Yau Veggie Bistro 荃灣

Yau Veggie Bistro 評價 相片

【💛游°YAU｜重「素」神級經典】「游°」與香港人一起經過這變幻時代，兜兜轉轉，2023年重返發跡地南豐紗廠，狀態大勇！堪稱神級素菜Fine Dining游°食物不容置疑，團隊繼續創作，重建素菜新形象，今餐我嘅食肉獸朋友都表示很滿意😎🦢香煎鵝肝配焦糖蘋果鵝肝口感香滑，堅果加上獨家秘技，創意滿分！不愧為Yau’s signature dish! 由蘋果代替無花果，更具夏日感覺。

🦢法式紙包魚紙袋親手打開好玩又好味，甜甜酸酸清新味道由紙袋中撲出。

魚肉幾可亂真，用上檸檬片、紫洋蔥、黑水欖等配菜焗製，美味非常。

蕃茄都起碼用上兩款，心思之作！🦢英國牛腰批酥皮記得浸浸在湯中進食，紅蘿蔔、菇粒、素牛各具特色。

素牛肉外表似足真實牛粒，但素牛入口肉質較淋，菇菌類吸收晒整體湯汁，蘿蔔又能中和香料衝擊，食材配出層次。

呢款牛腰批更是某藝人與才子必點之一。

🦢提拉米蘇無蛋奶素甜品，由植物奶打成忌廉配以獨製腰果蓉再加入少少酒而成。

都幾厚身，要留定肚先食到！🦢紅酒燴啤梨酸甜清新全無苦澀味道，汁都撈埋乃正常現象。

留意，晚市座無虛席，訂位是必須💛游° Yau Veggie Bistro📍荃灣南豐紗廠118號舖📱6899 0989 Whatsapp訂座

真漢子今日第一次食 Yau Veggie Bistro，亦係第一次嚟荃灣嘅南豐紗廠，原來佢就响愉景新城對面，冇我想像中咁難搵。

😎餐廳裝修好簡約，冇多餘嘅打卡裝飾，比較低調，可能因為咁比同層較花巧嘅餐廳比冇咁爆棚，當然相信同餐廳只供應素食都有一定嘅關係啦。

🥦餐牌上有蛋奶素或純素選擇，會列明邊啲可轉純素或走五辛。

佢哋最近新增咗 set lunch，12:30 pm 3 pm 供應，2 courses $158，3 courses $188，啱我呢啲一個人找素嘅人嚟食。

可惜四個餐有兩款賣哂，得返洛林鹹批同多菲內焗薯千層。

🥲我叫咗 3 courses：Starter:🥗 Salade Niçoise 尼斯沙律Main:🥧 Quiche Lorraine 洛林鹹批Vegan dessert:🍰 Tarte au citron 經典檸檬撻包一杯飲品係 lce Tea Péche 蜜桃冰茶。

🍸由於除咗 Delifrance 之外好少食法國菜，唔知正唔正宗，但我覺得啲嘢食都算好味嘅，不過份量比較少，之前見人 post 嘅 Cassoulet 卡蘇菜砂鍋 似乎份量多啲。

