冠華粥麵 荃灣
地址: 荃灣石圍角村石芳樓地下7號舖
最後更新:
冠華粥麵推介
石圍角好近我屋企，見到大J出片講燒賣，食燒賣關注組嘅推薦，佢話最好食係石圍角嗰間，我一睇完就衝去食😋 真係食過最好食嘅燒賣！😽手工魚肉燒賣（$12一份）我叫咗兩份，每粒勁大粒，出面嘅兩粒先第於佢一粒份量，真係好誇張，食到我好飽。燒賣入面有明顯嘅魚肉，結實、有咬口、齒頰留香👍🏻豉油、辣醬都非常惹味，超推薦。食緊嘅時候仲見到啲呀姐係舖頭包燒賣，絕對手工。另外我仲有食牛筋河套餐，有埋時菜都係40，牛筋非常入味。
荃灣冠華粥麵
| 餐廳分店 | 冠華粥麵 |
|---|---|
| 地區 | 荃灣 |
| 電話訂位 | 24939681 |
| 餐單 Menu | 粵菜, 廣東, 粉麵, 米線, 粥品 |
| 人氣指數 | 837 |
| 價錢幾錢 | $50以下 |
冠華粥麵訂位位於荃灣區，詳細地址是荃灣石圍角村石芳樓地下7號舖，餐廳寬敞座位數目共有未知幾多個。冠華粥麵幾錢？價錢優惠後人均消費大約$50以下埋單，早餐午餐晚餐冠華粥麵餐單包括有粵菜, 廣東, 粉麵, 米線, 粥品等美食，付款方式有現金付款，Booking網上訂位可以電話致電 24939681 查詢訂座。
冠華粥麵優惠
冠華粥麵 評價 相片
石圍角好近我屋企，見到大J出片講燒賣，食燒賣關注組嘅推薦，佢話最好食係石圍角嗰間，我一睇完就衝去食😋 真係食過最好食嘅燒賣！😽手工魚肉燒賣（$12一份）我叫咗兩份，每粒勁大粒，出面嘅兩粒先第於佢一粒份量，真係好誇張，食到我好飽。
燒賣入面有明顯嘅魚肉，結實、有咬口、齒頰留香👍🏻豉油、辣醬都非常惹味，超推薦。
食緊嘅時候仲見到啲呀姐係舖頭包燒賣，絕對手工。
另外我仲有食牛筋河套餐，有埋時菜都係40，牛筋非常入味。
呢期人人講燒賣，唔通人人都真係好鍾意食燒賣？如果你睇完TVB講粉果佬，你冒名而來搭一個鐘車入大埔然後用咗一個鐘排佢嘅燒賣，食完後，你可能覺得浪費左你一個鐘時間，因為週末至少排一個鐘，你會覺得係TVB惹的禍。
旭仔一分鐘可以識個蘇麗珍，而一個鐘你可以識60個蘇麗珍，呢串燒賣可能真係壞過凱婷，因為人生時間太寶貴，一個鐘可以做好多嘢。
當然你可以選擇排隊呢個鐘講吓電話，上下Facebook，打下機或者剛剛夠睇一集近期大熱嘅后翼棄兵(The Queen’s Gamebit) ，但係我覺得你都可以換過選擇，唔使排一個鐘，都可以食同樣好食嘅燒賣。
前排我推過紅磡的林記，唔知有幾多人記得，至少唔使排一個鐘咁痴線，今日我講呢間係位於荃灣嘅冠華，完全唔使排隊， $12有七粒，至少唔使浪費你一個鐘頭，以我所知，香港燒賣關注組都有講過，但我唔知有幾多人咁神心好似我咁走過來食。
地方係有少少難搵，不過只要問街坊，街坊就會指導你去呢間專食牛雜粉麵嘅冠華。
門口已經有架車仔賣燒賣，入邊就係粉麵檔。
燒賣比起林記同粉果佬或者其他出邊食開嘅燒賣都大粒，有啲似筲箕灣呂仔記。
呢度有個阿姐，狀似老闆娘，佢話佢日日都包燒賣，好快就會賣晒。
食之前見到隻隻燒賣熱辣辣脹卜卜嘅樣都幾吸引，我老婆仲問我係咪好緊張，因為太期待。
食落口，味道唔會大而無當，有咬口，魚肉味幾濃，又煙韌，由於好大粒，個口感可以維持好耐。
辣椒油係自家炒，唯一唔夠好就係佢嘅辣椒油唔係好辣。
要專程過嚟食，係值得嘅，至少我覺得，係香港頭三甲位置，我覺得佢係大件版嘅林記，即係如果你覺得張曦雯好正，呢度嘅張曦雯個樣會靚啲身材會再好啲。
不過最精彩嘅係佢入邊嘅牛雜檔。
雖然好飽但係見到佢嘅牛雜真係好吸引，忍唔住買咗一碗外賣。
阿姐好好客，力推自己嘅牛腩同牛雜，當場可以試味，食完之後就欲罷不能。
如果你喜歡嘉麗園嘅牛雜湯，有花椒八角嘅藥材香嘅味道，咁呢度正中下懷。
佢係濃味嘅八寶清湯腩，最可惜呢度竟然冇蘿蔔賣。
無論牛筋、牛腩、牛膀，牛肺，都非常出色，最正係個牛腸，你不會覺得肥到完全唔想食。
返到去用牛雜牛腩送紅酒真係一流，出色，$95咁大碗，仲要當場試咗好多個唔同的腩位。
