Feather & Bone 荃灣

Feather & Bone 評價 相片

好多朋友吃過荃灣的Feather & Bone也有不錯評價，尤其户外用餐區環境聽說很不俗，趁著這天不太熱便去一嚐戶外假日午餐！店子入口是販賣區內裡有著各式蔬菜、芝士、肉類、調味料等出售，愛弄西餐的朋友可在此尋寶呢！ 往前走便是室內用餐區中間附設開放式酒吧，這陳設絕對有鬼佬吧的感覺！ 而我們則選擇在戶外享用這頓午餐，須然天色有點陰暗但餐桌大多有太陽傘就算下雨也不用太擔心！ 其實好想坐吊椅的位置可惜已坐滿了人，剛巧有客人走時但又已經開始下毛毛雨所以亦沒法轉坐！唯有望著帶點淒美的下雨海景午餐吧！ 午餐餐牌選擇也有不少我們各自選了心水的食物，之後欣賞著週遭美景之餘等待美食臨。

車爸爸選了全英式早餐＄148，內裡包括有煎蛋、英式早餐腸、煙肉、焗豆、磨菇、薯餅及酸種麵包，好豐富的英式早餐而且整體味道也教人滿意。

酸種麵包被蛋汁滋潤過口感更強還添上一份蛋香，英式早餐腸、煙肉味道屬正常，而焗豆則是自家製好好吃非一般罐頭貨可比媲，另外磨菇菌香十分濃郁質素很高，唯獨薯餅就不夠薯香和脆口了！而我則選了邪惡的黑松露芝士通心粉、香草沙律＄148，一上檯真的有點眼突因為實在好大份啊~ 通粉會附上一份香草沙律內裡由多款的雜香草混合而成，簡單配橄欖油和檸檬汁便足以令我一吃傾情！ 黑松露芝士通心粉以黑松露蛋黃醬加上香氣撲鼻的煙燻芝士來焗製，吃下通心粉口感煙韌味道鹹香好滋味喔！可惜真係好大份無奈要吃剩少許未能清碗！ 走時發現門口有兩架BB購物車真係好可愛，大唔透的我更忍不住要影張相先肯走呢哈哈.......

今次帶大家黎到荃灣愛海頌地下呢間Feather & Bone，佢係港島區已經有幾間分店，但我揀呢間係有戶外環境，特別適合帶小朋友或者狗仔嘅人。

入到鋪頭，先發現有一間Tap coffee 可以外買咖啡花茶，除此以外亦都係一間小型商店，有新鮮蔬果，食品雜貨購買，擺設精緻。

再步入餐廳，發現兩旁有好多肉櫃，依度除咗係一間小型超市仲係一個凍肉店。

入到餐廳，裝修走簡約時尚風，牆上沒有過多刻意嘅修飾，就連施工期間嘅標誌，記號都仲仍然喺牆上，但餐廳中心嘅小酒吧，設計得相當精緻，相當有型格。

我係俾一份all day breakfast 吸引黎！因為佢配以血腸同一條大大嘅牛骨髓相當吸引！但侍應哥哥話轉咗menu，但亦有近似嘅course，但冇咗血腸，嗚嗚......都好啦！我就係叫咗，roasted bone marrow，佢配果個bacon marmalade 果個醬個味好得意，好似細個食牛仔片果個味㗎再加嘀洋蔥配埋多士食！好正呀！不過呢食得多開始會漏，咁食佢個沙律啦！係番茜，酸瓜加蘿蔔，再加上大量橄欖油，食緊嗰陣時個腦入邊係咁諗起Jimmy Oliver，佢最鍾意叫人落多嘀橄欖油之後當然到個扒啦！佢呢度係你自己親自去肉櫃揀自己想食嘅牛扒，西冷，肉眼都係有草飼，你可以叫嗰度嘅同事介紹牛扒俾你，挑選完之後佢會問你要嘅成熟度，要嘀咩晒汁同伴碟，我就要咗肉眼扒，要Medium rare 加薯條，就返去坐定定等啦！當牛扒黎到，燒得好靚，啱啱好，不過就有嘀根，但個牛肉質好淋，又夠牛味！咁大塊牛你估下幾錢？300蚊咋！！性價比相當高！不過溫馨提示大家：我曾經星期五嚟過，因為呢度開咗激安之殿堂，同埋近海邊，多咗人去郊遊，如果你要黎依度，揸車最好係平日，假日你係完全睇唔到隊尾，如果真係好想食，我提議或者你可以去其他分店，會相對比較容易泊車。

由第一次試過呢度嘅Dry Aged Wagyu 就一直都想返黎再食。

因為某啲原因嘅關係我要食全熟，本來對全熟嘅牛扒冇乜嘢期望，但係出到黎係非常出奇地咁好食，連我老公都係咁講😋 Dry age嘅牛排相比起其他普通牛扒係貴啲，要$162.8/ 100gram。

我通常都食大概250至300 gram嘅, 所以淨係塊牛扒都要成五百蚊,我覺得因為唔係好多餐廳有得食dry age所以都冇乜所謂，但係試完我覺得值！油脂分佈得太好，淡淡都有牛油香味，出邊煎到燶燶哋又有少少脆口，真係好正👍🏻 差唔多試晒佢嘅sauce, 我覺得 Diane 係最好味嘅。

當晚仲有另外叫mussels，羊架同豬扒, sides 揀左薯蓉同粟米，Add on 加左bone marrow。

羊架同豬扒好失色，太太太乾了.......Mussels 就正正常常冇咩特別Bone marrow $68太低了，每次都會叫，不過口味好過個人，有人會覺得好肥膩，間唔中食OK啦😂

荃灣分店，戶外坐位可飽覽荃灣海濱的景色，但熱浪迫人還是在室內嘆冷氣吧。

Egg Benedict with pork belly + cappuccino 同一款式，灣仔店質素較好麵包底部過火有點燒焦味，但整體還算不錯。

呢間餐廳好奇怪，係門口經過唔知係餐廳，以為係賣食物，一行入去有好多西式既料理、芝士、hem、牛扒.....扒類你可買走亦可點完即煮，好似外國噤，裝修都好靚，全部waiter 都係講英文，唔知以為係灣仔食緊野。

✨燒五花煵卷呢個好得意，五花腩入面再卷左層肉碎，配埋個蘋果將醬同酸菜，好夾✨ Caesar salad好大盤，第一次見caesar salad 除左雞肉再加埋一片腩肉✨蒜蓉包配芝士醬風乾肉得3件好似少左d✨炸芝士條入面似係洋蔥蓉，有d 油膩

Feather & Bone餐單提供西式, 扒房等推介美食位於荃灣區，餐廳座位數144人均消費約$201-400，結賬可以用Visa,Master,現金，Booking訂位可以電話致電 26188160 查詢。

您對於荃灣餐廳「Feather & Bone」有何 comment？

Feather & Bone餐廳詳細資料：

• Feather & Bone地址:
  荃灣大河道100號海之戀商場地下G09號舖
  Feather & Bone, Shop G09, G/ F, O P Mall,100 Tai Ho Road, Tsuen Wan
• Feather & Bone電話: 26188160
• Feather & Bone價錢: $201-400
• 分類: 西式, 扒房
• 座位: 144
• 付款: Visa,Master,現金
• FB專頁: Feather & Bone Facebook

更多Feather & Bone相關資料:

• Feather & Bone分店
• Youtube
• Facebook
• Twitter
• Google