😋個批唔好比個名誤導，其實唔咸，有啲似食緊蒸水蛋（冇蛋，果啲係豆腐嚟），咁啱入面有啲菇，我諗起細個屋企蒸水蛋又係好鍾意放啲冬菇落去。

☺️杯蜜桃冰茶比較淡，但起碼冇過甜都係好事😅。

反而檸檬撻係最驚喜的，因為檸檬味強勁，冇錯係比較酸，但酸得嚟好味，好過溫溫吞吞唔湯唔水咁。

如果下次再嚟食都想 encore。

🍋我估唔到南豐紗廠超多人帶狗嚟，手中冇狗嘅我好似變咗異類 👽，所以有毛孩嘅你哋不妨帶佢哋嚟玩吓，好熱鬧㗎，可以識到好多 friends（當然打交嘅都好多 😂）。

注意餐廳入面唔可以帶寵物入去，但坐門外嘅枱就可以的。

🐶🐾

荃灣南豐紗廠高質素食餐廳🍽️New Restaurant Alert 🚨✨今次介紹嘅呢間素食餐廳本身位於西環 近日搬番荃灣南豐紗廠 真係好開心😍 店內復古嘅裝修好靚 好岩影相 而且環境好寬敞 大約有10張枱🥰 仲要偷聽到店主、店員講 原來店內所有畫、牆壁裝修等都係佢地親自整 太勁了👍🏻 成間舖氣氛好好 好似去左法國嘅餐廳❤️.佢最出名係鵝肝 有4款選擇 價錢$168188不等😋 其他前菜例如有沙律、牛肉他他等 價錢$98$238不等👍🏻 主食有焗飯、紙包魚 甚至威靈頓牛柳 價錢$168$488不等😍 甜品方面有6款選擇🥰 整體價錢雖然唔平 但質素、份量、擺盤絕對對得起個價錢❤️🔹香煎鵝肝配焦糖蘋果🦢推介❤️ 鵝肝係佢地嘅招牌菜（成間舖嘅裝修都會見到好多鵝）一定要試下😋 望落同普通鵝肝完全冇分別 仲要係Fine Dining嘅擺盤😍 佢嘅係由菇、堅果、果仁、綠豆等製成 做到鵝肝滑mousse嘅口感 只係少左鵝肝嘅腥羶味👍🏻 最欣賞係佢嘅焦糖蘋果 焦糖味好香 但唔會過甜 周邊嘅醬同樣好食🥰🔹希臘茄子千層🍆用茄子代替傳統千層麵 加左Impossible Meat & OmniPork代替傳統肉😋 茄子千層好出色 索哂味 食落反而唔覺食緊茄子🤪 上層仲有一層厚厚嘅Parmesan Cheese 好濃味、好香🥰🔹葡式焗鴨飯🦆推介❤️ 又一道好驚喜嘅主食😍 用左素鴨肉去做 中間透明嘅偽脂肪原來係蒟蒻 真係估佢唔到😋 整體份量十足 中間有大量素鴨肉 足夠兩個人share食👍🏻 味道好香 個飯夠乾身 但唔算太濃味🥰.整體✨ 店內復古嘅裝修好靚 好岩影相 而且環境好寬敞 好似去左法國嘅餐廳🥰 特別欣賞店內外所有裝修、畫都係由店主、店員親自去整 好有才華😍 食物超高質 而且份量好多 擺盤同Fine Dining一樣😋 食到一半已經忍唔住講一定要再黎❤️Yau Veggie Bistro (荃灣)荃灣白田壩街45號南豐紗廠1樓118號舖

𝕐𝕒𝕦 𝕍𝕖𝕘𝕘𝕚𝕖 𝔹𝕚𝕤𝕥𝕣𝕠~~~~~~~~~~~~~~~~~~~~~最近試過呢間素食餐廳實在太正，製作非常之有heart，所以我覺得應該推廣更多素食文化就以素食餐廳開始啦🥦🥬🥒🍅🥕🌽🥑由石塘咀搬咗過嚟the mills之後,新鋪裝修非常之有格調，餐廳選曲同菜式亦非常之有歐洲vibes，以下係當日點嘅菜式，有🌟為必點推介𝟙. 普羅旺斯燉菜$𝟙𝟝𝟠ℝ𝕒𝕥𝕒𝕥𝕠𝕦𝕚𝕝𝕝𝕖 𝕒 𝕝𝕒 ℝ𝕖𝕞𝕪賣相💯個汁令到本身唔係好食sweet pepper同某D瓜嘅我都會食𝟚. 🌟煙熏三文魚牛油果他他$𝟚𝟛𝟠𝕊𝕞𝕠𝕜𝕖𝕕 𝕊𝕒𝕝𝕞𝕠𝕟 𝕟 𝔸𝕧𝕠𝕔𝕒𝕕𝕠 𝕋𝕒𝕣𝕥𝕒𝕣𝕖煙熏味好出，而且做得出”三文魚”嘅口感𝟛. 🌟香煎鵝肝配焦糖蘋果$𝟙𝟞𝟠𝔽𝕠𝕚𝕖 𝔾𝕣𝕒𝕤 𝕊𝕒𝕦𝕥𝕖 𝕨 ℂ𝕒𝕣𝕒𝕞𝕖𝕝𝕚𝕫𝕖𝕕 𝔸𝕡𝕡𝕝𝕖呢一味係個人極力推介，我覺得好食過真嘅鵝肝，呢個素食鵝肝做得出個質感之餘亦唔會覺得好肥膩，煎得非常之香之餘，同焦糖蘋果亦非常之夾，可以用驚豔來形容，而且我哋試完呢碟亦即席再問有冇得encore，結果就order 咗下一個素鵝肝冷盤。

