浦和日本料理 荃灣

浦和日本料理 評價 相片

空間算寛敞，食物選擇算多，飲品選擇大路，我OK。

上菜速度初初就好慢，但之後就正常番。

侍應服務態度唔錯，講嘢清楚，唔會有咩隱藏收費。

火鍋區有少少嘥位，因為好少人去食。

總括嚟講，大眾化，質素又幾好。

來過這家放題數次, 以200元以下的放題質數來說,算是很不錯了。

食物款式很多, 刺身質素可以接受,種類就不算太多。

天婦羅最好吃,但非酒精飲品只有汽水。

它的放題也有火鍋, 可以滿足同時想打邊爐的朋友。

與媽媽一起到這店午餐，這裡有放題或是定食。

我們選擇了定食。

叫了鍋燒烏冬，有蟹柳、天婦羅蝦各一，菇及菜連生蛋一隻。

味道不錯，烏冬比一般的煙靭，但不及讚歧烏冬。

另外叫了天婦羅烏冬定食，有兩隻蝦、蕃薯、茄子連三文魚沙律反卷。

天婦羅炸得香脆，粉不是太厚。

反卷就一般，啲飯很黏。

不過，若叫定食，可免費享用自助沙律吧！有各款沙律菜、沙葛、紅頭菜、車厘子、青瓜絲等等，這可算補足定食的不足。

但位置寬敞，服務不錯。

打算同男朋友慶祝anniversary，係網上睇咗好多放題嘅食評，最終選咗呢間，真係無揀錯。

  本來訂咗枱８點鐘，但係男朋友到差唔多七點個陣話肚餓，所以就上咗去碰下運氣，睇下有冇枱。

上到去都唔洗等，同個經理講咗之後佢就話可以俾我地入去，真係太好，可能因為星期四所以都唔算滿座。

  入到去點菜，雖然野食嘅選擇唔算多，但係都算幾多唔同種類，１７８呢個價仲有埋shabushabu真係幾抵，仲有自助嘅火鍋同甜品區，好驚喜啊！刺身真係唔錯，都夠新鮮，三文魚好肥美，赤貝都好鮮甜，仲有個叫白豚片嘅物體（？）唔知係咩嚟嘅，但係好好食～啲熱葷都唔錯，真係即叫即整，送出嚟仲有煙嘅，當中一口牛特別好食，不過就太細碟。

Shabushabu個湯底唔錯，啲肉類都夠新鮮，去個自助火鍋吧到可以自己攞菜，又可以解下滯，幾好～最正就係你唔洗叫啲waiter，佢地都會自動幫你個火鍋加湯，仲要真係加湯，唔係好無誠意嘅加清水，好好服務啊～  出野速度方面，第一輪出野真係好快，差唔多一遞單就上咁濟，快到嚇親！佢地仲幫我地hold起個shabushabu先，因為張枱無位放住，仲會同我地講聲，等我地唔洗痴痴的等。

收碟好快，完全唔洗叫人嚟收野，佢地見到就會即刻收，超好服務。

不過去到後期，第三四輪左右啦，出野就開始慢，要催一兩次先會出俾我地。

第一次打食評，有以下總結：優點：１第一輪出野快２價錢包埋任食火鍋，幾抵食３有清酒，梅酒任飲，清酒仲可以熱上，好爽啊呵呵４野食幾好食，刺食新鮮，熱葷都好味５服務超好，收碟好快，人手都足夠，個個做野好自動波好爽手６連自助甜品吧甜品都好高質，有個土多啤梨yougurt mousse超超超好食！７廁所都ok乾淨缺點：１第三四輪出野開始慢，要催一兩次先嚟２熱葷好細碟３二人枱好細張４食物選擇少唔慣食野個陣影相（因為忍唔住已經食咗），所以無圖，呢間放題值得去，希望以上嘅評價可以幫到煩惱緊揀咩餐廰嘅你啦～

天氣漸涼無所事事跟朋友逛街食飯，看見天橋有人派傳單，$88任食牛肉火鍋好似好吸引咁，膽操操走去試下，廣場天橋有點嚇人，猜不到頂層有間隱世日本餐及泰國餐，外門滿佈萬聖節氣氛，都可算特別，餐廳環境寬敞，餐牌價錢適中，意外地發現午餐附有自助沙律吧提供，本人跟朋友豪不猶豫點選宣傳單上的牛肉鍋推介，牛肉鍋附上芝麻醬及雞蛋一隻，可算日本風味之配搭，餐前當然不客氣地選擇喜歡之新鮮沙拉及自選湯匙，款式尚可，牛肉鍋份量滿滿，肉質跟味道都合格，$88任食可以說是超值，比較其他地方的可算是不錯的選擇，無限追加之牛肉每次大約四至五片，既沒有拖延時間之餘還能保持食物之質量，值得一讚.個人喜歡邊食鍋邊飲可樂，+$5就有一罐，大家可以參考參考，最佳配搭，是次晚餐，肚子滿滿的離開...

浦和日本料理餐單提供日本菜, 壽司, 刺身, 日式放題等推介美食位於荃灣區，餐廳座位數170人均消費約$201-400，結賬可以用Visa,Master,現金,AE,銀聯。

您對於荃灣餐廳「浦和日本料理」有何 comment？

浦和日本料理餐廳詳細資料：

• 浦和日本料理地址:
  荃灣青山公路269號力生廣場3樓
  Urawa Japanese Restaurant, 3/ F, Lik Sang Plaza,269 Castle Peak Road, Tsuen Wan
• 浦和日本料理電話:  
• 浦和日本料理價錢: $201-400
• 分類: 日本菜, 壽司, 刺身, 日式放題
• 座位: 170
• 付款: Visa,Master,現金,AE,銀聯
• FB專頁: 浦和日本料理 Facebook

更多浦和日本料理相關資料:

• 浦和日本料理分店
• Youtube
• Facebook
• Twitter
• Google