榕榕酒家 荃灣

榕榕酒家 評價 相片

邊個話熱辣辣唔可以打邊爐嫁~~~係朋友度知道荃灣有間唔錯的酒家有任食火鍋,適逢今日係夏至, 放工後一於去試新嘢.星期四晚上將近七點去到門口, 就算係酒家門口都唔見有火鍋嘅招紙, 莫非夏天真係無邊爐打?入咗大門要上一層, 係樓梯位終於見到有關火鍋嘅海報, 星期一至四 $108 (加一), 星期五, 六, 日及假期, 另加 $5.上到一樓, 只見兩枱人客 (小菜及火鍋各一枱), 被安排坐去後少少的火鍋區.看看點餸紙, 要了胡椒豬肚湯底, 再先來一瓶竹蔗水, 說時遲那時快, 餸都未點完已經上好湯底及竹蔗水, 好快手喎.朋友介紹要試瀨尿蝦, 話好新鮮, 另外叫咗都唔少嘢, 當然有打邊爐唔可以少嘅肥牛同丸啦, 有自制四寶丸, 潮式魚蛋, 魚滑, 仲有蠔, 蝦, 脆肉鯇骨腩, 黑豚肉, 炸魚皮, 菜, 粟米, 雖然已經叫咗椒豬肚湯, 但再追加豬肚同粉腸, 另外仲有其他地方比較少有嘅生腸同魚卜普通嘢唔多講, 講吓啲比較少有同特別嘅瀨尿蝦, 好介紹, 真係新鮮都爆, 上枱仲識郁, 起勢爬呀, 彈呀, 倒佢哋落個鍋到都要兩三秒先識死, 而且肉質爽口, 有鮮甜嘅味道, 唯一可惜係比較細隻 (食懵你呀! 百零蚊位你想點呀! 比啲七吋長嘅你好唔好?)另外, 蝦都好新鮮, 唔錯 (但都有兩三隻比較 '梅' 啲)脆肉鯇骨腩, 真係脆肉鯇嚟, 爽脆的, 唔似好多會比番啲普通鯇魚扮脆肉鯇而且仲搭多幾舊班嘅頭同咀位, 肉與好滑, 意外驚喜生腸, 唔係紅卜卜而係白雪雪的, 十分爽口彈牙, Good魚卜, 大大個, 唔 '古寒', 而且爽口度十足 (無牙真係唔好食), 推介.成餐最差嘅係黑豚肉, 都唔知係咩豬肉嚟, 咬落去都唔知係乜, 結果成碟再無食過.埋單兩位連加一 $237.6, 每人都唔使 $120, 抵食.總括嚟講, 無論食物款式, 食物質素, 價錢收費, 服務 (啲人做嘢好快手, 啲食物上得又快), 位置 (近我屋企) 都十分好.呢間酒家我一定再幫襯.

又是隨意覓食的一晚, 晚飯時間詢問問即時有位便二話不說進場!! 很隨便便從幾個餐牌中點了幾道家常便菜!不期望之下上來第一道菜, 放入口的第一感覺非常驚喜, 皆因非常熱, 脆, 薄炸粉, 美味肉質!!絕對不錯的水準!份量十足, 菜不會過腍感太硬, 沒有菜會出現的腥味, 皮蛋及鹹蛋都很多, 讚!超級脆皮, 件件有肉, 師傅切的很好, 沒有馬虎, 每件肉多於骨, 我們很滿意!!! 味道好, 全數入了味, 不錯!芝士汁很濃, 但不算香, 天使麵在底部份量剛好, 最出色的是蝦, 每一隻蝦都是脹卜卜的, 啖啖肉, 每一隻都很有鮮味, 肉質絕不霉爛, 另一個讚!職員有禮有反應, 下次可要一試火鍋呢...!

今晚同百厭仔去完珀麗灣玩, 喺荃灣落船,返正好耐無去榕榕打邊爐喇, 咁就專登行去幫襯. 一行三大一B, 去到20:45, 一樓無位, 侍應問上二樓好唔好, OK啦, 心諗返正次次都坐一樓, 廁所仲喺二樓添, 去廁所就唔使行上行落啦.任飲 (竹蔗水/五花茶) 任食 ( 不限時間) $98.00包湯底, 茶芥, 另收加一服務費叫咗竹蔗茅根湯底, 清清地, 唔錯!肥牛OK喎, 竟然唔靭雞肉片OK手打墨魚丸 / 手打豬肉丸,牛丸夠鮮味, 正!手打蝦滑 (呢個之前食無架)好味!生魚片/脆鯇片幾新鮮生蝦上枱仲識郁,好鮮味瀨尿蝦仔非常新鮮, 仲會逃走, (無影相添)金錢牛展OK大魚卜幾新鮮生蠔新鮮唔錯炸支竹吸收咗啲海鮮湯, 好味!因為淥完瀨尿蝦仔, 生蝦, 生蠔等海鮮嘅湯真係好鮮味, 臨尾雖然幾飽, 都忍唔住食咗啲海鮮湯鳥冬麵, 超正!但今次坐二樓啲服務真係差咗好多, 啲蝦殼載滿成隻碟都無人換, 呢個都算. 無論叫阿姐比返個煲蓋我哋又好, 攞點食物紙又好, 都只係應"得得得", 得完就無咗回事, 要叫幾次先攞到. 大家以為啲阿姐忙於招呼其他客, 錯! 其實我哋叫佢攞嘢時都成22:00, 二樓係唔會再有新客上嚟, 佢哋係忙於收拾已結帳客人嘅碗碟. 阿姐呀, 啲碗碟一陣先執唔會有腳走架, 好心攞嘢比我哋先啦. 最過份係叫阿姐埋單, 佢一句聲都唔出就"攝"咗張單喺你隔離, 跟住又走咗去, 咁即係想點呀?我次次坐一樓都未試過遇到咁嘅情況. 咩理由同一酒樓, 樓上同樓下啲服務會爭咁遠, 理應作出改善!

