瀛舍 荃灣

瀛舍 評價 相片

之前同媽咪食過韓舍(旺角)，覺得非常抵食，同埋野食唔錯，今日來開荃灣就試下其他分店。

原來呢間無烤肉，主要係食放題，比較特别係呢度有超多甜品任食，一行入來就比個dessert corner吸引住。

如果好鐘意食甜品，應該會好開心，因為可以自己整甜品，同埋真係超多款甜品。

d蛋糕好靚啊最健康係呢part如果有罪惡感，食多d salad平衡番啦好少地方有得食水信玄餅正!味道好清新啊！個甜品櫃真係好吸引啊！有得自己整甜品啊！呢度有教點整心太軟有爆谷機，感覺幾過隱叫左好多燒物，菠蘿好甜燒得好juicy蝦size唔大，但味道都唔錯燒物整體d野都幾好葡式蛋塔好好食啊！福餅都唔錯飲品勁多款啊！眼都花啊！好正有雪糕機甜品真係好多款好彩d甜品都係迷你size可以樣樣試下壽司唔錯好鮮overall感覺唔錯甜品控就一定要來試下

諗住有得自制甜品，所以帶小朋友去食，點知無去到已淨反小小，又無refill，小朋友勁失望，而去到門口先講果晚好多野都無，食物本身已經小款，仲要好多野無有剛失望，下次未必再試

住荃灣的我想食放題，見到d食物相又幾吸引，於是迫個朋友陪我去食瀛舍。

本身腸胃比較敏感嘅我魚生都只會食小小，但見佢熟食同甜品都好多選擇，所以就決定一試。

價錢同一般放題差不多食物同飲品都好多選擇今次本來無諗住寫，直到有點中伏感，我先開始影相。

刺身無乜味道，但唔會扣減落單數天婦羅ok.所有炸物都不錯然後就係伏的開始黑椒牛柳粒. 韌到牙都扯甩麻醬冷烏冬，一餅過關東煮嘅可愛魚蛋..呢個真心驚咬落去好淋，跟住個果係好甜，怪怪地，即刻吐番出黎甜品可以話係我最後希望，點知...呢個尚可比較正常嘅日式芝士蛋糕個皮勁硬嘅草莓大福只有煉奶味的葡撻最後介紹班蘭蛋糕一咬鬆軟度ok,但有陣泥膠味，嚇到即刻吐again!總括成餐飯都好刺激，但講句公道說話，至小食完d刺身無肚痛，店員服務又幾好。

由於我男朋友比較喜歡食放題，今次行到荃灣美食集中營嘅大鴻輝，見到瀛舍放題。

上樓後見餐廳咁開揚咁大都嚇咗吓，環境唔錯又大，好大個玻璃窗好光猛。

坐位非常舒適，一啲都唔迫!呢度除咗寫點菜紙外，仲有自助餐形式嘅熱盤等野食自助甜品種類非常多，又可以自己整鯛魚燒、紅豆軟雪糕、心太軟，而飲品種類方面都多，連清酒都有。

食物上枱速度非常快，三文魚和帶子新鮮同夠肥，厚薄適中。

壽司種類多，又細細件，唔似會以白飯攻勢咁質飽你，飯粒粒粒分明，夠粘。

其中有款火焰蟹腳壽司，蟹同芝士鰻鰻青瓜卷值得一食再食而熟食方面個牛柳粒都腍，唔鞋口，又有蒜香味天婦羅即叫即炸，個漿夠薄仲有佢個芝麻雞翼非常好食，皮脆肉滑，有芝麻香味，最緊要係夠熱無油溢味。

我唸係我食過咁多最難食的放題，可能我食中午，款式唔多，比啲唔值錢嘅嘢你食，魚生得款式少得可憐，3文魚，兩款貝，帶子係小柱，鮑片，8抓魚，好似就咁多。

其他食物基本上叫左一輪，食得晒已經好好了你明架啦!果個咩朱古力蛋糕同日式魚燒餅係要你自己整，燒餅機時間標示又唔準，搞到整好返埋位先發現唔熟，啲服務員態度真係同你老闆比你副面口差不多咁樣囉!甜品真係好味到你一放落口想吐出黎，都唔知擺左幾奈，比較好味係羊架(其實係cheap啲嘅羊腩，但我接受)，燒菠蘿同啫喱！ 你明架啦，呢幾款好冇難度食物! 絶對冇下次!

瀛舍餐單提供日本菜, 壽司, 刺身, 日式放題等推介美食位於荃灣區，餐廳座位數未知人均消費約$101-200，結賬可以用現金。

您對於荃灣餐廳「瀛舍」有何 comment？

瀛舍餐廳詳細資料：

• 瀛舍地址:
  荃灣眾安街55號大鴻輝(荃灣)中心10樓
  瀛舍, 10/ F, Tai Hung Fai( Tsuen Wan) Centre,55 Chung On Street, Tsuen Wan
• 瀛舍電話:  
• 瀛舍價錢: $101-200
• 分類: 日本菜, 壽司, 刺身, 日式放題
• 座位: 未知
• 付款: 現金
• FB專頁: 瀛舍 Facebook

更多瀛舍相關資料:

• 瀛舍分店
• Youtube
• Facebook
• Twitter
• Google