Neway Karaoke Box 荃灣

Neway Karaoke Box 評價 相片

本身我同朋友2個入房,512房,真係非常之細,看電視的距離實在幾近,加上呢間房真係好迫,只可容納2人…再加2個朋友後,可轉6/F的房,職員幫我地扲食物及飲料過6/F,可惜整個「已選歌曲」的list抄錯了別人房間的list俾我地… 所以我地唯有重新點選自己想唱的歌…mic夠電,好少發出WE WE聲的情況, 星期日k lunch學生價$58日式牛肉丼飯(用飯碗盛)及牛肉分開上,飯真係好大碗,飯粒無咩特別,起碼唔會硬巴巴的情況,屬一般質素! 牛肉有好多片,另有很多洋蔥及韭菜,很不錯的配料!洋蔥新鮮~牛肉有肥有瘦,唔會韌到咬唔開~質素還可以的~約11:48am開始唱,唱到3pm左右,尚算抵唱,本身話唱到2:30pm only, 2:30pm叫我地埋單~但當我地找完錢之後3pm便即cut歌,看來無人等位,但唱得盡興的 不論經理或普通女職員(不斷上菜的職員,眼見只有呢1個而已)的service還可以

回想起我S.6 時, 那位女孩捉着我隻手, 對我說去唱la, 去唱la, 我就首次去了荃灣Neway 唱Happy Hour, 一唱就愛上唱K 了, 現在於sem break 我都成日約朋友唱K ~荃灣Neway 有2層, 5/F 及6/F, 接待處位於5/F, 近來去食Klunch, 食物質素每況愈下, 令我十分失望!3/1/2013個茄汁非常香濃, 調教得相當不錯, 醒胃之餘, 汁同熱度亦足夠;可惜的是, 個豬柳好咸, 不知是咩豬柳來, 在側邊有層不知是咩皮, 大減食慾, 好唔掂!19/1/201316/2/2013荃灣Neway 的雞皇焗飯真是做得好出色, 拍得住出面d 西餐廳 白汁夠味, 葡汁略為偏甜, 兩個汁均惹人好感, 加上汁又足夠, 新鮮熱辣辣焗出來; d 雞又大塊, 無咩雞皮, 葡汁雞皇焗飯更加了芝士, 有水準!15/6/2013白汁較淡, 焗也過了火, 黑色一點點, 大大減低賣相!海皇是蜆肉及蝦, 好少份量, d 蝦仲要食落有沙的, 完全是洗不乾淨,d 蜆肉及蝦1d 都不鮮, 近乎淡而無味 ……30/6/20131. 個豬柳同之前講的一樣, 好咸, 在側邊有層不知是咩皮, 煙到有不少炭灰在豬柳上, 賣相完全唔得, 好似學校飯堂的飯餐咁, 好唔掂  2. 個汁更是完全貨不對辦, 蒜蓉汁各位都會預期一食落去有蒜蓉味; 但呢度個汁是完全無味, 放一球蒜蓉在d 無味的汁上面就當是蒜蓉味, 完全是貨不對辦! 3. 汁少到喊出來, 熱度又不足, 完全是不合格! Environment 算ok, 但K房d 枱有時都好dirty;Service 算是可以;雞皇焗飯好正, 但海皇飯同煙豬柳扒飯是唔掂, 平衡之下, 仍勉強可以俾個OK, 希望之後有所改善!

對上黎依間已經係一年前啦!裝修都係殘舊咁窄!服務都係咁一般!每位$200有buffet仲可以唱3個鐘都ok! 我主要係黎唱k所以我從來對K buffet唔會抱任何期望!因為去過好多間都唔好味到唔識講!感覺上好似求其整左d野食比你就ok咁!專心唱歌所以無影食物相!不過螢光幕顯示左Sita Chan唱歌的相片!所以提醒左我點一點佢既歌掛念下佢!可能不抱有何期望下今次K buffet都勉強可以接受!熱食方面:好味:講好味一樣都無一般:串燒、番茄唔知釀咩東東、菇類、香腸紅腸、雞翼、火腿、:蝦丸唔好味:麻辣雞刺身:好味:三文魚(幾鮮美好肥美好意外)一般:甜蝦、螺肉、味符八爪魚(得幾條八爪魚鬚碎濕濕，無身，勁多醬汁，究竟係食醬汁定係八爪魚鬚??)唔好味:芥辣八爪魚唔好食唔鮮凍食:好味:一樣都無一般:忌廉蛋糕(真係好多忌廉，但忌廉味一般，蛋糕質感都一般)、蛋糕仔(似出面買的，好普通)、焦糖燉蛋唔好味:全部貝殼類(多沙唔鮮)、青瓜湯類:好味:一樣都無一般:豬骨湯(得依隻湯，幾味精下，好過無啦)唔好味:碗仔翅最後竟然可以唱多四十五分鐘!

