Chroma 荃灣

Chroma 評價 相片

ɢᴀʟᴀхʏ ᴍɪʀʀᴏʀ ɢʟᴀᴢᴇ ᴄᴀᴋᴇ🪐.呢間cakeshop想試好耐💛因為見到@caketionary_hongkong 推介過話性價比幾高😎今次朋友生日想要鏡面蛋糕就喺到訂左🤩.圓形鏡面蛋糕🎂 $380 6” (+$10字)今次揀左普洱味🤎呢度嘅蛋糕價錢唔算貴 但係做都好多層layer🤩佢有普洱慕絲,普洱奶凍,普洱杏仁蛋糕同埋牛油酥餅😚中間仲會夾住啲朱古力脆脆🍫好多重口感😍個鏡面都整得勁靚💙店主仲勁好 送咗兩粒macaroons比我地🤤一粒係天王星(檸檬青檸)一粒係海王星(益力多)😋前者味道幾清新酸酸甜甜 後者嘅益力多味就都太出🙈蛋糕上面啲英文字母係白朱古力黎 唔錯🤍.不過我覺得蛋糕整體偏漏😫因為蛋糕嘅比例唔多 得薄薄一層 mousse同奶凍就好厚🙈個mousse有淡淡嘅茶香 不過質感就有啲膠膠地 唔太滑😢個奶凍好重奶味 反而茶味就冇乜🤔我朋友話似好立克味🤣個杏仁蛋糕唔太乾 唔太濕 個味清清地 幾好食😋如果佢可以厚啲就好😭蛋糕整體食落味道唔可以話好好 但係勝在好有心思💓除左鏡面同啲layers 佢個擺盤都好靚‼️蛋糕旁邊加左好多朱古力碎🍫同埋金色coating嘅爆炸糖 好特別😍

Chroma ，中秋節就梗係要買啲嘢俾屋企人同情人啦，我就訂左呢間嘅雪糕月餅，味道同普通嘅雪糕月餅都差唔多，不過佢真係整得非常非常非常漂亮。

同老闆傾開計，先知原來佢自己 一個包辦晒設計烹飪Marketing嘅工作，好有心機嘅一個甜品師傅，始終放棄自己原本嘅職業去開業做自己生意真係唔容易，希望佢生意越嚟越好。

各位如果要買嘅話可以叫佢比冰袋，費事你拎到返屋企就會溶左 。

佢有其他甜品，我之前睇相都覺得幾靚，但係未有機會試，各位如果想問佢攞catalog 可以WhatsApp佢，叫老闆send個list俾你，揀啱就轉賬落order ，都幾方便。

這家的蛋糕在totry list也一段時間了，最近終於碰上sale和適當的日子，馬上訂了來試試。

選擇蛋糕口味的時候，因為擔心長輩們不太好甜，whatsapp問了店家哪款比較不甜，就直接訂了這個season of love FW～馬卡龍則是隨心地選了四個比較大眾化的口味。

約好提取的時間，說明了想要一個生日牌～拿蛋糕那天時間很趕，而樓下有點難停車，因為附近都是大貨車經過，只好匆匆上去拿。

位置不難找，裡面也很乾淨。

蛋糕和馬卡龍也連同乾冰放在保溫袋，十分細心。

蛋糕分三層，分別是抹茶、焙茶和chestnut。

蛋糕比想像中⋯⋯⋯真的一點也不甜。

男生們都在連連叫苦⋯⋯可是我覺得其實這種茶味剛好耶，至少我雖然已經吃好撐但也把蛋糕吃完了！（還是是因為我們先吃了蜜瓜和雪糕了？）馬卡龍我只是淺嚐了四分一顆，有點甜，但馬卡龍基本上都這樣的吧～外表是絕對得分了，好夢幻啊有機會會再訂的～

佢地既Macarons真係好夢幻好靚，少女心即刻出曬泥，咁啱見到佢哋做sale實在忍唔住要衝去買啦！小編今次就一次過買左9粒返泥試下。

1️⃣太陽尼一個係血橙士多啤梨，雖然對於個配搭真係冇乜興趣。

不過張相裏面嘅圖案就超級靚。

小編唔知點解食到個馬卡龍皮有檸檬味，佢隻醬有好濃既士多啤梨味，酸酸甜甜咁小編超級鐘意。

不過唯獨係血橙未就真係唔係好食得出啦！2️⃣星空爆炸糖嘅馬卡龍到底係點嘅呢？真係超級想知丫！落幾特別下因為從來都冇諗過原來爆炸糖係可以夾馬卡龍，雖然個組合有啲古怪但其實都幾特別下。

