海景粥店 荃灣

海景粥店 評價 相片

過年前,男同事JW o係公司抽獎中抽到大獎,佢應承我o地食tea,女同事MK o係722012提議食pizza,而佢都一齊請,不過個個都覺得太heavy,講講吓就變o係尋日(822012 Wed)請食lunch,不過就唔食pizza,改o黎呢o度食.MK就叫o左粥同糭食,其他4個包括我,都叫$36.00o既套餐,我要燒汁什扒意,飲熱奶茶.JW要干粉牛肉烏冬, 飲熱奶茶.女同事MF要菜遠排骨飯,飲熱華田.女同事FC要星洲炒米,飲熱菜蜜.o野食好快到齊,我o既燒汁同女同事MK o既飯餸都分開上o既.先講我o既意粉,什扒有腸仔,半件煙肉,豬扒同雞中翼,全都炸過o既,我將燒汁淋上意粉食lu,燒汁味道好淡,好麻麻,而細細隻o既雞中翼,竟然有啲未熟,重係有血.其他都冇乜問題啦,而熱奶茶都係淡啲.同事o既呢,MF話好好味,好夠鑊氣;FC話有咖哩味;JW食剩烏冬,原因係好食但太多.睇o黎呢o度o既西餐就一般啊.環境:我o地5個人冇可能坐卡位,唯有坐中間o既枱,但枱o既闊度好似唔係幾夠,我好驚啲o野會跌.

哇...又儲左3星期未交功課喇..快快趣寫先記得星期五同個朋友去咗星巴優優閒閒Hea左杯熱朱古力當晚就即時喉嚨爆開...痛到爆...痛到星期日仲變埋學友與Jimmy嘅Jimmy把一樣 (謎之聲 : 自己谷歌一下啦)所以一定要食啲流質清淡嘅野會舒服啲粥底唔香唔夠綿豬肚同瘦肉冇呢味道不過切得好細好易食表面冇錯係煎得岩岩好但係內裡...極淋...成件係粉得2粒火腿係入面...蘿蔔味冇食到一口粉一口油唔熱又唔滑..仲有小小一粒粒勝在佢地個麻醬夠香咋老公嘅炒麵 , 大大碟山仔咁炒得唔錯 , 爽卜卜冇燶肉絲白雪雪 , 但有醃過味可惜又係一大Pat我唔鐘意嘅憲ps . 茶餐廳式現代粥檔真係唔多掂

昨天晚上去左荃灣做facial,做完facial搵嘢食醫肚,行下行下見到呢間粥舖,都好似好多嘢食咁喎,於是入去睇下有咩好食,除了粥外,還有好多其它的選擇,有每天不同的四款套餐,另外有一些常餐,麵餐等等.睇左好耐,見有個出前一丁公仔麵餐都好吸引,於是就叫左呢個啦,32元都ok呀,套餐包括一碟七彩沙律或火腿痷列,我揀左七彩沙律,跟住就係可以選兩款餸跟配出前一丁公仔麵,通粉,螺絲粉等等,我揀左雞亦加五香肉丁跟出前一丁公仔麵,飲品叫左熱檸水.好快先嚟杯檸水,跟住係七彩沙律,都幾多料及份量唔算好少,有紅蘿蔔,薯仔,青瓜等,唔係好多沙律醬,都幾開胃及夠晒凍呀,之後個麵就嚟啦,雞亦有兩隻係分開上的,咁樣就唔會整到淋晒呀,然後五香肉丁公仔麵的五香肉丁份量都唔算少喎,都幾多呀,好耐冇食過五香肉丁了,好好味呀,配埋公仔麵簡直係絕配啦,雞亦ok,煎到剛剛好.越夜越多人,下次可以試下d粥呀!

早幾日同女友去食粥,叫咗碗皮蛋艇仔粥(都幾多料喎),一隻咸肉粽跟凍檸茶,炒麵,仲有牛脷酥腸(牛利酥仲熱仲脆,應該即叫即包,不過包得唔靚)....食物就不過不失,勝在抵食,呢晚都係食咗$64.5.....

呢度除左有「堅」係脆的炸兩外,還有焗,都好好食!首先,見到炒一丁,二話不說, 揀定XO醬司華力腸炒一丁。

好大碟,好似有成一個半的丁份量,不過其實應該係,落左洋蔥、芽菜、椒絲「造大」了。

XO醬唔辣,不過好咸,整碟麵都好咸。

加埋本身係咸既司華力腸,咸得有點吃力。

茄汁焗牛扒飯,配生菜。

上次食焗豬扒飯,好地地,老公今次話要食牛。

牛扒當然係o拿到無晒牛肉味啦!但底下的炒飯底依舊好食,拍得住連鎖快餐店。

不過視乎各人口味。

大家樂、大快活、美心既茄汁,味道真D,鮮紅色有蕃茄酸；海景既,係港式茶記,橙色茄汁/燒汁。

各有各好食!

海景粥店餐單提供粵菜, 廣東, 粥品, 快餐店等推介美食位於荃灣區，餐廳座位數20人均消費約$50以下，結賬可以用現金。

您對於荃灣餐廳「海景粥店」有何 comment？

海景粥店餐廳詳細資料：

• 海景粥店地址:
  荃灣沙咀道298號翡翠廣場A.B.舖
  海景粥店,  
• 海景粥店電話:  
• 海景粥店價錢: $50以下
• 分類: 粵菜, 廣東, 粥品, 快餐店
• 座位: 20
• 付款: 現金
• FB專頁: 海景粥店 Facebook

更多海景粥店相關資料:

• 海景粥店分店
• Youtube
• Facebook
• Twitter
• Google