Panash 荃灣

Panash 評價 相片

        當天咁岩係9折日,所以買左不少麵包當下午茶來吃~朱古力紐紋棒那種甜味不只是朱古力咁簡單,仲有蜜糖,蔗糖的甜味!YUMMY!但食落又唔會好甜~麵包軟熟的~個麵包外皮微脆的~而麵包面上的朱古力凝結為固體~鄉村軟麵包本身很喜歡吃這款軟林林的包~共8片.很厚身~有少許鮮奶的香味,很不錯~但就無A1麵包果種煙煙「UNUN」的口感~杏仁酥皮條第一次買呢款麵包,白古力部份就略為甜,而杏仁焗到脆卜卜,特登揀個多D杏仁O既呢 真係好正架~麵包脆脆的口感,很好吃呢~~雙色軟包DOUBLE TASTE發現全部這款麵包的到期日也是明天,不過又想食,所以照買1包快快口食左佢,而咖啡味都幾濃香~又唔會有很大的苦味,軟軟的~麵包面頭有少許細細粒甜甜的東西很好吃~

好開心荃灣廣場開了這間麵包店, 此間麵包店的麵包美味之餘又新鮮牛角酥鬆脆大個, 一咬就知係用了好多牛油, 真材實料朱古力扭紋甜甜地, 配上d 朱古力醬, 好match腸仔包條腸仔個皮好脆, 配上鬆軟的麵包, 又是美味細味軟包是4個裝, 食落去甜甜地, 最緊要係好鬆軟, 做breakfast 一流現在我Sat, Sun 都會買朱古力扭紋來食, 支持Panash !

來到荃灣不太想吃太多，去了panash買包食。

可能是非繁忙時段，啲包已經放涼了。

薯蓉包，包身有點硬，上面放滿薯蓉，有牛油同香草焗過，好香口，可是有點過鹹，如果熱食同配碗餐湯就一流。

炸日式薯餅漢堡包，又係凍左所以炸物過了氣，不過唔油，配上生菜同沙律醬好好味，芝麻包好香口，唔錯。

十幾蚊個包，細細個，似乎略貴了點。

此處的包未至於一試難忘，只能稱上不過不失，未到非吃不可。

今日難得出去荃灣, 經過Panash, 比佢啲麵包香味吸引住, 於是就買左兩個包食, 食完之後發現真係好好味！！Panash 既麵包望落下個個都好靚, 好可愛！女仔見到驚呼「好得意」！我買左一個朱古功鬆餅, 睇落已經好似好好食咁。

但係通常啲外觀靚都會太好食, 所以其實我冇抱太大既期望。

但係佢唔止無令到我失望, 反而仲令我覺得驚喜！呢個鬆餅真係好！好！味！佢既口感好好, 鬆中帶點軟, 朱古力味啱啱好, 真係又靚又好味！不過價錢有啲貴, 好似都要$8, 但係我覺得佢既味道, 呢個價錢算抵！可能我食過既鬆餅唔多, 所以compare唔到, 但係呢個都算好味！我同個friend share 黎食, 佢都覺得味道好。

我買既第二個包係咖喱包(佢個名我唔記得啦, 反正就係一款有咖喱餡料既包~), 佢既味道都出乎我意料地好食。

由於真係冇料到佢會咁好食, 所以無影到相就食左, 而且佢好順口, 所以我會忍唔住一口接一口咁就食晒啦！可惜.. 咬第一口已經見到入邊既咖喱餡, 佢唔似得有啲鋪, 包入面既餡料放得幾少就幾少, 呢個包入面係有多餡料！當然, 佢既餡料並唔會過多, 配埋佢出面既包黎食真係好好味。

我本身以為個包會吸左啲咖喱而會變到軟晒而無口感, 但係個包並無受到咖喱既影響, 口感依然好好。

咖喱有啲微辣, 好香。

重點係, 個包放涼左都好好食！我相信佢趁熱食一定會更加好味。

呢個包好似$7, 都有少少貴。

另外我個friend買左個朱古力冬甩, 佢覺得好好味！但係我冇食到所以形容唔到味道, 但據佢講既, 味道唔會太甜, 朱古力帶少少苦味又唔係一味苦澀。

總括黎講, Panash既包真係唔錯！！

一早來到荃灣工作, 時間緊迫唯有到店內買一個麵包邊行邊食.最愛此店既合桃忌廉芝士包, 中間既CREAM CHEESE夠多加上外層有少少砂糖面又有合桃肉, 帶少少甜甜地, 這款包又唔會係鬆軟有少少似SCONE既口感, 所以食一個都已經好滿足.

Panash餐單提供西式, 麵包店等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「Panash」有何 comment？

Panash餐廳詳細資料：

• Panash地址:
  荃灣大壩街4-30號荃灣廣場2樓259-260號舖
  Panash, Shop259-260,2/ F, Tsuen Wan Plaza,, Tsuen Wan
• Panash電話:  
• Panash價錢: $50以下
• 分類: 西式, 麵包店
• 座位: 未知
• 付款: 現金
• FB專頁: Panash Facebook

更多Panash相關資料:

• Panash分店
• Youtube
• Facebook
• Twitter
• Google