Fat Angelo's 荃灣

Fat Angelo's 評價 相片

同屋企人weekend食飯，出到荃灣，想食西餐，於是去左悅來坊既Fat Angelo's首先不得不提個湯，好creamy,好多菇搞碎而成，好足料，每一啖都好重菇味，不過個湯稍微濃左，有d 似汁 龍蝦茄汁天使面，龍蝦難得好多肉簡直係淡淡肉，再加埋好有彈性既天使面簡直係絕配，比我expect好食Blueberry Cheese Cake, ，好重cheese 味，好好食

雖然小弟一向都偏向鍾意試新嘢，但對有啲食肆都有少少偏愛，間唔時都會返兜，Fat Angelo’s喺其中一家，皆因其大眾化價錢，但又算喺質、量兼備，正所謂大件夾抵食。

5月初突然話全線結業，實在好可惜，依一篇「過氣」食文，當喺為佢悼念一下。

其實，未結業前，都有幾多人幫襯佢，就以今次星期六午餐時間為例，都近乎「全院滿座」，又好多一家大細嚟食。

講環境，比起好多中檔次西餐廳唔輸蝕，紅磚牆，紅枱布，甚有意大利家庭式小店古雅風格。

午餐分3個價位：Lunch Combos $88：包新鮮麵包、田園沙律、餐飲可揀一般啡茶、汽水，主菜就較為大路嘅薄餅、意粉。

Executive Set Lunch $148：包新鮮麵包、田園沙律、意式雜菜湯、餐飲可揀優質咖啡、紅茶、汽水，一客意式雪糕，主菜會特別少少，如紐西蘭西冷扒、迷迭香燒雞、燒美國豬肋骨。

The Directors Table $198：下面再詳述，所有午餐都另收加一服務費。

The Directors Table今次豪少少請老婆食晏，就喺揀依個「董事午餐」。

$198包啲乜？包新鮮麵包、餐飲可揀啤酒、餐酒、添加汽水、優質咖啡、紅茶，再加埋意式風味冷盤沙律，蟹肉濃湯，高級別主菜3揀1，甜品4選1，稍後介紹埋有咩主菜、甜品可揀，你就會認為個餐超晒值。

麵包籃貴為中檔次嘅美式意大利餐廳，麵包籃唔會咁港式一兩片蒜蓉包，或一兩個餐包仔，兩大個農夫包，煙韌實在，沾黑醋、橄欖油，簡單好食。

蟹肉濃湯 橙紅嘅濃湯，果然濃郁，裡面真喺有少少蟹肉，絕無欺場，只喺有啲啲鹹，否則就完美喇。

意式風味冷盤沙律 初時見佢個名「意式風味」覺得好虛，何謂意式風味？個冷盤沙律一上枱，完全明晒，沙樂美腸、巴馬火腿、羊奶芝士粒、黑橄欖、青橄欖、大茴香片，加少少沙律菜，真喺非一般午餐田園沙律。

較鹹嘅沙樂美腸捲住沙律菜食，味道一流，柔軟中有爽脆，鹹味中有清甜，而火腿又油潤鹹香，真喺一道有睇頭，又豐富嘅沙律。

主菜定明3揀1，分別喺美國頂級熟成去骨牛扒、龍蝦香辣鮮茄新鮮天使幼麵及脆烤羊架配香橙酒薄荷香草醬。

其實，3款睇見都心郁，樣樣都想試，總之搵埋姨仔一齊嚟食，就唔使傷腦筋。

最後，同老婆揀咗前兩者：牛扒及天使麵。

美國頂級熟成去骨牛扒雖然賣相欠奉，但份頂級牛扒實在大件，應該喺8安士嘅份量，只簡單伴薯條。

要咗5乘熟，不過，出嚟嘅效果應該過咗少少，肉內半點血水都無，但仍帶粉嫩，入口亦非常軟腍，相信都只喺過咗少少；此外，件扒經過熟成，肉味真喺好強，加上面頭燒得焦香，確實件扒整得有水準。

龍蝦香辣鮮茄新鮮天使幼麵 又喺無乜花巧嘅賣相，不過，望住開邊嘅波士頓龍蝦（半隻），咁有睇頭，賣相都只喺其次。

龍蝦裡面有好多膏，肉質亦幾爽口；天使麵以新鮮蕃茄煮製，好鮮活，又帶點辣。

不過，天使幼麵就無啦啦轉咗意粉，意粉咬口不俗，但服務上就有啲唔妥當，因為真喺可能有啲客食天使麵OK，但就唔鍾意食意粉，為免有咩爭吵都喺事先說明多啲！本來仲有甜品要上，我哋連農夫包都只喺食咗一個，已感覺頗飽，所以，兩件蛋糕甜品就打包拎走，飲埋杯餐飲就結帳。

