皇庭匯 荃灣

皇庭匯 評價 相片

麗城呢一個舖位轉左好多轉酒樓，冇一間可以做得長，最近入住嘅呢間皇庭匯估佢唔到，點心同晚市都不錯，連我屋企最腌尖嘅爸爸都讚好，希望佢保持住水平，唔好令我地失望。

最鍾意佢個鮮蝦腸份，果皮同埋啲蝦好味彈牙。

啲蝦餃又夠大隻又夠新鮮，似乎同🦐有關嘅食品都唔錯。

雞扎，甜薄餐都係推介之一。

試過夜晚同屋企人過嚟食小菜，其中有個排骨好味到我哋encore，真係好難得。

如果可以有更多優惠咁就好啦。

都係果句希望佢繼續保持水平🤤

近近地住附近下來食早餐，唔好食， 公仔麵無味，餐肉腸仔全部好油， 因星期六好多人，服務員態度好嘅， 但等好耐，咖啡奶茶不錯， 但食物質素唔多得， 早餐來講唔會有下次.....

話說今日見到處都有啲活動。

阿媽又行動不便, 諗住同家姐落去樓下新開間酒樓食。

家姐想要片皮鴨 + 媽又想吃龍蝦伊麵, 我未諗到.問阿姐話可唔可以叫兩樣, 佢話特價只能選一樣, 咁咪問正價片皮幾多錢?佢好串咁問問 : 你係咪要先? 係要先問.  我: 我都要知幾錢架? 咁叫左伊麵先我再叫其它, 佢竟然帶鄙視口吻咁講, 唔可以只叫一碟喎, 驚D人淨叫一碟. 我差D要講粗口, 我黎乞食? 算. 個阿姐語氣差到不得了, 唔講我以為佢係老細定係我爭佢好多錢?就事旦叫伊麵 + 個唔知咩魚腐. 等左大半個鐘, 三催四請, 個魚腐黎啦. 嘩, 成四舊魚腐咁多既! 我地三個人會唔會多得制呀. @#$@#$@#$#@好X難食唔緊要. 起碼有野食. 再等多半個鐘, 又催佢兩次, 伊麵都黎啦. 一望, 以為隔離吃完阿姐執台唔覺意放係我張台, 做咩放D廚餘上來? 忍唔住行出去叫部長.  同個部長講你碟野想點? 我想取消, 跟住就是但拎個細碗伊面過嚟。

然後, 我又再起身一次搵個經理, 同佢講你即刻同我取消個伊麵, 佢先肯取消。

喺屋企淥個公仔麵仲好！而家貼錢買難受！茶錢都蝕x理!冇下次！

新開張，環境舒適，服務好好，希望keep住啦😂😂😂食物質素都唔錯，點心上得好快，而且好熱辣辣鳯爪好入味，但蒸得太腍，如果個皮可以爽口啲會更好蝦腸腸粉好滑，蝦好爽口彈牙，配埋甜豉油，味道唔錯👍🏻👍🏻👍🏻蝦餃一籠有4粒蝦餃，粒粒都好飽滿🥰一咬落去，見到入邊有4隻蝦仁🍤，果然足料😋粉果水晶皮煙煙靭靭，但餡烞略嫌淡咗一啲，如果可以鹹返啲會更好食炒伊麵呢碟伊麵值得一讚👍🏻炒得干身，又唔會太油膩，伊麵好有嚼口，加少少辣椒🌶醬更野味😋白菜好清甜，而同好貼心咁幫你剪開一半，方便食用

麗城薈開了酒樓 又帶來一個像茶記的地方，食下午茶又多咗一個地方。

珍菌肥牛炆伊麵 大碟又幾好味，「珍菌」用上了好幾種菇菌，有脆口的，有稔滑的，伊麵好爽身，沒有油膩感，肥牛肉也不少，抵食。

酸辣湯豬扒米線 個湯好香，豬扒大大件，$38 吃得飽飽，不過吃了一半我就覺得好辣，好彩同伴說可以接受。

唔食得辣就唔好叫呢個啦。

皇庭匯餐單提供粵菜, 廣東, 點心, 酒樓等推介美食位於荃灣區，餐廳座位數未知人均消費約$101-200，結賬可以用現金，Booking訂位可以電話致電 23140388 查詢。

您對於荃灣餐廳「皇庭匯」有何 comment？

皇庭匯餐廳詳細資料：

• 皇庭匯地址:
  荃灣青山公路625號麗城薈三期地下31-32號舖
  Imperial Restaurant, Shop31-32, G/ F, Belvedere Square Phase3,625 Castle Peak Road, Tsuen Wan
• 皇庭匯電話: 23140388
• 皇庭匯價錢: $101-200
• 分類: 粵菜, 廣東, 點心, 酒樓
• 座位: 未知
• 付款: 現金
• FB專頁: 皇庭匯 Facebook

更多皇庭匯相關資料:

• 皇庭匯分店
• Youtube
• Facebook
• Twitter
• Google