澳門豬骨張 荃灣
地址: 荃灣聯仁街熟食小販市場
最後更新:
澳門豬骨張推介
好兄弟加人工吹雞打邊爐，有人提議去豬骨張，跟手whatsapp咗舖面相加地圖過嚟。見到門面已經唔係好想去，但朋友好似好熟路同食開咁，以為係好嘢，即管試試啦！夜晚八點幾去到，間嘢有十枱咁上下，都坐唔滿，環境勁差，汚糟到爆。朋友一早嚟到攞咗枱，總共五個人。坐低發現櫈邊係坑渠，渠下傳出陣陣惡臭，坐低十分鐘點完菜終於頂唔順要同哥哥仔講轉枱。好在間嘢坐唔爆，最後換咗另一張枱至無咁大陣味。講得兩講至知原來朋友未嚟過，只係住附近見未嚟過想試吓。小弟聽到已心知不妙，但一場嚟到無辦法，惟有頂硬上...陣臭味解決咗後諗住點完菜有得食，仲同朋友講嘢食唔算貴，點知話口未完生料送到，即時有癩嘢感覺！$36 雲吞得六粒，$36 水餃得四粒，$178 肥牛勁大碟，但只得面頭薄薄一層，切到勁薄勁細塊，下面用椰菜碎墊底，少到不得了。其他材料價錢唔係好記得，但除咗 $68 珊瑚蚌份量叫做成正比之外，其他所有嘢都超搵笨！食完勁無癮埋單走人，每人要 $172。咁嘅價錢去酒樓任飲任食全包都唔駛，呢度仲要勁汚糟勁搵笨，份量又少，嘢食又無乜咁出眾，下次真係請都唔到！小弟睇食評都唔少，但寫食評真係第一次。寫出嚟係覺得呢間嘢離晒譜，唔想再有人被搵笨！
荃灣澳門豬骨張
| 餐廳分店 | 澳門豬骨張 |
|---|---|
| 地區 | 荃灣 |
| 電話訂位 | 沒有電話提供 |
| 餐單 Menu | 粵菜, 廣東, 火鍋, 大牌檔 |
| 人氣指數 | 832 |
| 價錢幾錢 | $101-200 |
澳門豬骨張訂位位於荃灣區，詳細地址是荃灣聯仁街熟食小販市場，餐廳寬敞座位數目共有未知幾多個。澳門豬骨張幾錢？價錢優惠後人均消費大約$101-200埋單，早餐午餐晚餐澳門豬骨張餐單包括有粵菜, 廣東, 火鍋, 大牌檔等美食，付款方式有現金付款。
澳門豬骨張優惠
澳門豬骨張 評價 相片
好兄弟加人工吹雞打邊爐，有人提議去豬骨張，跟手whatsapp咗舖面相加地圖過嚟。
見到門面已經唔係好想去，但朋友好似好熟路同食開咁，以為係好嘢，即管試試啦！夜晚八點幾去到，間嘢有十枱咁上下，都坐唔滿，環境勁差，汚糟到爆。
朋友一早嚟到攞咗枱，總共五個人。
坐低發現櫈邊係坑渠，渠下傳出陣陣惡臭，坐低十分鐘點完菜終於頂唔順要同哥哥仔講轉枱。
好在間嘢坐唔爆，最後換咗另一張枱至無咁大陣味。
講得兩講至知原來朋友未嚟過，只係住附近見未嚟過想試吓。
小弟聽到已心知不妙，但一場嚟到無辦法，惟有頂硬上...陣臭味解決咗後諗住點完菜有得食，仲同朋友講嘢食唔算貴，點知話口未完生料送到，即時有癩嘢感覺！$36 雲吞得六粒，$36 水餃得四粒，$178 肥牛勁大碟，但只得面頭薄薄一層，切到勁薄勁細塊，下面用椰菜碎墊底，少到不得了。
其他材料價錢唔係好記得，但除咗 $68 珊瑚蚌份量叫做成正比之外，其他所有嘢都超搵笨！食完勁無癮埋單走人，每人要 $172。
咁嘅價錢去酒樓任飲任食全包都唔駛，呢度仲要勁汚糟勁搵笨，份量又少，嘢食又無乜咁出眾，下次真係請都唔到！小弟睇食評都唔少，但寫食評真係第一次。
寫出嚟係覺得呢間嘢離晒譜，唔想再有人被搵笨！