尋日(5112012 Mon)冇返工o係屋企睇住大哥,不過男友同大嫂都放假,知道大嫂要幫大哥買o野過o黎,所以我幫完大哥買lunch之後,我就同男友去唱卡拉OK兼食o野.我o地大約1:45pm到o黎,原來Happy Hour收費係$79.00一位,包兩杯o野飲,可以唱到8:00pm,真係超值,而o野食就要到2:00pm至有o野食,咁我o地唱住先,之後到2:15pm叫茶餐,原來茶餐又要到2:30pm至可以叫.咁又等啦.終於夠鐘order,order完都好快o黎,我o地叫o左$65.00有5樣o野食:1 .蒜香三文魚炒飯都唔算太細碟,三文魚炒到太乾身,冇乜三文魚味,而蒜香呢?食唔到乜滯啊.2. 泰式肥牛湯濛粉見有幾隻辣椒以為好辣,但原來一啲都唔辣,我嗅到啖湯有美極味,但飲落係冇乜味o既,都幾差.似瀨粉o既濛粉唔太腍,而得幾片o既肥牛我就冇食到,因為男友係未食o野,主要係畀佢食.3. 香炸咖哩角拼春卷(各3件)我先食咖哩角,冇乜咖哩味,內裡都好似冇乜肉,一般.而春卷裡面僅有o既餡似係蘿蔔多啲,味道亦一樣係淡淡的.4. 香炸一口餃子(5粒)上面淋有燒汁, 餃子係來貨,內裡只係豬肉餡,味道正常.5. 巧克力多士呢個要等,o黎到喇,上面唧o左啲朱古力漿,切開睇,多士入面都有層朱古力漿,好期待啊.食吓先,朱古力味唔多夠兼唔夠甜,什至有啲位係冇朱古力漿,麻麻.飲品方面,男友o個兩杯都係凍檸茶,我就要fruit punch同一支水.我o既fruit punch味道偏哽啲,唔係幾得.而男友o既凍檸茶茶味夠,算唔錯.其實都預o左呢o度唔係主打食o野,所以都唔須要有高要求.

若非損友提起，自己早已忘記了這一天，約了來唱K，說是慶祝其實聚舊意義更大。

一系列懷舊金曲，連「奴隸獸」都出動埋，才發覺原來已不再熱忱K Lunch的歲月，唱到累，叫了椒鹽脆脆試試，原來不過是將粟米片放入高速爐炸之雞肋，不吃亦非損失。

就這樣唱過了十六個年頭，謝謝損友的安排，來年如仍有這一天，不如打牌？笑面，是送給損友的。

Neway Karaoke Box餐單提供港式, 卡拉OK等推介美食位於荃灣區，餐廳座位數200人均消費約$51-100，結賬可以用Visa,Master,現金,AE,銀聯,JCB,Apple,Pay。

您對於荃灣餐廳「Neway Karaoke Box」有何 comment？

Neway Karaoke Box餐廳詳細資料：

• Neway Karaoke Box地址:
  荃灣眾安街55號英皇娛樂廣場5-6樓
  Neway Karaoke Box, 5/ F-6/ F, Emperor Plaza,, Tsuen Wan
• Neway Karaoke Box電話:  
• Neway Karaoke Box價錢: $51-100
• 分類: 港式, 卡拉OK
• 座位: 200
• 付款: Visa,Master,現金,AE,銀聯,JCB,Apple,Pay
• FB專頁: Neway Karaoke Box Facebook

更多Neway Karaoke Box相關資料:

• Neway Karaoke Box分店
• Youtube
• Facebook
• Twitter
• Google