絕對有下次，聽講雲呑都好出色，下次冇咁飽嘅狀態一定要叫粉麵送佢個湯底。
如果你愛好燒賣，又唔想排隊，山長水遠過嚟呢度食應該都唔太過分。
至少，呢度除咗燒賣仲有另外一樣好正嘅美食，愛好牛腩也不要錯過。
食完之後，當看看餐廳嘅外內圍，都像時光倒流般，話唔定你可以搵返係粉果佬失去左的60個蘇麗珍。
冠華粥麵荃灣石圍角村石芳樓地下7號舖
要搵一家湯底冇味精嘅潮州麵店，難道相當高，這家便是其中一家，食完它的麵，兩三個鐘都唔覺口渴，用心煮嘢食嘅店舖唔多，這家便是了。
牛雜麵冇特別，牛腩麵的牛腩多次食也是半肥瘦的，雲吞就最特別，食到有種鹹魚味定係蝦子味，係孩童時食雲吞的味道。
正
前日(2582019 Sun)晏晝,同老公又食個late lunch,由於荃灣有遊行同落雨,原本想去買嘢都唔去喇,老公話嚟呢間,因為佢哋自己造嘅燒賣好食,好似糯米糍咁咁煙韌,其實之前嚟食過,覺得麻麻,但老公講成咁,見又有啲餓,咁應該會好食啲嘅,就俾多次機會啦.我哋去到只有幾個客人,老公叫燒賣先,個女仔話一串$10.00嘅燒賣有7粒,咁我哋要住一串先.然後老公要$32.00嘅牛根麵,我要$40.00嘅豬肉丸雲吞麵.個女仔問我哋要唔要菜或嘢飲?啊,咁要菜啦,老公要凍奶茶,盛惠$40.00,我要熱奶茶,盛惠$48.00.燒賣到嚟,睇見魚肉唔係白色,而係灰色,食落,口感係唔同,有少少軟糯,而味道都清清地.然後凍奶茶到嚟,我飲吓,飲到奶味,茶味唔多夠.等咗都幾耐,我杯熱奶茶至到,飲吓,茶味比凍奶茶更淡.又等咗都好耐,兩碗麵一齊到嚟,見到牛根都唔少,老公俾少少我食,夠腍嘅,味道都ok,不過啲湯嘅味道淡啲.而我嘅豬肉丸雲吞麵呢,麵質爽口,只食到少少鹼水味;豬肉丸味道唔太差;雲吞內裡有豬肉,已經好少食肆嘅雲吞裡面有豬肉喇.呢個都ok嘅.味道係2.58分睇返上次食評(https://www.openrice.com/zh/hongkong/review/%E6%B9%AF%E6%B1%81%E5%A5%BD%E5%91%B3%E6%9C%89%E5%92%A9%E7%94%A8e3019465),原來我已經食過呢喥嘅燒賣.環境:呢間嘢都好耐喇,冇翻修過,但一入去就feel到冷氣好大.抵食係2.3分
以前係石圍角讀書時，lunch 會黎食碗牛雜米，又平又夠飽，最重要係好味，冇諗過隔左十幾年間舖仲係度，裝修依舊，老闆仲係那個四眼叔叔。
當然價錢比起十年前加左唔少，但我都深明通漲嘅影響。
今次黎到叫左碗牛筋米粉，碗面一上，依舊係好香嘅牛味但又唔會太穌，一見到碗麵回憶返哂黎，先飲一飲啖湯底，同十年前一樣，都係用牛慢慢煮出黎嘅湯底，但個米粉就唔再係以前白雪雪比較硬身嘅米粉，變為較為半透明軟身少少係屋企會煮嘅米粉。
牛筋大約有5舊，軟硬適中嘅牛筋十分入味，每啖都有好香嘅腩汁味，再加入佢地自家嘅辣椒油！正！佢地嘅辣椒油係十分辣，我通常落一匙就已經夠，除左夠辣仲夠香，唔會係一味得陣辣味。
呢間店舖已經成為好多人嘅回憶亦都係好多中年男士嘅聚腳點，眼見佢地會大家各坐一檯，叫左23支啤酒食住牛雜睇住電視吹下水或睇下跑馬，開開心心咁就過一日，呢種咁有情懷嘅小店，依家賣少見少我地應該要更加珍惜。
冠華粥麵餐單提供粵菜, 廣東, 粉麵, 米線, 粥品等推介美食位於荃灣區，餐廳座位數未知人均消費約$50以下，結賬可以用現金，Booking訂位可以電話致電 24939681 查詢。
您對於荃灣餐廳「冠華粥麵」有何 comment？
冠華粥麵餐廳詳細資料：
- 冠華粥麵地址: 荃灣石圍角村石芳樓地下7號舖 Kun Wah Congee Noodle, Shop7, G/ F, Shek Fong House, Shek Wai Kok Estate, Tsuen Wan
- 冠華粥麵電話: 24939681
- 冠華粥麵價錢: $50以下
- 分類: 粵菜, 廣東, 粉麵, 米線, 粥品
- 座位: 未知
- 付款: 現金
- FB專頁: 冠華粥麵 Facebook
更多冠華粥麵相關資料:
香港餐廳2026推介8月