排骨夠咸味,大芥菜入口即溶,利害!而且熬出濃香的豬骨湯,大芥菜充滿豬骨湯的鮮味再加上米線非常彈牙,我以前食芥菜排骨煲就食得多,今次用米線真係第一次效果又唔錯,幾特別

聖誕假期，被捉左去同屋企人飲茶，呢間皇都之前吃過晚飯，但飲茶仲係第一次。

同一層其實有兩間酒樓，但其實兩間係打通直行直過的，老爸話係同一個老細，還是朝朝飲茶的茶客最熟內情。

以飲茶為名，其實只係想見下面，皆因老爸朝早已經飲飽食醉，始終放假老人家就係想咁。

先叫左個炸煎堆，剛炸起，脹卜卜，件頭不小，炸得不油，食得過。

山竹牛肉也是件頭不小，牛肉剛熟，可惜無乜陳皮味，到此，我開始明白為何屋企人會黎飲早茶了。

鮮竹卷也是大大件，料包到滿滿的，味道適中不過咸，不錯。

茶樓必備的叉燒腸粉，粉皮不夠滑，但叉燒幾甜幾好味，我覺得還是合格的。

鮑汁鳳爪為老爸欽點，果然不錯。

很少在早茶吃到鮑汁鳳爪，鮑汁上腳，鳳爪入味就連花生都煮得腍但不粉，真的很不錯。

干燒伊麵夠乾，一碟份量也不少，蠔油可以再多少少味會更好。

最後甜品三色糕，桂花糕失色，不夠桂花香；椰汁糕正常，椰香比桂花糕更好更特別；芋頭糕不錯，有點似吃芋頭雪糕，哈哈。

雖然點心叫的不多，但每人只約$30，在公眾假期算是便宜了，搵位唔難，荃灣朋友值得一試。

朋友話好抵，一行六人去試吓。

去到才發現都是麗都集團（我上星期才於屯門麗都打邊爐，詳見“入秋後打邊爐序幕”食評），結果食物相同，新鮮程度相同。

特別處是此店有寶礦力水特，屯門那間沒有。

另外，與屯門店比較，便是很抵食，因為有“五人同行，一人免費”的優惠。

今次選擇了鴛鴦湯底，無特別。

今次吃了以下食物，無特別：冬瓜件、鮮腐竹、旋風腐皮卷、出前一丁、魚皮餃、炸魚皮、豬肉青、生蠔、白鱔片、蟹柳、芝士腸、蝦、鮮蝦滑、雲吞飲品，無特別：寶礦力水特、綠茶蜜、檸利賓納服務：普通，無特別環境：普通酒樓裝修

今日(2592010 Sat)女友人L補祝我生日,就帶埋兩個女出o黎飲下午茶,我就未到1:00pm o黎等位.我o黎到問門口知客2:00pm係咪特價?佢答係,而且1:30pm至開始派飛,我就等啦,中途我聽見有攞飛o既人問係咪可以坐到有下午茶時間至叫都得?佢答係.咁我做咩坐o係出面等,到1:30pm重要同人爭攞飛同等枱?於是我o係1:27pm問問,佢答可以o係2:00pm至落單.咁我即刻攞飛啦真係.L o黎到,我o地剔點心,要o左:1. 芒果布甸呢個第一個到,顏色好淺,L o既大女要先食,之後我o係中段食,質感好散,味道都可以,唔太甜.味道: 3分2. 炸雲吞我好耐冇食炸雲吞喇,食吓先.有啲’益’味喎,擺o左好耐? 味道: 1分7. 豬扒米線豬扒原來係炸o既,米線唔係好大碗,食吓先,豬扒炸到脆,肉唔乾同腍,鹹度o岩o岩好,又唔錯喎.而米線呢,都唔太腍,可以o既. 味道: 4.8分3 千層鮮竹L好奇下剔o既,o黎到原來係海蜇拼鮮腐竹,腐竹真係新鮮同軟,好有豆味,唔錯o既.而海蜇冇乜特別吖.味道: 4分4. 煎薄餅睇見上面o既料有芝麻花生,呢個應該係甜o既,食落果然係甜,感覺似o係街邊賣龍鬚糖o既小販,會賣o既白色小餅皮包住芝麻花生等o既小食一樣.但呢o度都唔太甜,又係唔錯o既.味道: 4.5分5. 蝦餃蝦餃大大粒,食落好香,不過皮就幾黐吓,但原來裡面有9成9都係蝦,好似食唔到一點豬肉,好足呀!(可惜冇影低)味道: 4.8分6. 山竹牛肉都幾大個,呢個冇乜問題吖.味道: 3分埋單時L不斷話好抵,我問幾錢?佢答$94.00,我話因只計兩人茶吧,佢話唔係,平過屯門.服務:就前面所講,門口知客o既服務好一般.L叮囑我開茶時,記得講兩個大人,兩個細路,其中一個係BB添,我入座時依足吩咐,咁部長就寫三個茶,到佢o地o黎齊,見另一個都好細個,就自動改成兩個茶錢,真係好均真.L差唔多1:45pm至到,安頓好晒後,L問我剔o左點心未?我答未,我睇吓啲紙,都唔係2:00pm後o既,個部長就即刻畀2:00pm後o既點心我o地,真係好好.侍應們服務都不過不失,識得密密斟水同執o野.如果知客o既服務好啲,係可以畀5分o既.環境:我o地o個張細枱o岩o岩對住風口,都好凍吓.

皇都漁港酒家餐單提供粵菜, 廣東, 點心, 中菜館, 酒樓等推介美食位於荃灣區，餐廳座位數未知人均消費約$101-200，結賬可以用現金。

您對於荃灣餐廳「皇都漁港酒家」有何 comment？

皇都漁港酒家餐廳詳細資料：

• 皇都漁港酒家地址:
  荃灣青山公路264-298號南豐中心商場5樓A舖
  Royal Chinese Restaurant, Shop A,5/ F, Nan Fung Centre,264-298 Castle Peak Road, Tsuen Wan
• 皇都漁港酒家電話:  
• 皇都漁港酒家價錢: $101-200
• 分類: 粵菜, 廣東, 點心, 中菜館, 酒樓
• 座位: 未知
• 付款: 現金
• FB專頁: 皇都漁港酒家 Facebook

更多皇都漁港酒家相關資料:

• 皇都漁港酒家分店
• Youtube
• Facebook
• Twitter
• Google