馬卡龍裏面夾住咗一啲提子味嘅爆炸糖，食落又唔會太甜，不過除咗中間嗰度有爆炸糖之外其他地方都冇。

另外整體來講呢一個馬卡隆唔單止靚又夠特別，重點係唔算太甜。

3️⃣水星棉花糖味嘅馬卡龍好似好甜咁，馬卡龍食落都幾甜下。

有微微嘅棉花糖味，亦都有藍莓味，不過藍莓味就比較突出。

而且馬卡龍甜得尼帶少少酸。

但係對於小編來講呢個都真係甜左少少。

4️⃣地球買嗰陣都心大心細咁，海日鹽雲呢拿會唔會好奇怪架？不過又好靚喎！馬卡龍食落有少少鹹鹹地，小編真係唔太接受到，不過佢尼隻醬食落除咗好滑之外，有好香嘅雲呢拿味。

香到好似有落到雲呢拿籽落去一樣，尼個應該係最唔甜嗰個。

5️⃣火星尼一個係最有期望嘅一個，佢尼個玫瑰荔枝紅莓組合我真係超級鍾意。

佢同哈根大師隻雪糕嗰陣味真係超級似，基本上係完全一啲分別都冇。

佢隻荔枝味冇嗰隻咁濃。

起碼呢一個馬卡龍冇令到小編失望，同小編嘅預期都差唔多。

6️⃣海王星呢一個係乳酪味，食落乳酪味就唔算好重，最緊要係佢比平時出面市面嘅冇咁甜。

個樣係漸變色都幾靚下，不過就唔算話太特別。

尼一個絕對係一個保守嘅選擇，一定唔會中伏丫！7️⃣春天小編雖然好鍾意花，但係從來都未試過紫羅蘭係咩味。

尼一個聞落既雜莓係超級濃，食落除咗有啲酸之外隱約間都可以食到有少少紫羅蘭嘅味。

其實都己有驚喜下，因為小編本來諗住係完全一啲紫羅蘭嘅味都冇。

8️⃣幸福見到櫻花兩隻字已經即刻衝左埋去，小編作為一個櫻花控真係幾鍾意呢一個。

雖然佢係櫻花清酒味，但係櫻花味都幾突出下。

不過唯獨有個缺點就係佢面頭嘅顏料好容易會甩色。

但係呢一個其實都算有少少偏甜。

9️⃣夕陽血橙雜莓龍舌蘭？小編真係完全估唔到係咩味，不過鬼叫佢個樣靚咩。

食落依舊都係唔覺有血橙味，不過佢啲cream就有好香嘅雜莓味。

而佢亦都有好濃嘅酒，不過由於佢係得中間先有，嗰個位食落小編覺得好似苦左少少。

整體來講都唔錯除咗嗰個位之外。

因為生日的原故，食完晚飯 收到一盒由友人送的CHROMA 星空馬卡龍，一打開盒的確係好靚既，大家都即刻拎電話食左先！唔同顏色係代表唔同星球，同唔同味道，好多味道都好好味，無記錯有海鹽，青檸，玫瑰等等，我最鐘意係青檸，酸酸甜甜好清新！😋

Chroma餐單提供西式, 甜品, 糖水, 西式糕點等推介美食位於荃灣區，餐廳座位數未知人均消費約$101-200，結賬可以用Visa,Master,現金,AE,銀行轉賬，Booking訂位可以電話致電 96141183(WhatsApp) 查詢。

您對於荃灣餐廳「Chroma」有何 comment？

Chroma餐廳詳細資料：

• Chroma地址:
  荃灣沙咀道26-38號匯力工業中心15樓1517室
  Chroma, Room1517,15/ F, Thriving Industrial Centre,26-38 Sha Tsui Road, Tsuen Wan
• Chroma電話: 96141183(WhatsApp)
• Chroma價錢: $101-200
• 分類: 西式, 甜品, 糖水, 西式糕點
• 座位: 未知
• 付款: Visa,Master,現金,AE,銀行轉賬
• FB專頁: Chroma Facebook

更多Chroma相關資料:

• Chroma分店
• Youtube
• Facebook
• Twitter
• Google