泰.夯蝦 荃灣
地址: 荃灣眾安街2-8號周合成大廈1樓
最後更新:
泰.夯蝦推介
提供正宗泰國流水蝦放題，設有20米長蝦缸，可以即夾即燒，另外，還有多款海鮮選擇，海鮮桶亦相當受歡迎。
荃灣泰.夯蝦
| 餐廳分店 | 泰.夯蝦 |
|---|---|
| 地區 | 荃灣 |
| 電話訂位 | 54221193 |
| 餐單 Menu | 泰國菜 |
| 人氣指數 | 732 |
| 價錢幾錢 | $201-400 |
泰.夯蝦訂位位於荃灣區，詳細地址是荃灣眾安街2-8號周合成大廈1樓，餐廳寬敞座位數目共有未知幾多個。泰.夯蝦幾錢？價錢優惠後人均消費大約$201-400埋單，早餐午餐晚餐泰.夯蝦餐單包括有泰國菜等美食，付款方式有現金付款，Booking網上訂位可以電話致電 54221193 查詢訂座。
泰.夯蝦優惠
泰.夯蝦 評價 相片
2021年1月23日 「泰．夯蝦」係荃灣開分店標題：曼谷正宗流水蝦我地都鍾意食蝦，仲要係「流水蝦放題」當然唔會放過啦第一時間訂位，訂左星期六 3:30pm 收費：$388 + 10%今個月有七折，折實後每位$3112.5小時任食放題每位送日本宮崎縣A5和牛一片、鮑魚一隻及扇貝一隻。
今日主角任食流水蝦，仲有新鮮燒生蠔、帶子、蜆、美國安格斯牛肉及燒烤食物多款。
仲可以自己煮烏冬麵、有熟食5款、炸物6款、冬陰功湯及番薯糖水，除咗椰青外，所有飲品都係任飲的。
甜品有香港出品的波波雪糕，泰式甜品糕點係全場最差的，因為人人都主力食海鮮，沒有消耗就不會製造新鮮嘅出來，建議店家可以取消泰式糕點，以免浪費。
每位服務員的態度都非常好，服務員會定時定候睇下我地燒成點，不斷出手幫我地燒，當日有位男性服務員，特別點名「稱讚」他，他叫安仔，絕對係「泰.夯蝦」的最佳員工，另一位比較高大嘅男士，估計不是高層就是老闆，都係服務周到。
已經好耐未去過一間餐廳，服務員嘅態度令到我哋有賓至如歸嘅感覺，未食已經覺得今餐係一流。
講返嘢食，今日嘅所有生料（海鮮及肉類）都非常之新鮮，流水蝦有膏，燒生蠔、蜆鮮甜，冬陰功湯夠酸夠辣，番薯糖水夠薑夠辣，麻辣雞中翼夠麻夠辣，炸物全部都脆脆的，波波雪糕味道多選擇。
今日男朋友生日，之前一直想試但都book唔到位，今日閒日walkin有位。
上網睇到又話生日正日免費，去同問職員話生日只有半價。
之後問另一個似係話到事既職員，佢又話生日半價只限4人訂座先會有。
反正有7折，加上生日唔想掃興，都照試吓。
蝦都算生猛同新鮮，但燒完好細隻，味道尚算可以接受。
熟食既選擇比較少，有冬陰功蝦、豉椒炒蝦，炒飯等等。
榴蓮波波同燒菠蘿味道唔錯。
另外，扇貝同蜆燒完都唔錯。
有醬料提供，但味道都一般。
我見Facebook有寫話送帶子，鮑魚同和牛，另外我坐低無幾耐聽到有職員都同其他食客介紹有帶子，和牛同鮑魚個啲送，但只供應一次。
但我坐低食左一個幾鐘都未上，同職員係咪會送，佢就話我睇返張單先，之後先死死地氣上返俾我。
唔知係咪食客唔講佢哋就扮唔知唔俾。
即刻印象差左好多。
職員服務都ok,一坐低會主動介紹有咩食物，都會教你啲蝦點處理，有啲咩食，有時會幫你燒下蝦。
但有時想搵佢哋幫手又唔見人。
