泰串燒泰國菜 荃灣

泰串燒泰國菜 評價 相片

與同事食lunch，去左一間不太起眼的泰國餐廳，1點入座仲有吉位，當我地點左餐後，即見全場滿座，香港地真係人多車多，去到邊都逼爆，人流旺盛，都算係一個特色啦上菜來左隻好大嘅豬腿，「泰式豬手飯」底層仲鋪有久違嘅咸酸菜，正呀以前感覺奇怪唔敢食嘅濕飯，試落又幾好味，「濕炒牛肉飯」清清地易入口，「泰式炒金邊粉」酸酸地辣辣地，原來都幾醒神開胃哦呢間「泰串燒」值得推荐，唔講你唔知夜晚才有串燒食，係門口位即場燒畀你，正過去BBQ啦！

之前呢間泰國菜做過大閘蟹放題, 我既朋友們試過，覺得大閘蟹放題好抵同試過另叫既菜式都唔錯就帶我去試下。

我地兩個人叫左一杯青檸梳打，一杯泰式奶茶，黃咖哩牛腩，蒜蓉包同埋火焰燒雞～杯泰式奶茶望落冇咩特別，味道帶雲尼那味，幾香，唔算太甜。

我係超愛食咖哩，尤其是泰式黃咖哩係我既至愛😍，呢間既黃咖哩係唔辣既，帶有甜味，好香椰香，好岩我心水，牛腩係半肥瘦多，入味同埋唔難咬，個量都幾多~ 咖哩入面有好多配菜，西蘭花，菠蘿粒，椒，都幾新鮮，啲菜唔會煮過龍。

咖哩係一定要配下蒜蓉包或者薄餅，呢間既蒜蓉包令我幾驚喜，好熱辣辣之餘，佢係唔會只有蒜味，佢有好香既牛油甜味，加埋啲咖哩係絕配！！（蒜蓉包係有四件既，只係忍唔住快快食左兩件😛）最後最後要呢個燒雞，原本唔係叫佢既，本身係有一個set係有普通燒雞加泰或鳳爪加白飯，但礙於我唔食鳳爪同埋驚兩碗飯太飽，店員係介紹我食火焰燒雞，即叫即燒，而個過程係佢燒完之後，會喺你面前淋酒落隻雞到再燒。

呢隻燒雞有少少酒味，好嫩滑，唔會好似平時既燒雞咁乾，就算唔點醬都夠味總結黎講，呢度既味道同埋店員態度都好好，不過個位置真係比較偏，近香居街街市。

而價錢都係適中。

一家四口，經過荃灣一間泰式菜館，表面上沒有什麼特別，中午訓冇所謂啦，列牌要試試海南雞飯，經店員推介，咁啤酒食豬手，好掂就試一試個泰式豬手，嗯！果然非同凡響，入口即溶跟住再試埋個泰式酥炸皮疍，果然一流

今日經朋友介紹第一次去泰串燒食晚飯，今晚點咗豬脾,海南雞,海南雞件非常滑，好有雞味，豬脾入口即溶，結果成班忍唔住叫做咗白飯，燒蝦及其它菜式都好好食尤其係燒帶子，配上特製醬料，非常香口，海鮮好新鲜……正！

最近朋友話荃灣有間新既泰國菜，雖然我不是特別鍾情泰國菜，但是這間質素實屬不錯。

所以要開post贊一個!《泰串燒》既然店名主打串燒，我們也柯打了串燒燒烤。

串燒火候剛好，再沾上沙爹醬，絕配! 特別要介紹牛肉串燒，肉汁夠，咬開略見粉紅。

小食炸蝦餅，無骨鳳爪，肉鬆生菜包等水準不錯。

柚子沙律女友人們至愛，很快已經要再柯打一客。

特別要提泰式生蝦夠新鮮，特別在醬汁做得好，風味十足。

咖哩蟹啖啖肉又鮮甜，泰式海南雞夠嫩滑。

最令人驚喜既係泰式燒雞，估佢唔到燒雞可以嫩滑又Juicy，今日MVP一定係佢。

酒水亦有驚喜，除了椰青汽水等。

仲有1664同埋HOEGAARDEN ROSEE，紅桑子啤酒ROSEE，我最近大愛!!估唔到呢到有得飲，呢間野太多驚喜，有機會一定要再去。

泰串燒泰國菜餐單提供泰國菜, 串燒等推介美食位於荃灣區，餐廳座位數未知人均消費約$51-100，結賬可以用現金。

您對於荃灣餐廳「泰串燒泰國菜」有何 comment？

泰串燒泰國菜餐廳詳細資料：

• 泰串燒泰國菜地址:
  荃灣曹公坊1-7號德仁樓地下C舖
  Sawadee Thai, Shop C, G/ F,1-7 Tso Kung Square, Tsuen Wan
• 泰串燒泰國菜電話:  
• 泰串燒泰國菜價錢: $51-100
• 分類: 泰國菜, 串燒
• 座位: 未知
• 付款: 現金
• FB專頁: 泰串燒泰國菜 Facebook

更多泰串燒泰國菜相關資料:

• 泰串燒泰國菜分店
• Youtube
• Facebook
• Twitter
• Google