櫻島麵包餅店 荃灣

櫻島麵包餅店 評價 相片

老公生日係周圍睇咗蛋糕好耐都唔知買咩好，不過佢鍾意食傳統Cream蛋糕，所以我都盡量去搵。

最後行過櫻島見到最後一個1KG雜果蛋糕，所以我就買咗依款蛋糕了。

食落覺得都可以，不過Cream略微多咗少少，所以下次或者會考慮買第二間了。

眼見而家市道唔好，諗住好心幫襯小店，但卻換來一肚氣！仲有播毒危機！前幾日經過荃灣呢間麵包鋪，佢哋沒有個別包裝麵包， 如果職員或顧客打開麵包柜門唔戴口罩照講嘢，就佈滿口水同病菌，甚至病毒！ 我選咗幾個麵包拎去櫃檯諗住畀錢，收銀卻是一個冇戴口罩嘅男人，佢對住我啲麵包一路入袋，－路講嘢。

我話比佢知，冇戴口罩對住啲麵包講嘢有欠衛生， 但他不但沒有覺得不妥，仲大聲夾惡說：「唔買就算！全部麵包都係我整嘅，我不嬲都唔戴口罩！ 你唔鍾意咪唔好幫襯！ 」今時今日， 不但服務態度差，大家對疫情不敢鬆懈，但竟有啲咁嘅人， 因為食物直接製造者 ，不顧衛生， 分分鐘成為播毒危機！ 奉勸大家要幫襯此店舖前，考慮清楚！作為呢間舖嘅老闆，唔知佢知唔知有啲咁嘅員工存在呢？ 我見另一間麵包鋪亦有類似欠缺衛生的評語，加上已經有多間分店倒閉， 原來事必有因！

住了荃灣差不多七年每次生病，我都要食麥包我都要食呢間麵包舖嘅麥包呢間麵包舖長期都有新鮮出爐嘅麵包麥包新鮮香軟，提子小小甜，感覺好新鮮同一般連鎖店嘅麵包（例如美心東海堂） 有好大嘅分別呢度嘅菠蘿包，賣相唔係特別靚不過因為長期新鮮出爐嘅關係味道十分之好，而且唔同連鎖店嘅菠蘿包連鎖店嘅菠蘿包好鬆，食完好似食咗一陣風呢度嘅迷你光酥餅都非常好食都係送藥嘅必備嘅佳品價錢都只係10幾蚊如果佢係櫻島麵包舖揀一樣最強嘅賣點我會特別介紹一個蛋白蛋糕非常鬆軟價錢都只係10幾蚊一個大麥包兩個菠蘿包一個蛋白蛋糕一袋迷你講酥餅45蚊， 價錢非常合理，而且味道都相當美味

食完車仔麵後, 得五成飽轉過隔離買麵包, 填肚子$5 叉燒包沒想過晚上6時許都可吃到暖芯麵包麵包扁扁輕輕, 撕開覺得麵包有如綿花般鬆軟, 並且一按即扁(內心就諗: 一定正如鰂魚涌某麵包師所講「麵粉落唔夠，又遲入爐，食落咪一陣風囉！」)但食到叉燒餡...就覺得有種熟悉的味道, 這味道是什麼呢???細想一下, 發覺是中式蒸叉燒包那種蜜汁叉燒餡, 吃落甜而帶蜜, 叉燒粒粒半肥瘦, 嚼到肉味亦有點點肥膏甘香 餐包配蜜汁叉燒餡, 沒想過會那麼夾

前日(3152012 Thur)放工返到屋企,驚見枱上有一大埋麵包,瑞士卷,爸爸做咩買咁多o野返o黎?冇耐,佢返o黎喇,我問佢做咩買咁多o野?佢答唔係佢買,係客人留底,追都追唔切.我睇睇,有一袋三個o既麵包,爸爸話佢食o左一個冇餡,唔知咩o野包,睇睇剩返o個三個,應該係咸餐包o個類.然後話有一個唔知咩o野,我又睇睇,啊,係芒果布甸,o岩爸爸呢個芒果怪食啦,我即刻將佢放返入雪櫃.然後又影埋朱古力瑞士卷,睇見佢切到大大件,影完後我忍唔住食,我打開佢時,發覺佢o地用釘書釘釘住兩邊,使唔使呀?好,拎出o黎食,但只拎到上半截,下半截仍黐住,攪乜?唔係成件切到底o既?食落,口感好滑又鬆軟,食得出淡淡朱古力味,同樣唔太甜.睇返以前o既食評,原來都食過兩次,一次好食一次冇咁好食,睇o黎呢o度o既師傅水準唔係太穩定.而爸爸o係尋晚都食兩件,到今日,爸爸同我講呢隻瑞士卷落o左糖精,o個晚佢好口喝.但我問佢之前食其他公司o既切餅又有冇口喝?佢答冇.味道: 4.8分同爸爸食完晚飯後一個鐘,我就叫爸爸食芒果布甸,不過我都食幾啖先.芒果粒唔多,只有面o個幾粒,而布甸質感唔錯,食得出有芒果味又唔太甜,亦算滑,比想像中好食.味道: 4.5分

櫻島麵包餅店餐單提供港式, 麵包店等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「櫻島麵包餅店」有何 comment？

櫻島麵包餅店餐廳詳細資料：

• 櫻島麵包餅店地址:
  荃灣鹹田街44號成安樓地下
  Sakurashima Bakery, G/ F, Shing On Building,44 Ham Tin Street, Tsuen Wan
• 櫻島麵包餅店電話:  
• 櫻島麵包餅店價錢: $50以下
• 分類: 港式, 麵包店
• 座位: 未知
• 付款: 現金
• FB專頁: 櫻島麵包餅店 Facebook

更多櫻島麵包餅店相關資料:

• 櫻島麵包餅店分店
• Youtube
• Facebook
• Twitter
• Google