Euro Star 荃灣

Euro Star 評價 相片

去左熊貓個邊間AEON行完, 就係OPENRICE搜尋吓附近有咩食, 見到依間好特別, 就走去望吓~見到細細間, 又冇人~價錢又唔貴~揀左最普通的9吋批, 仲有燒春雞同BBQ醬燒排骨, 首先黎左pizza, 個餅底好薄,有別於普遍的厚底pizza, 仲好脆, 啲料又夠多, 好得!隔左陣就到燒排骨, 好多醬, 肉質又唔乾, 不過就食到好混亂最後到燒春雞, 望落好多香料, 不過食落又幾夾, 唔會太乾, 仲有好多肉汁因為隔離就係馬路, 所以間唔中會聞到汽油味, 有少少扣分~依度唔洗額外收費, $100內就食到3款唔同類型的食物, 好抵!

朋友成日推介我食依間, 話同其他pizza店好唔同, 去到剛剛有人早我哋一步, 坐左入去, 佢哋有4個人, 所以冇晒位, 唯有係門口開張枱~好彩依條街唔多人, 係街邊食pizza係另一種感覺~哈哈~叫左煙三文魚pizza, 個pizza好薄好脆, 同啲料好夾.仲有卡邦尼意粉, 都唔錯~正正常常~唯一唔滿意係個藍莓芝士餅, 味道太淡, 而且蛋糕面仲有雪, 應該係剛剛係一個好凍的雪櫃拎出黎... 食到好凍呀~

最近先搬到荃灣嘅我，星期日喺附近揾食……覺得 Euro Star 呢間小店嘅食物質素確係唔錯…佢哋有好多唔同種類嘅 pizza, signature 就有教父 pizza, 見到個名咁特別，梗係要試吓啦……一試原來係 pizza pepperoni, 由於有大量 cheese on top，超級好味,簡直無得頂 ！另外佢哋嘅 hot dog set, 配薯條或薯角及沙律都只不過 $38, 又抵又好食，薯角仲要係即叫即炸, 熱辣辣勁好食！Burger 塊牛肉好 juicy, 一 d 都唔乾, 最開心嘅係 burger 都有隻煎蛋喺裏面,味道同質素都好過快餐店多多聲!甜品就叫咗蘋果批, 雖然佢係比較薄身, 同傳統有Ｄ唔同,不過勝在唔太甜!整體上好唔錯, 只係地方細咗d..嚟緊叫 friend 上嚟 house warming 嘅首選!

今日牙媽突然想食pizza，但我又唔想食某大牌子，所以就上黎睇下，見到依間一致好評就試下因為佢果到都幾開放，所以都幾熱。

個侍應好好人，好健談👍今次我叫左一個四人餐加一個沙律，共330大元。

凱撒沙律不過不失，但賣相差左D。

蜜糖蘋果醋雞翼個汁都ok，但唔入味。

蒜容包好難唔好食。

芝士薯條兩樣都係本人大愛，無得唔好食。

辣肉腸意粉味道好清淡，食唔出係咩味，D腸都幾辣。

巴馬火腿意粉雖然乾左D，但味道ok。

煙三文魚薄餅一定要trytry，超好食。

依間野大致上不過不失，但夏天唔會堂食，冬天都可以考慮下。

店子細細，做外賣或自取較多，但店內都有四個座位，舒適悠閒。

店員態度親切友善，時時加水，又細心介紹食品。

今次叫左四樣野試試。

Parma ham 凱撒沙律 ： Parma ham 油潤咸香，沙律菜都新鮮，個醬分量剛好，味道唔錯。

芝士焗薯條 ：薯條香脆，芝士分量多， 拉到絲好吸引，食慾大增。

煙三文魚pizza : 薄餅好薄好脆，感覺好正宗，用上煙三文魚，味道清新又唔膩。

酥皮焗蘋果批 ： 酥皮好有牛油香味，蘋果焗得軟身唔太淋， 整個甜品都唔太甜，好味。

總括味道好，而且有誠意，用心整既野食。

Euro Star餐單提供意大利菜, 薄餅, 外賣店等推介美食位於荃灣區，餐廳座位數未知人均消費約$51-100，結賬可以用現金。

您對於荃灣餐廳「Euro Star」有何 comment？

Euro Star餐廳詳細資料：

• Euro Star地址:
  荃灣荃華街36-48號富麗花園地下65號舖
  Euro Star, No.65, G/ F, Wealthy Garden,36-48 Tsuen Wah Street, Tsuen Wan
• Euro Star電話:  
• Euro Star價錢: $51-100
• 分類: 意大利菜, 薄餅, 外賣店
• 座位: 未知
• 付款: 現金
• FB專頁: Euro Star Facebook

更多Euro Star相關資料:

• Euro Star分店
• Youtube
• Facebook
• Twitter
• Google