𝟜. 🌟鵝肝凍配玫瑰荔枝果醬$𝟙𝟠𝟠𝔽𝕠𝕚𝕖 𝔾𝕣𝕒𝕤 𝕋𝕖𝕣𝕣𝕚𝕟𝕖 𝕨 𝕊𝕒𝕦𝕥𝕖𝕣𝕟𝕖𝕤 𝔾𝕣𝕒𝕡𝕖𝕤 個果醬做得好香配麵包一流𝟝. 🌟法式紙包魚 $𝟚𝟞𝟠ℙ𝕠𝕚𝕤𝕤𝕠𝕟 𝕖𝕟 ℙ𝕒𝕡𝕚𝕝𝕝𝕠𝕥𝕖 另一心機之作! 個汁做得好香,素魚嘅質感亦非常之好𝟞. 🌟威靈頓牛柳$𝟜𝟠𝟠𝔹𝕖𝕖𝕗 𝕎𝕖𝕝𝕝𝕚𝕟𝕘𝕥𝕠𝕟主打之一，亦係我計鵝肝之後又一力推👍🏻𝟟. 羅馬烤羊架$𝟚𝟞𝟠𝔸𝕓𝕓𝕒𝕔𝕔𝕙𝕚𝕠 𝕒 𝕤𝕔𝕠𝕥𝕥𝕒𝕕𝕚𝕥𝕠真係有羊嘅臊味，但個人覺得肉質偏乾，唔夠另外兩款主菜Juicy𝟠. 🌟法式千層酥 $𝟡𝟠𝕄𝕚𝕝𝕝𝕖 𝔽𝕖𝕦𝕚𝕝𝕝𝕖 唔會太甜太油膩

等左幾個月, YAU VEGGIE終於喺南豐紗廠重開, 立即要去支持吓. 今次試左馬介休球, 鹹香味好得. 齊米諾魷魚 ‘魷魚’ 好彈牙, 下面既菠菜好嫩, 個汁好好食. 博洛尼亞寛扁面 肉醬份量好夠, 味道好香濃. 葡式焗鴨飯 舊鋪成日都叫既菜式之一, 面既飯好香脆, 下面既有油香, 好正. 法式紙包魚 必食菜式, 好入味, 個汁每次都想飲晒咁滯 😂YAU VEGGIE係我覺得全港最高質既素食小店, 有純素無五辛選擇，所有菜式記得盡量提前預訂.

Yau Veggie Bistro餐單提供西式, 素食等推介美食位於荃灣區，餐廳座位數未知人均消費約$201-400，結賬可以用現金，Booking訂位可以電話致電 68990989 查詢。

您對於荃灣餐廳「Yau Veggie Bistro」有何 comment？

Yau Veggie Bistro餐廳詳細資料：

• Yau Veggie Bistro地址:
  荃灣白田壩街45號南豐紗廠1樓118號舖
  Yau Veggie Bistro, Shop118,1/ F, The Mills,45 Pak Tin Par Street, Tsuen Wan
• Yau Veggie Bistro電話: 68990989
• Yau Veggie Bistro價錢: $201-400
• 分類: 西式, 素食
• 座位: 未知
• 付款: 現金
• FB專頁: Yau Veggie Bistro Facebook

更多Yau Veggie Bistro相關資料:

• Yau Veggie Bistro分店
• Youtube
• Facebook
• Twitter
• Google