你妳 荃灣

你妳 評價 相片

最近IG好多人洗版食你妳, 見到打卡幾靚又係黃色小店💛, 小妹當然唔會錯過, 襯今日放假去試下☺️! 餐廳12點開門, 12點幾已經見到勁多人等位, 好彩小妹半開前已經係門口排頭位🤣, 想食嘅朋友記得記得記得要早d排隊! 入到去播住周董嘅鋼琴版純音樂🎵, 令小妹非常興奮!! 除左有好多台灣地道野食同野飲之外, 餐廳仲有賣良知手作曲奇餅🍪, 顏色多而且仲有親切嘅🐷樣, 中意嘅朋友記得支持下!😉紫薯泥肉鬆吐司🍠🥪小妹其實係第一次試台灣嘅芋泥肉鬆吐司, 所以幾期待🤣! 我地點左紫薯泥口味, 麵包嘅表面有微微烘烤過, 所以口感微脆鬆軟, 紫薯泥唔算太甜, 口感順滑綿密唔漿口, 加埋咸咸香香嘅肉鬆, 味道幾特別, 層次感豐富!大魯肉飯本來想試下佢地嘅招牌你妳珍珠魯肉飯, 可惜要1點鐘先有, 所以我地叫左個大魯肉飯嚟試下, 份量幾多, 飯同魯肉比例剛剛好, 肉質半肥半瘦, 味道亦唔會太咸, 入面仲有吸左汁嘅豆卜絲, 非常惹味!梅甘地瓜條地瓜條熱辣辣炸得好香脆, 外層沾滿左梅味嘅調味粉, 咬落去地瓜味道甜美, 酸酸甜甜幾開胃!桂圓紅棗甜湯甜湯由紅棗同紅荳煮成, 味道清甜滋潤, 好岩女仕們! 內有三色芋圓, 包心芋圓同小丸子! 三色芋圓咬落煙韌軟糯, 仲有少少芋頭同蕃薯嘅粒粒, 甚有口感!包心芋圓同樣口感煙韌, 外型飽滿, 包住軟綿綿嘅芋泥, 兩個人share一碗, 份量岩岩好😋!

荃灣路德圍新開台式小餐館，粉色的格調， 充滿少女風的感覺， 人氣芋泥及紫薯吐司， 吸引了一班fans 慕名而來。

紫薯泥肉鬆吐司 + 精選炸物籃 +古早冬瓜茶(下午茶一號餐)$68 紫薯泥肉鬆吐司， 香脆厚身， 中間包著爆餡的迷人紫薯，填滿香酥肉鬆， 賣相吸引， 綿糯的紫薯， 啖啖天然甜香，與肉鬆配搭清甜，令人滿足。

炸物籃內裏的花枝丸、 蝦餅及蝦條， 即叫即炸，炸到金黃色， 件件紮實飽滿，香氣四溢， 令人垂涎， 口感鮮味和QQ彈牙， 沾上甜酸汁， 令人停不下來。

冬瓜茶清新解渴，不太甜， 消暑又解膩，滿滿台式風味。

小魯肉飯+台南鮮蝦捲拼炸澎湖花枝丸+古早味冬瓜茶( 下午茶2號餐)$62滷肉飯充滿古早味道的客飯， 先把滷肉飯拌匀滷肉汁一起吃， 油香十足，帶點甜味口感， 拌飯一流。

熱燙燙、脹卜卜的花枝丸及鮮蝦條， 爽口彈牙， 啖啖鮮味， 配上溏心蛋，味蕾大享受，十分滿足。

你你珍珠滷肉飯$36 你你珍珠滷肉飯，迷你size， 不一樣的滷肉飯， 發現飯裏面 沒有滷肉， 原來用鹵肉汁做成珍珠，新穎有趣的夠創意， 珍珠帶微甜口感， 配上金黃色蛋黃的流心蛋，及香酥的肉鬆，油潤甘香， 增添吸引 。

