心甜 荃灣

心甜 評價 相片

早前，我睇到 Openrice 最新餐廳名單，搵到呢間 <心甜>，見首位寫食評嘅食家影啲相、價錢都相當吸引！ 平價就食到有水準嘅甜品！我提醒自己如果出開荃灣，一定要去心甜試吓！由荃豐行過去，經華都、昌安、係第三個商場靠右望就搵到。

店子細細，入面有 4 張枱，出面有 2 張枱。

8:00 經過尚未有食客，食完飯 9:00 走嚟，已經有 2~3枱食客。

「心甜」呢個名點嚟就不得而知！我眼見店主係一位媽媽，阿仔阿女係店員，另有一位女甜品師傅；有仔女幫手，怪不知心甜啦！用心經營亦係其中一個要點！以開放式廚房，簡單設備，有個大雪柜......仲俾我發現有個金菠蘿，菠蘿又稱鳳梨，國語音鳳梨好似旺來，含意旺來！果然無令我失望！單看西式甜品有 12 款，由 $20 起，睇餐牌影出嚟賣相吸引！包括：旋風木槺布甸、火焰雪山、香蕉船、咖啡奶凍、焦糖布甸、芒果布甸、綠茶紅豆布甸、..... 甚至鮮有甜品店出現嘅朱古力噴泉都有。

還有鹵水小食、厚多士、傳統糖水、蛋糕、黑糯米......等。

綠茶紅豆布甸 $22雖然只是一個 $22 嘅甜品，可見師傅做得一絲不苟！ 我見到綠茶布甸放落碟後，會浸出糖水，師傅小心翼翼圍繞布甸外圍抺碟，碟面明顯有被抺過痕跡！布甸外型有點似番梘蓋， 加上大大粒紅豆、紅豆蓉，一粒鮮紅色酸酸地嘅士多啤梨、一條自家製朱古力條；再淋上朱古力醬。

成個甜品賣相得體！ 有層次感！不過，食落爽身帶點彈牙！ 真係第一次食到彈牙布甸！因此，心甜成為我出荃灣嘅首選甜品店！

在12個月前路過此店,像是開業無耐。

我給門口那”notice broad”的相吸引著,就此念念不忘。

適逢帶姊荃灣「遊」,最好不過是到地區美食,吃吃~~挑選了一甜一咸食。

百利甜酒芝士凍餅$22,芝士凍餅部份極滑!!!Baileys味很突出!消化餅底如果脆番D會更perfect!芝士窩蛋厚多士$16,「窩蛋」是窩蛋牛肉飯的,全生雞蛋呀!!熱烘烘的多士,香甜又脆!最特別是,芝士味不太咸,沒搶到麵包與蛋汁味道。

淡味粒粒芝士+芝士粉,食完整片多士,也完全不覺漏!食完以上兩樣,很滿意,所以忍不住order埋特濃朱古力蛋糕配雪糕$22。

我好奇問「店主」,這brownie是不是你地自家製?他說「這不是brownie,而是”Torte”(蛋糕)。

是我們home made的。

」噢!說來也是,它沒brownie那般濕潤黏喉,是蛋糕質地!脆面不在話下,暖暖的蛋糕還很鬆軟!美中不足是,她用了牛記雪糕,還是朱古力味呢!稍為平分了朱古力蛋糕,朱古力味的春色。

所以人人整軟心朱古力,多用呍哩o拿雪糕,也是有因呢!隔幾天,心思思又再去食過,吃了芒果黑椰汁糯米$20。

一上枱,芒果,大大粒零碎散開,與餐牌相片,很不對稱!而且椰奶看去很稠,總之有點呆了,當時還正口渴……。

椰汁稠之餘,黑糯米還未熟透,好硬,而且pet pet得很結實,加埋稠椰奶,好不juicy!早知要淨黑糯米$14無咁嬲!我諗佢係失手在某些中式甜品上......所以仍會有下次的光顧啊!

心甜餐單提供港式, 甜品, 糖水, 小食店等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「心甜」有何 comment？

心甜餐廳詳細資料：

• 心甜地址:
  荃灣西樓角路138-168號荃豐中心昌寧大廈1樓48號舖
  心甜, Shop48,1/ F, Cheong Ning Building, Tsuen Cheong Centre,138-168 Sai Lau Kok Road, Tsuen Wan
• 心甜電話:  
• 心甜價錢: $50以下
• 分類: 港式, 甜品, 糖水, 小食店
• 座位: 未知
• 付款: 現金
• FB專頁: 心甜 Facebook

更多心甜相關資料:

• 心甜分店
• Youtube
• Facebook
• Twitter
• Google