呢日同屋企人&女朋友(6大1細)一齊去咗榕榕食飯,因為上咗大陸做咗四個月野,所以呢晚係同老豆補祝生日,我地叫咗糯米蟹,燒鵝半隻,沙鍋雲吞雞,魚湯海味什菜煲,薑蔥桶蠔,班腩兩食(蒜茸蒸&西芹炒),仲有乳豬拼海蜇...糯米蟹同之前食過一樣,勁多蟹膏,糯米飯吸收咗蟹嘅鮮味同蒜茸嘅香味好好食,不過今次嘅糯米飯就腍咗少少...燒鵝皮脆肉香,又唔會太肥,正...沙鍋雲吞雞,呢個做特價$28,不過不失...魚湯海味什菜煲係我每次都會叫嘅,因為好夠味,呢次亦可以保持水準...薑蔥桶蠔呢個係一個驚喜,d蠔勁大隻,又新鮮,好食...班腩兩食(蒜茸蒸),其實幾好食,不過如果食埋d蒜茸粉絲就有少少咸...班腩兩食(西芹炒),呢碟就無咩特別...乳豬拼海蜇,乳豬皮好脆,食落口香得來又唔會成口油...基本上成晚嘅食物都好ok,埋單$995亦唔係貴!!

星期五晚到這裡打邊爐，由於不熟悉這區，兜了好幾個圈才找到了海壩街，到達的時候已經快八時了。

幸而人潮仍未到，二人枱還有好幾個選擇。

這裡跟一般火鍋放題不同，這裡沒有自助飲料和醬油。

飲料要托侍應拿，可樂、竹蔗茅根和夏枯草不另收費。

豉油早已預備好放在枱面，如要蒜茸等配料好像要加錢的。

基本收費為$98加一。

食物，長話短說就好了。

這裡的配料大部分都是高質素的，極力推介他們的手打系列（蝦滑、墨魚丸），肉質結實而彈牙，蝦滑更是尤其新鮮，味道猶如鮮蝦餃。

自家製菜肉餃是本店的誠意之作，飽滿的餃子裡是鮮豬肉，肉比菜多，口感挺豐富。

而蟹籽丸出乎意料之外的好吃！蟹籽十分鮮甜，丸的外身則頗彈牙。

另外，竹簽蝦是游水蝦，上桌時仍是活生生的，十分鮮味。

火鍋的熱門菜式肥牛則稍遜；肥牛有點過份地肥美，每片肥牛約有７成是脂肪。

如對肥牛有要求，可加錢轉美國肥牛，不過我們沒這樣做，所以不知美國肥牛的質素怎樣。

另外，某些丸類也是一般般，如芝士丸的芝士味道有點奇怪，而八爪魚丸更是很＂粉＂且不新鮮。

這店最值得一讚的是員工的服務態度。

上菜效率很高，也完全沒有漏單情況。

員工做到一腳踢，還是會把笑容掛在臉上。

他們還會主動清理枱面的吉碟和吉汽水罐，又會主動給客人加水和更換碟子。

總之，他們的服務客人的動力就是很高。

火鍋店來說，這裡算是很高水準了；員工的服務態度更是值得嘉許。

值得再來！

榕榕酒家餐單提供粵菜, 廣東, 火鍋, 中菜館, 酒樓等推介美食位於荃灣區，餐廳座位數未知人均消費約$51-100，結賬可以用現金。

您對於荃灣餐廳「榕榕酒家」有何 comment？

榕榕酒家餐廳詳細資料：

• 榕榕酒家地址:
  荃灣海壩街108-114號荃碧大廈地下
  榕榕酒家, Tsuen Pik Building, G/ F,108 Hoi Pa Street, Tsuen Wan
• 榕榕酒家電話:  
• 榕榕酒家價錢: $51-100
• 分類: 粵菜, 廣東, 火鍋, 中菜館, 酒樓
• 座位: 未知
• 付款: 現金
• FB專頁: 榕榕酒家 Facebook

更多榕榕酒家相關資料:

• 榕榕酒家分店
• Youtube
• Facebook
• Twitter
• Google