今日朋友放假，佢專登响樓下等我放工，然後一齊食飯。

既然咁有誠意，當然要奉陪到底。

朋友話好掛住台灣，好想食台灣嘢。

咁啱行過呢間舖，好似係新開㗎喎，以前未見過，咁我不如食呢間啦。

餐廳唔大唔細，裏面好非常光猛，環境都乾淨整齊，坐得都算舒服。

餐牌都有好多嘢揀，我哋就叫咗一個麵餐，一個飯，兩個小食同埋兩杯嘢飲。

小食係鹽酥雞，份量可以，嚟嘅時候剛剛炸起，仲係熱熱嘅，入口脆脆，ok喎。

另外一款小食係炸澎湖花枝丸，佢呢個仲熱過鹽酥雞，食落口仲係辣口，味道鹹鹹地，好彈牙，有口感，我就鍾意食呢個多啲。

呢個飯個名好特別，叫你你珍珠魯肉飯。

雖然佢係細細碗，但其實裏面嘅飯都幾多，啲飯係滿曬。

上面有青瓜絲，肉鬆，炸蒜，珍珠同埋流心蛋。

流心蛋做得幾好，好香蛋黃味。

原本無味嘅珍珠，配上咗魯肉汁，加埋炸得脆脆嘅蒜，鹹鹹地，整體味道好夾喎，真係有估唔到嘅驚喜。

朋友想食麵，佢叫左個藥膳排骨湯麵(手工麵條)。

嚟到嘅時候已經聞到好濃嘅藥膳味道，好重南棗味同埋杞子味。

雖然味道濃，但又唔會太鹹，而排骨就吸收左藥膳嘅湯，又淋又入味。

飲品我就叫左杯炭培烏龍珍珠奶茶，杯飲品都幾大杯，我叫咗少冰少甜。

茶入口有烘培嘅香味，甜度真係剛好，都幾好飲，飲完真係飽晒。

朋友嗰杯就係手作紫芋牛奶，佢都係叫咗少冰少甜。

佢話杯嘢真係少甜，底嗰度有一粒粒嘅芋頭，佢話芋頭好香，食落去都好好食，飲完後勁飽。

今晚Happy Friday跟同事收左工一齊食好西，突然想食台灣菜，經過見到呢間小店睇完menu好吸引，之後拎左飛等15分鐘就有位啦，都係先量體溫🤒️，搓完消毒液就安排左卡位比我地坐，店舖唔算太大，裝修都較簡約設計，類似台式小店既感覺！芋見紫薯吐司$45: 芋泥用上100%新鮮芋頭每天製作，加上剛烘過的吐司口感特別香脆，厚厚豐滿既芋泥蓉濃郁滑膩，配搭深淺紫薯，甜度適中，食完好飽肚好滿足。

你妳珍珠魯肉飯$36: 唔好睇佢迷你size細細碗咁，其實份量都幾多下，面頭有青瓜絲、肉鬆、蒜粒、白色珍珠、半隻滷水蛋同埋珍珠飯，魯肉味道適中，配合煙韌既珍珠口感好新穎特別，蒜粒又很脆口，所以入口較清新，果然是餐廳既獨特風格招牌菜！台式滷水豬頸肉乾伴麵$76: 半隻滷水蛋、豬頸肉都有好多塊，塊塊都唔好薄，肉質內嫩，香口惹味，再配埋乾伴麵，味道有少少微酸辣，但也可接受到，麵質滑口，易入口！套餐加$8有白桃綠茶，桃🍑味濃郁，唔會太甜，配埋綠茶絕配！冬瓜珍珠$26另加仙草$6: 冬瓜茶味道清香，微甜，加上彈牙既珍珠同埋滑嫩仙草，好飲！仙草3號$46: 甜品後上，壓軸登場，有三色芋圓、包餡芋圓、布丁、水晶，三色芋圓、包餡芋圓都很煙韌，口感煙韌Q彈軟糯，嚼得起勁之餘，又吃到天然的芋香、地瓜香，布丁🍮也很滑嫩，透明水晶也很有咬感，值得推薦的一道台式傳統甜品！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

荃灣好多嘢都好，就係衰在無咩台式食店！😏直到我遇上「你妳」，簡直係我呢個台菜控嘅救星！​呢間新開嘅粉紫色小店，位於南豐中心對面，位置好方便！人均約100，食物大大份，感覺都唔錯。

除咗有魯肉飯、牛肉麵、乾拌麵、鹽酥雞、炸花枝丸，仲有鐵板手作芋泥吐司及仙草糖水等！！簡直係一個台灣人氣美食嘅集合體，正正子！😝​▲「你妳」好似將台灣嘅所有小食集合埋一齊咁，好豐富！✦ 鹽酥雞花枝丸魯肉飯第一下見到呢個飯，真係比佢個份量嚇一嚇，佢哋收78，真係比返78嘅料人！炸花枝丸都有4粒，鹽酥雞都有一個拳頭咁多，仲有溫泉蛋及魯肉飯等等，真係好大份！至於味道，我會覺得偏濃，花枝丸微甜爽口，鹽酥雞唔乾柴，唯獨係魯肉飯，雖然夠香，但乾咗少少。

​✦ 士林香腸烤雞腿乾拌麵又係大份到爆，雞槌都有3個！仲有好多惹味嘅士林腸，感覺幾好食，但同魯肉飯一樣，個乾拌麵太乾，夾上嚟係一餅餅。

​✦ 肉鬆芋泥吐司佢個芋泥餡好香滑濃郁，抵讚！配埋個肉鬆，口感又滑又沙沙地，好味！​✦ 燙青菜 同台灣一樣，會加魯肉汁係上面，正常發揮，算係幾好味。

​✦ 炭培烏龍珍珠奶茶（跟餐）​奶同茶嘅比例幾好，夠香滑，略嫌珍珠唔夠 煙韌。

​✦ 蜂蜜綠茶（跟餐）​唔會好甜，幾清新，正正常常。

​✦ 仙草3號無諗到呢度嘅布丁係細細粒，用啫喱小布丁，感覺幾搞笑。

我覺得佢哋做個仙草幾清甜，無苦味，幾好。

芋圓則唔夠煙韌，好似烚太耐無過冷河咁，有少少扣分。

​▲「你妳」座位比較窄，唔算好好坐。

▲荃灣難得嘅台式小店，仲要夠晒正宗。

你妳餐單提供台灣菜, 台式飲品, 甜品, 糖水, 三文治等推介美食位於荃灣區，餐廳座位數23人均消費約$51-100，結賬可以用現金，Booking訂位可以電話致電 35946658 查詢。

您對於荃灣餐廳「你妳」有何 comment？

你妳餐廳詳細資料：

• 你妳地址:
  荃灣運通街6號運通洋樓地下K號舖
  You You, Shop K, G/ F, Winning Heights,6 Wun Tung Street, Tsuen Wan
• 你妳電話: 35946658
• 你妳價錢: $51-100
• 分類: 台灣菜, 台式飲品, 甜品, 糖水, 三文治
• 座位: 23
• 付款: 現金
• FB專頁: 你妳 Facebook

更多你妳相關資料:

• 你妳分店
• Youtube
• Facebook
• Twitter
• Google