嚐越 荃灣

嚐越 評價 相片

今日收早同男友去千色匯拎番D con,順便醫埋肚。

俾呢到d裝橫吸引左入黎，好森林feel ,幾靚！環境清優，坐得都舒適！我地兩個人點左3⃣️樣野，首先最快黎到既係生牛肉河 ，普普通通冇咩特別，味道偏淡，牛肉唔夠入味。

之後再黎就係串燒併盤，呢個點任何食物，只需加$65便可，賣相可以，但味道勉強接受，D肉整得唔夠淋,咬落去有D韌！最為激氣既就係最後黎嗰碟所謂既大蝦蟹肉炒粉絲，1⃣️黎已經等🉐️耐，仲要d蝦🉐️兩件，所謂既蟹肉仲要得面頭少少心諗d蟹e+好貴咩，洗唔洗咁孤寒呀，完全唔值$92蚊lo,呃錢的，真係以後唔會再黎食

星期日既意義當然係要訓到晏一晏接近中午先食早餐然後再食tea今日去左嚐越裝修都幾特別除左tea set menu一般餐牌選擇都幾多紙卷晶瑩剔透 入面嘅料仲好足 薄薄嘅米紙包住唔同嘅料 拼盤既雞翼好入味 好大隻 骨好細條 肉好多食落雞肉仲好嫩 個皮就好脆 岩岩好炸好就攞出黎 新鮮滾熱辣咖哩牛腩味道好濃 類似印度咖哩 有好多香料係入面 但又唔會太spicy 個牛腩都唔會韌隔離係鑊仔炒牛柳粒 啲牛超有牛味 仲有鮮嫩嘅感覺河內牛肉湯粉 入面有生牛肉同牛丸 生牛肉唔會俾啲湯浸到熟曬 有一半以上部分仲係紅色 好稔而牛丸好彈牙 試到有牛味 真材實料最後要左個pancake好有芒果味 食落又唔會好甜好漏 每一啖都有芒果 正！

下午茶時間，係荃灣附近搵左間越式野食下午茶餐包野飲，另可加錢要小食同甜品蕃茄蟹肉湯檬，蕃茄湯味濃，而且檬粉份量都幾多生牛肉河，有生牛肉同牛丸，牛丸夠爽而且夠彈牙，河粉好滑，湯底都夠濃特色併盤，雞翼炸得好香好脆，春卷也是，甘蔗蝦蝦肉夠鮮同彈牙，粉皮入面材料也不少，不過如果少點油就更好鑊仔炒牛柳粒，好有鑊氣，牛柳既分量都唔少，不會韌，配上四季豆同車里茄，減少一點油膩感熱百香果菜，好香且好濃既果味，飲落味道一點也不假，推薦越南滴漏咖啡，咖啡粉注入熱水，滴漏完成後便可飲用，咖啡味都幾香

今日下午我們喺荃灣眾安街做完嘢之後，去咗荃灣千色匯搵吓有咩好食？行到去見到間「嚐越」差唔多係全場滿座，心諗應該出品都幾好，所以我們就入去咗食下午茶！我們叫咗生牛肉湯河粉嘅湯底好夠熱，味道相當鮮甜香濃，牛肉嘅肉質好鬆軟，肉味亦好濃郁，而且有三大塊咁多，以下午茶嚟講，真係幾抵食，至於河粉嘅麵質亦好煙韌軟滑！香茅牛肉撈檬嘅牛肉肉質相當鬆化多汁，燒到啱啱好，唔會過咗火而令到肉質變到又乾又硬，而且有好惹味濃郁嘅香茅味，真係好正呀！而檬粉嘅麵質亦幾彈牙，加埋啲「冧」汁一齊食，簡直係絕配呀！

之前喺九龍灣都食過呢間越南餐廳覺得唔錯，今次喺荃灣再食多次，水準都保持到，而且價錢又唔係太貴，環境都舒服而且夠大蒸粉包＄52，我同老公都覺得好食，上枱嘅時候仲係熱辣辣，而且粉包唔會太乾，入邊配料嘅調味都啱啱好豬頸肉米紙卷＄60，咁多樣菜色當中佢算係比較清淡，真係需要點旁邊嘅魚露去調味，但係幾Fresh海鮮喇沙＄62,即刻飲個湯，個湯底真係唔錯，濃得黎帶有辣味，入邊仲有蝦米，海鮮既配料有大蝦，青口同埋魷魚，個面底係兩種面，有米粉同埋油面，呢個價錢來講都值得一試豬扒撈檬＄62，勁大碗，而且豬扒好香，一定要趁熱食，豬扒嘅調味都好足夠，落咗勁多魚露食檬粉，撈檬一定係咁食豬扒濱海＄35，今晚半價菜式，第一次食，原來係旁邊有生菜包住下面嘅米粉同埋豬扒黎食，咁既食法都幾得意

嚐越餐單提供越南菜等推介美食位於荃灣區，餐廳座位數未知人均消費約$51-100，結賬可以用現金，Booking訂位可以電話致電 23202632 查詢。

您對於荃灣餐廳「嚐越」有何 comment？

嚐越餐廳詳細資料：

• 嚐越地址:
  荃灣眾安街68號荃灣千色匯1期1樓1023號舖
  Deli Viet, Shop1023,1/ F, Kolour Tsuen Wan I,68 Chung On Street, Tsuen Wan
• 嚐越電話: 23202632
• 嚐越價錢: $51-100
• 分類: 越南菜
• 座位: 未知
• 付款: 現金
• FB專頁: 嚐越 Facebook

更多嚐越相關資料:

• 嚐越分店
• Youtube
• Facebook
• Twitter
• Google