食客唔算多，坐得都好集中，都唔夠人手服務客人，有待改善。
埋單每人3百多少少，真心呢個價錢可以食其他更好既，CP值諗真低。
因為我本來期望好高，但試完覺得麻麻，所以會有啲失望。
除非好鍾意食蝦，如果唔係一直燒蝦會好厭。
食物選擇好少，唔推介。
估唔到咁正，有泰國既風味，大頭蝦隻隻爆膏，大既厚肉，細既膏香！限量和牛、鮑魚非常好味，其他食物泰國菜都十分味濃足料夠味，服務都十分滿意，用心講解燒烤方法位置，入場時見有大肚女士主動去人少煙地方進食，值得讚揚！清潔方式燒烤，都大煙，而且似燒烤場塵都大，可以通風及吸油煙要再想想，另想食星期六/日，三星期都全滿！睇黎要開分店先得😅
19年的聖誕曾去曼谷吃流水蝦, 隔了不過兩個月就爆發疫情, 至今就不能外遊, 唯有去呢度解鄉愁呢度嘅流水蝦絕對新鮮及正宗, 紮紮跳又有蝦膏 , 比起我喺曼谷食嗰次更好! 除此之外, 另外仲有少量海鮮, 例如蠔同硯, 都鮮甜, 且有海水味除海鮮外, 亦可自助取其他肉類及蔬果 , 另有熟食提供, 味道中上, 特別推介冬陰功湯: 酸辣度適中亦有不少蝦, 每位客人會獲送鮑魚及扇貝各一隻同少量和牛, 但當然, 嚟得呢度, 就梗係主打燒流水蝦喇服務員的服務細心及有禮, 會向客人指導如何燒烤, 另外一位相信不是高層便是老細的男士, 是無線的藝員, 除指導燒烤外, 亦會客人聊天新張期內有七折優惠, 折後連加一服務費約310元, 抵食抵玩! 光顧當天為平日的午市, 都滿座, 在疫情下真不易, 可見有其吸引力! 唯一批評便是抽風氣不足, 感覺空氣有點不流通
見新開張做優惠7折，就同fd一齊黎試下。
預先訂座送鮑魚，優惠做到1月尾就無啦。
上到黎感覺就係抽風麻麻，好大陣油煙味，不過店員態度幾好，講解得好詳細，去邊夾蝦，邊到有嘢拎，燒嘅過程中，有店員經過見到我地唔識點處理隻蝦，教埋我地點剪，因為頭輪我拎左啲金針菇、大啡菇、娃娃菜，店員教埋我話有錫紙兜同牛油蒜蓉，唔洗我懵盛盛咁係爐上燒，服務非常好。
蝦好新鮮，爽口彈牙❤️食物質素方面，海鮮係新鮮即開，好可惜我3:30入場，剩係拎到一盤帶子就無曬啦，不過值得一讚係洗得好乾淨無沙同無內臟👍🏻除此之外，提前訂左送嘅鮑魚好好食，係新鮮唔韌好淋，都可能係因為我地燒得啱啱好🤣右邊兩片係送嘅A5和牛，左邊嗰啲睇個樣我同fd就無燒黎食，黎呢到真係海鮮係好食，其他都麻麻🥴
泰.夯蝦餐單提供泰國菜等推介美食位於荃灣區，餐廳座位數未知人均消費約$201-400，結賬可以用現金，Booking訂位可以電話致電 54221193 查詢。
您對於荃灣餐廳「泰.夯蝦」有何 comment？
泰.夯蝦餐廳詳細資料：
- 泰.夯蝦地址: 荃灣眾安街2-8號周合成大廈1樓 Thai BBQ Shrimp, 1/ F, Chau Hop Shing Building,2-8 Chung On Street, Tsuen Wan
- 泰.夯蝦電話: 54221193
- 泰.夯蝦價錢: $201-400
- 分類: 泰國菜
- 座位: 未知
- 付款: 現金
- FB專頁: 泰.夯蝦 Facebook
更多泰.夯蝦相關資料:
香港餐廳2026推介7月