呢日遠道而來荃灣呢個熟食市場度打邊爐, 皆因朋友一致推介, 一黎係好有風味咁用炭爐黎打, 二黎朋友們話個蕃茄牛腩湯底好正約左年幾兩年 , 今日終於都夾到時間黎食喇 , 大家都滿心期待由於唔識路o既關係, 我地係o係地鐵站搭的士過去o家, 睇落好似好偏僻 , 不過個位置都近返大路如楊屋道, 唔算好難搵到步時感覺就好似o係以前牛頭角下邨 d 熟食檔咁 , 環境唔多好講風味的確幾唔錯o既, 矮矮o既圓摺枱 , 放上高高o既炭爐, 因明火難掌握, 不時要蓋煲待滾, 食物同湯底無想像中咁出色加上食到一半駭見大老鼠近距離走過 , 再正都只此一次 .... 蕃茄牛腩湯底~ 湯頭有香濃o既牛肉味, 但蕃茄薯仔份量實在太少 , 牛腩呈碎粒, 五個人一人食到兩三小粒到啦, 好多洋蔥同果皮店員建議先飲左個湯之後再開始淥野食, 以及放低一壺湯比我地加用完呢壺要再加o既就係加熱水, 因為個湯會越滾越濃, 果然食到尾好咸火鍋配料如下 : 1. 蟹柳~ 朋友點的, 普通貨色, 唔係好粉好實o個 d 平價野2. 炸腐皮卷~ 即係響鈴卷, 酥脆好味, 唔會太油膩3. 炸魚皮~ 夠脆身但唔夠香口, 有 d 位過硬4. 墨魚滑~ 好食到要 encore , 真係好多墨魚肉粒 , 好煙韌又彈牙 !! 正 !!5. 手切肥牛~ 都幾貴 , 一碟得好少, 而且切得好碎好薄, 因為細片所以牛肉味唔夠6. 美國肥牛~ 明顯給手切肥牛比下去 , 不過勝在平, 大大塊咁 , 過下口癮都唔錯o既7. 桶蠔~ 剛好一人一隻, 好大隻好肥美 , 我舐下都覺得好重蠔味, 唔係我杯茶8. 手打鮮魚面~ 呢個又係叫左兩份, 彈牙得黎又好軟綿綿, 好好食 , 有微微o既魚味9. 自包水餃併雲吞~ 每樣得三粒,姑寒左少少, 無乜特別, 我食左雲吞, 大大粒蝦幾爽口10. 新鮮海蝦~ 係深橙色厚殼海蝦, 較為瘦小 , 不過幾鮮甜## 整體其實好食既 .... 但可一不可再 , 因為環境衛生問題 , 同埋偏貴 ~
又是小連，沒錯又是我﹗年年都有今日﹗曾說過只要這兒未關門大吉的話，每年我也會一到，今年我倆選擇在這兒慶祝情人節。
14/2 大家都忙，夜收工，故早兩天星期日睇完戲便來這兒食飯﹗8:30pm來到，客有五六枱左右，環境沒變，依舊不修篇幅，但來得這兒吃的大都不拘這小節，啤酒大啖喝，企住o黎打邊爐。
今日豬骨張太子親自招呼，點了我倆最喜愛的蕃茄薯仔牛粒湯底﹗太子話先食煲及飲湯，食完先再慢慢叫餸料不遲﹗牛粒湯底依舊香濃，是坑腩位，以香料醃過陣陣茴香味道，未吃已先來數碗牛腩湯，是享受﹗湯底牛肉份量不少，兩個人一人都有成十幾粒牛粒，再加薯仔菜蔬等，吃完湯底其實已半飽，後加多一份墨魚滑﹗墨魚滑以新鮮墨魚打成，細嚼下充滿墨魚肉小粒，彈牙有o趙口，好吃﹗藍妹喝了好幾支，細數下原來今年已是第五年來了﹗來這兒為的是尋回那炭爐的浪漫，其次是湯底，每年一喝，回味無窮﹗最後撞到靚女老闆娘同佢寒暄數句，明知佢都唔多認得我地，不過每次佢都係一句:「快尐結婚喇﹗」雖然行貨，但在這兒聽到是窩心的﹗
牛有牛味、菜有菜味，人好有人情味！星期五，寒冷天氣警告下，我約同朋友們又到豬骨張打邊爐。