熱檸水．熱咖啡老婆嘅餐飲就例牌熱檸水，小弟就要慣常嘅熱咖啡。

檸水中嘅檸檬喺切角，感覺無咁好篤，但就附上一壺熱水，可以多沖一至兩杯；小弟杯咖啡幾醇香，所提供嘅牛奶都喺溫熱嘅。

甜品一共有4款選擇，包括：意大利芝士餅、紐約芝士餅伴雜莓、特濃朱古力餅配焦糖醬及自家製意大利雪糕。

雪糕比較難帶走，結果就要咗紐約芝士餅同特濃朱古力餅，店方好細心，唔單止個別用個大膠盒盛載，而且，仲加番啲士多啤梨、藍莓嚟擺番好少少個賣相。

紐約芝士餅伴雜莓紐約芝士餅個外觀焗得唔錯，表面幾平滑，而芝士味挺香濃，底下消化餅底厚薄啱啱好，啲雜莓醬又做得幾新鮮酸甜。

特濃朱古力餅配焦糖醬「特濃」加「焦糖」勁啱口味，朱古力餅質感挺實，朱古力味好豐厚濃郁，不失特濃之名，配以焦糖醬，濃香更上一層樓，當然，唔嗜甜就咪揀佢啦。

事後翻睇網上新聞，Fat Angelo's晌港都經營咗超過16年，早兩年新老細接手，以重金禮聘美國廚師團隊來港當顧問設計菜式，又加上業主晌租金上開天索價，結果流血不止，傷重離場，不知有否一日捲土重來！

已經很多年沒有光顧這間連鎖餐廳，因為食物份量大，人數太少吃不消。

今時今日，他們的經營模式也沒有改變，還是這般大份量。

點了主菜，已跟了沙律，加埋餐包。

三人也應該夠食。

是晚，貪心的我們，還點了一客前菜，甜品就要外賣，夜點才消化它。

對免費附送的餐包和沙律，當然沒有什麼要求；對它們的評價是﹕普普通通，可以接受。

雞翼有少許辣，但程度完全可接受，醬汁不算太惹味，皮不算太香脆。

下次再來，應該會不再叫了，因為沒有什麼特別。

這客羊架，約有十二支骨，份量十足。

廚師為了減輕羶味，在中間挑走少量肉，填入薄荷，令口感比較清新。

如果不太喜歡薄荷的朋友，可先弄走薄荷，再慢慢享用! 七成熟，肉質口感也比較軟身。

原來外賣甜品比堂食差不多平三、四十元。

可惜，這客意大利芝士餅，酒味不足，不然外賣價，六十幾元都幾抵食。

同女朋友在荃灣行街，行到這個商場，見到環境唔錯同已到晚飯時段，就入去幫襯，可能因平日，客人不算太多，所以就唔洗等位，我哋一坐低，待應就送上水同餐牌，服務都ok喎，但一睇餐牌，發現價錢貴咗D，但我哋唸價錢貴，食物水準應該會好好！因我哋只有2位，所以只點了辣肉腸薄餅（點薄餅送田園沙律同麵包）同香煎蟹餅……田園沙律:份量少，D汁較咸麵包:大大個，但比較硬辣肉腸薄餅:辣肉腸味道適中，最細size薄餅可切開8件，都幾抵食！香煎蟹餅:每份只得3塊，蟹肉份量足夠，又冇乜粉，味道非常好我哋覺得最好食得個蟹餅，其他都一般，價錢同食物水準不成正比！

因為朋友生日，4個人就㨂左呢間食個dinner地點係商場內，幾容易揾。

我地被安排坐左係門口，枱有少少擺左係出面,隔離就係鋪頭，有啲啲奇怪因為叫main 會有沙律同面包送一上個面包，嘩～有4個大包Size就好大啦，但一咬就，好硬呀=_= 如果淨係食果包係食唔落嫁，好大嘅面粉味。

其實我係一個勁鐘意食面包，冇包不歡嘅人。

我覺得白面包仲好食過呢個面包：（係加左啲olive oil 同vinegar 先食得落。

我地叫左個pizza,好似係雞黎嘅。

呢個pizza都幾難食下。

好硬同埋冇咩味。

呢個算係我食過最難食嘅pizza,呢度啲野仲要鬼咁貴。

超級唔抵食。

呢個都好似成190到突然覺得pizza hut pizza好好味。

之後waiter漏單，叫左個牛肉千層意粉。

我覺得這個還好。

食落口有啲似食緊羊肉不過就夠熱，哈哈。

仲叫左個炸薯條。

成70幾蚊嫁，但勁細兜，成幾蚊一條。

食落去，同一般薯條，唔見得有咩咁大分別。

佢仲要好似食緊薯蓉！！好就好在地方都坐得幾舒服，waiter主動fill沙律。

哦～原來任食沙律

Fat Angelo's餐單提供意大利菜, 薄餅等推介美食位於荃灣區，餐廳座位數未知人均消費約$101-200，結賬可以用Visa,Master,現金,AE,銀聯,Diners,,JCB。

您對於荃灣餐廳「Fat Angelo's」有何 comment？

Fat Angelo's餐廳詳細資料：

• Fat Angelo's地址:
  荃灣荃華街3號悅來坊商場地下G3號舖
  Fat Angelo's, G3, G/ F, Panda Place,3 Tsuen Wah Street, Tsuen Wan
• Fat Angelo's電話:  
• Fat Angelo's價錢: $101-200
• 分類: 意大利菜, 薄餅
• 座位: 未知
• 付款: Visa,Master,現金,AE,銀聯,Diners,,JCB
• FB專頁: Fat Angelo's Facebook

更多Fat Angelo's相關資料:

• Fat Angelo's分店
• Youtube
• Facebook
• Twitter
• Google