廣東燒味餐廳 荃灣

廣東燒味餐廳 評價 相片

難得既係周圍都係人既假日荃灣，要搵間唔使等位既舖頭都難，要有質素又有位既應該無可能吧舖頭好大間，除左卡位，中間仲有幾張圓枱，其中一張可以坐到12人。

黎食既人有一家大細既街坊，更多既係著住制服附近返工既員工，質素唔差先可以吸引到咁多街坊食吧餐牌可以點既一定好多，各式各樣，但假期既今日都有餐叫就真感恩。

不過黎到無理由唔食燒味吧油雞，燒鴨飯 凍奶茶 hk49大概5分鐘就上枱，速度尚算可以。

不過賣相就幾吸引，白飯份量適中，油雞係上脾位，燒鴨切得整齊，個面油立立好吸引，而且有齊甜酸醬同薑蓉，非常齊存。

豉油份量適中，令到個飯可以濕濕地咁食，有少少甜味，不錯油雞由於係脾位，少少肥但好香口，而且骨位大部分已切去，一啖咬落去滿滿的，有點肥膩但好好味，好滑唔鞋口。

燒鴨既皮好脆，而且鴨肉唔韌，肉質一咬就開，面皮香脆有汁，食落感覺好好。

豉油既甜味加埋甜酸醬撈落個飯特別開胃，好快就已經成個飯食哂凍奶茶份量同普通茶餐廳一樣，茶味無咩特別，但奶味同甜味唔會太勁，而且雪溶左都唔會覺得整杯味道無哂。

食完燒味滿口油，之後飲返啖凍奶茶，感覺完美總括，燒味果然到位，雖然舖頭唔係大街，而且隱藏於小花園旁，但質素與份量都非常好，值得一讚

現在香港物價高就大家都知, $50一個午餐係好平常的事, 一向都對廣東燒味的味道情有獨鍾, 但這天叫了一個雙拼飯後, 我決定這次會是我在這餐廳食燒味的最後一次 , 因為我真係好嬲叉燒件數 5件, 油雞骨件數同是5件, 但我叫的明明是叉燒油雞飯 , 點解變左油雞皮包骨飯, 好想叫佢換, 但怕換來會被"加料" 仲衰. 另一方便 , 在這衰到無得再衰的雞骨襯托下 , 最值得讚賞的便是叉燒, 肉質嫩滑適中亦不肥膩 , 或者以後我應該只叫叉燒算

  平時回家都會路過依間餐廳~本以為只係一間普通的茶餐廳, 原來晚上有私房菜~最初只係知道係度食飯~ 係門口等人時重諗緊今晚會有咩食, 入到內堂原來有一間容納到2圍的地方~頭盤係燒味+豬腳仔~~由於大家都係放工黎食飯...太肚餓,完全唔記得左"相機"食先~之後係阿拉斯加長腳蟹:兩食~ 隻蟹好大隻~十分鮮甜蟹係面~下面係米粉, 米粉吸左汁,十分野味~炸子雞: 本人由於愛好食雞~所以覺得好好食xd 皮脆肉嫩。

冬陰公: 同事話好好味而且十分足料~可惜我少少辣都唔食得~冇飲到。

蒸花蛤公: 隻隻都好肥美~自家制的涼瓜: 第一次食到甜的涼瓜~十分特別。

經過一天的工作, 夜晚有一餐好食的晚餐食, 真係感覺疲累消散>"<而且番工...都係為左搵食姐~A_A有機會絕對會再黎一次~

荃灣茶記中 ，要數燒臘製作較好的可算這家，故幫襯人流都幾多，加上這店舖 非常隱蔽，小弟十分喜歡。

是日過來午膳，燒味必然是主打，另跟餐的一杯凍啡小甜走不了。

今次點了燒肉雞飯，燒肉夠脆身，切雞都算有雞味，起碼兩者都不是雪藏貨色，以燒臘作主打的來說已經合格有多。

不過跟餐的凍啡就不行了，咖啡味不夠濃，酸味太重，給這杯凍啡分數一拖，沒給喊面已經走運了，只喝了一半

是日家庭飯局原本預訂了一隻大蟹,沒想到來的是阿拉斯加長腳蟹!!重12斤!!這麼大的蟹真是第一次見!!嘩!一蟹兩食,先來個凍食.蟹肉鮮甜無雪味.肉是多汁嫩滑的,不似到酒店自助餐那些冰過的無味道.附上蟹剪,拿隻腳剪兩刀,整個蟹肉如蟹柳般拿出來,啖啖肉!吃得真過癮!蟹蓋有很多膏,這隻應該是蟹公.另一個冷盤鮑魚很稔.有一種茴香(?)味.又是啖啖肉!梅子涼瓜是白灼涼瓜浸在酸梅及話梅汁中醃製,本身味道酸酸甜甜,清新醒胃.醮wasabi和豉油同吃,又另一番味道.要預訂.蘆筍...吃不慣沒有調味的.覺得有種草青味.亦太淡口.蟹霸第二食蟹身的肉拆出來,燴個上湯,淋在煎米餅底上,煎米餅都吸收了上湯和蟹味,真的非常好吃!!極搶手!波叔(是晚招呼我們)話:煎米餅一定是煎的,炸會韌.是日靚湯這個冬瓜盅,太足料了吧?比很多酒樓都好味得多!有金華火腿,火鴨,冬菇,蓮子,響螺,瑤柱等,飲落沒有味精,很清甜!很合時令.太好味了!波叔話,吃過清淡的海鮮,是時候來些味道濃郁的.這個豉椒炒蟶子王,雖然看似普通,但蟶子王超新鮮,咬下去超多汁!配角的甜酸菜十分美味!加上青椒吃真的很有水準.來到廣東燒味餐廳當然要食下招牌野:燒味拼盤.是叉燒,燒鵝脾,燒肉拼海哲.(波叔你是知道我來特登留左脾給我嗎?)叉燒肥肥地,好稔,好好味.燒肉肥膏瘦肉一層夾一層,個皮脆卜卜.正!燒鵝脾....啖啖肉精選.海哲,好脆口,厚身.原來這家餐廳是有自己燒爐的,燒味是自家製,不是工場送的,所以特別好味.最後一味菜,是舅父最愛的花甲,好鮮甜.(不是好大隻喇)個上湯超好味,浸住個白菜仔好正!我們真是好飽了....最後甜品是印度芒果.好特別的一種香味....好像花香,又有點像椰香....好味.吃完後大家都念念不忘.最後想提提,波叔雖然是來招呼我們,但他們真的好好服務.見到我們婆婆(90歲)咬不開鮑魚,連忙給我們剪刀.又常常替我們添茶.洗手用的茶(吃蟹用),公筷,公匙是自動上桌,又常常替我們更換碟子.真的覺得很貼心.謝謝.

廣東燒味餐廳餐單提供粵菜, 廣東, 燒臘等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「廣東燒味餐廳」有何 comment？

廣東燒味餐廳餐廳詳細資料：

• 廣東燒味餐廳地址:
  荃灣大陂坊25號地舖
  Guangdong Roast Restaurant, G/ F,25 Tai Pei Square, Tsuen Wan
• 廣東燒味餐廳電話:  
• 廣東燒味餐廳價錢: $50以下
• 分類: 粵菜, 廣東, 燒臘
• 座位: 未知
• 付款: 現金
• FB專頁: 廣東燒味餐廳 Facebook

更多廣東燒味餐廳相關資料:

• 廣東燒味餐廳分店
• Youtube
• Facebook
• Twitter
• Google