一如過往的大排檔風味，先來炭火取暖先！在一般食肆，又豈能有炭火出現呢？唯獨在這裡，仍能保持風味，在炭火下打邊爐，既能取暖，在陣陣炭香下，食慾更加上漲！我們一行六人先來一窩全細骨的豬骨煲及手切大牛，比起我與友人在重X雞煲的手切牛肉相比，簡直係無得比！食落除了很有牛味外，而且牛肉更在口裏溶化。
之後我們叫了肥鵝腸，鵝腸又肥又滑。
除此之外，我們當晚叫了雞什、雲吞、水餃、加骨、脆肉骨腩、墨魚滑、魚麵，豬天梯，樣樣食物都好新鮮及好有水準何謂人情味：在普通食肆，豈會檔主送你食物，水媽一見我們，即送我們炸魚皮，不可不讚，他們的魚皮的自製，而且食落爽脆，佐酒及打邊爐一流、此外，他們更送我們一些菜，最後因為切多了一碟膳片，更送給我們，膳片非常新鮮，而且爽脆。
再試問在普通食肆，豈會有這種人情味呢？最後我們更取了一碗米來煲粥食，最後窩粥又甜又香，個個食到暖立立。
總結一句：此情可在豬骨張、炭爐風味陣陣香
天寒地凍，約埋一班同事揾個地方打暖鍋，咁啱上 openrice 見到有間野叫"澳門豬骨張"係公司附近，見到d 相係用炭爐打邊爐，咪收工去試下囉，lunch 經過見到 開 6.00pm~1.00am，所以都無打去 book 枱，直接收工就行過去。
收工過到去，眼見又無食評講嘅要等位，好多人…小貓三幾隻而己。
好不容易開好枱坐底，木板邊就報滿木刺，果個樓面哥哥就用口水黎開枱布，都算喇…跟住就無人拎紙黎睇下有咩食，我地就齋~~~ 『等』。
等到咁上下忍唔住就自己起身拎張紙黎睇，睇睇下又比樓面哥哥拎走左，話係人地果枱.... =.=" 我地終於人齊打算叫湯底喇，張紙大大話話有十幾個湯底，點知就有人行黎同你講，我地得4個湯底... shit，有無攪錯呀？如果係咁就唔洗打咁多個啦。
結果見佢話"澳門豬骨張"，咪叫左正宗澳門豬骨鍋囉，結果重衰… 由佢放磚到放個碳爐，我地都好滿心歡喜 + 期待，之後底個鍋底都重覺得佢ok架。
可惜，一試啖湯…不外如事，胡椒湯一碗啫，隔兩三條街果間"正宗澳門豬骨煲"好佢幾廿倍啦，起碼人地叫貴得有價值丫。
食物終於黎喇，唉~~~ 重差，,碟碟都好似食剩，唔多新鮮咁，價錢都唔係平架喎，我地一行七個人，食左好似無食咁都要五百幾蚊埋單，中間重有一百蚊係什麼醬油費，就係果小小碗嘅蒜頭、辣椒…真係差到爆、服務態度又差，嗌埋單都要等15分鍾，要我地企哂係度先肯黎埋單。
重有呀，當有人食完走左，佢地就當場搵水淋熄d炭，攪到d白色灰飄到周圍都係，大佬…隔離枱食緊野架，我件黑色衫就痴到成件都係灰。
:最後我地食完哩間所謂嘅豬骨煲之後就要再移師去第道再食，一間通的茶餐廳，好過哩度千百萬倍呀。
澳門豬骨張餐單提供粵菜, 廣東, 火鍋, 大牌檔等推介美食位於荃灣區，餐廳座位數未知人均消費約$101-200，結賬可以用現金。
您對於荃灣餐廳「澳門豬骨張」有何 comment？
澳門豬骨張餐廳詳細資料：
- 澳門豬骨張地址: 荃灣聯仁街熟食小販市場 澳門豬骨張, Luen Yan Street Cooked Food Hawker Bazaar, Tsuen Wan
- 澳門豬骨張電話:
- 澳門豬骨張價錢: $101-200
- 分類: 粵菜, 廣東, 火鍋, 大牌檔
- 座位: 未知
- 付款: 現金
- FB專頁: 澳門豬骨張 Facebook
更多澳門豬骨張相關資料:
香港餐廳2026推介8月