佳坊 荃灣

佳坊 評價 相片

😃E間嘢自從過年前開張果時試過之後就定時定侯都要嚟，原因係佢D小菜真係價錢平、碟頭大、夠鑊氣，勁惹味😋，近呢十年八年周圍食嘅經驗，佢嘅😍*椒鹽白飯魚*真係可以講得話係［四區之冠］，冠係冠絕荃、屯、元、天，所以一試就上癮，每隔一兩個星期就心掛掛，要出嚟止下咳先得🤤！而*小炒皇*就足料又大碟🤩，招牌*豬筒骨胡椒雞腳鍋*分量都唔小嘢，一鍋足夠三、四人食！連隨意叫一個鹹檸七都比佢嚇親！😱原來係用個幾有特色嘅方形玻璃樽載著🥳，幾靚之餘真係一D都唔隨意，個supersize都應該足夠二人享用😂！家陣咁嘅時勢又要好食、又要經濟、仲要食得安全，睇怕都非佢莫屬喇！我每次嚟都鍾意坐門口，戶外枱，空氣好D，開陽D，咁就唔怕呼吸都變吸毒(病毒)啦！😁

8個人去食，叫左個海鮮豬骨胡椒煲，好正，好足料，另外一個雞煲，啲雞都好味，唔太咸，又唔會得骨頭，再叫左啲小食椒鹽墨魚咀，咖哩黃金牛腩，芥末牛柳粒都好正，出面比較少機會食到。

由於大家都好肚餓，食到一半都覺得值得推介，所以食左先補返影相上黎share。

員工服務態度幾好，又會主動推介食物，另外為左8個人傾計方便，安排左個好舒適的房仔，夠曬私隱，可以高談闊論。

最後又啤酒汽水，人頭都係200頭，但食到超飽，下次會再食！

用openrice 咁耐都係第一次寫食評, 呢間野食過兩次，第一次係見新開咪同老公走入去試吓囉，兩條友叫左兩三碟野食，佢啲野食都幾新鮮又夠味🤪今次係同埋班fd 一齊食叫多好多款野食但有啲冇影相🙈，店員都好有禮貌，杯咸檸七好大杯好抵飲,個個fd都讚冇介紹錯，下次要再食👍👍👍

荃灣食肆林立，今晚路過荃灣三坡坊就比這間「佳坊」特色美食吸引左入去，咁就入鄉隨俗，融入大排檔的文化。

大排檔環境雖然草根，但勝在夠鑊氣、多花款。

如果想食鑊氣小炒或者整個火鍋爐暖暖身，一定唔可以錯過三坡坊嘅小店「佳坊」。

今次點左德國咸脆豬手、炸大腸、招牌手撕雞、乳豬海鮮豬骨煲、咸檸樂，樣樣野都大大份夠晒我地56個人食。

德國咸脆豬手師傅早一日已經醃好晒啲咸脆豬手，首先將豬手塗上調味料，再風乾一晚先夠入味。

咸脆豬手皮層脆卜卜，外表雖然睇上嚟略為乾身，但入口肉汁鎖住晒，肉質幼滑，肥而不膩。

炸大腸炸大腸最緊要洗得乾淨，佳坊嘅炸大腸完全合格。

賣相方面，小店棄用傳統一圈圈串起嘅方法，反而改用沿豬腸內壁直切，確保唔會隱藏污垢。

師傅話炸大腸最緊要有耐性，咁樣食落口先會有先爆脆後爆汁嘅口感。

招牌手撕雞師傅提前一晚用秘制醬油醃好風乾，輕輕炸乾後掛起放涼，直到上枱前一刻先起肉拆骨。

一般手撕雞都係油鹽浸再加麻油，這個手撕雞有點像燒雞，外皮金黄乾身，肉質细滑，完全無肥膩感。

乳豬海鮮豬骨煲熱辣辣脆卜卜乳豬+新鮮海鮮（蝦、蟹、花甲）+雞腳+蔬菜一煲大大煲，樣樣都有，加埋個胡椒豬骨湯底，一定食到飽，我比較大食，最後叫多個白飯，用靚湯底整番個湯飯。

大大杯咸檸可樂食到口乾乾，諗住整返杯嘢嚟飲下？呢個巨型玻璃樽嘅份量一定夠你飲！

荃灣的街坊有福了，上星期六和朋友慶祝生日，所以我試了這間新開的小店，竟然也有驚喜；我們先吃了兩款小吃，就是我最愛的椒鹽鴨舌及麻辣墨魚咀，這兩個小吃都很好味，然後才開始吃火鍋，我選了花甲蟹鍋配楜椒湯，鍋底內已經有蟹、蝦、蜆、花甲、粟米、紅蘿蔔及不同的菇類等多重食品，而且湯底十的鮮甜並有很楜椒香味，還有店裡其他火鍋食材都十分新鮮；包括鮮鵝腸、白鱔片、牛肉、牛栢葉、牛骨髓、潮汕牛丸、魚片頭、蟹籽墨魚滑、稻亭手打烏冬、自家製雙拼角、冰菜、金菇等等；而價錢絕對是很經濟的街坊價，值得大家一試🦀🦐🌽🍄🥕

佳坊餐單提供港式等推介美食位於荃灣區，餐廳座位數未知人均消費約$51-100，結賬可以用現金，Booking訂位可以電話致電 52999778 查詢。

您對於荃灣餐廳「佳坊」有何 comment？

佳坊餐廳詳細資料：

• 佳坊地址:
  荃灣三陂坊18號地下
  佳坊, G/ F,18 Sam Pei Square, Tsuen Wan
• 佳坊電話: 52999778
• 佳坊價錢: $51-100
• 分類: 港式
• 座位: 未知
• 付款: 現金
• FB專頁: 佳坊 Facebook

更多佳坊相關資料:

• 佳坊分店
• Youtube
• Facebook
• Twitter
• Google