Cafe Trois 荃灣

Cafe Trois 評價 相片

　　雖然我也只是到過一次，但係印象之中那兒簡直是一個世外桃園，結束了簡直是一萬，一千億個可惜．雖然已經結業但我一定要寫下這扁食評，因為那兒是我第一次跟老公一起渡他的生日．我記得那天是星期六，沒有任何概念去食什麼慶祝又可浪漫一番，於是我便上了這個網站找，看見很多好評想也沒想便選擇了．唯一缺點是不能泊車及比較難找，的確從外觀看來真的沒可能容立這麼樣的一間餐廳，但只是第一步踏入去想法已經完全不同，看見所有也是懷舊的佈置但襯托得很好令人覺得很舒服，我立即選了很軟的CUSION藤椅，暗暗的很有情調．　　叫了一個羊仔扒，一件旦糕及兩杯椰奶咖啡，餐湯是南瓜湯，很濃郁，羊仔扒很嫩滑而且香草配得很得宜，遮蓋了亶味，而且兩杯咖啡很滑．另外那天我和老公坐了很久（差不多兩小時）沒有人過來要求我們走，反而幫我們執好枱面的東西及添水．　　真的非常可惜因為今天我還想與老公再去懷舊一番．．．．

突然發現荃灣有這小餐廳,comment也不錯,於是琴日去了一試.同街附近都是一些小菜館,突然有一間西餐廳,令人會覺得有d格格不入,但無形中亦令呢間餐廳好似幾特別因book了8點,早了15mins到,疑似老闆娘的女waitress叫我們0係外面先坐住等,同時俾左蝦片同水我地.疑似老闆娘的first impression真係好似好無禮貌又黑面咁.雖然佢係無咩表情又好似好惡,但其實都幾細心,服務都幾好,係少d笑容而已...我們一行三人決定散叫為主,叫了釀蟹蓋,鵝肝蘋果法包,玫瑰露煮蜆,芝士焗龍蝦(半隻x2),芝士焗海鮮意粉,仲試左荔枝酒同另外有個柚子蜜紅酒.荔枝酒略嫌水了一點點,有淡淡的荔枝味,尚可.朋友就覺得柚子蜜紅酒好飲.因為意粉係set,所以包了餐湯.餐湯係南瓜湯,好重的南瓜味,我覺得不錯.先來的釀蟹蓋同鵝肝蘋果法包都好細份.令我地都呆了一呆.蟹蓋雖然細個,但係包左好多蟹肉0係入面,不錯.另外的鵝肝蘋果法包,望落同平時的鵝肝不同,有點怪,食落亦無咩鵝肝味,一致覺得有d似豬潤,但拼埋一齊又ok wor!之後就係煮蜆和龍蝦,都好好味.龍蝦好甜,好新鮮.玫瑰露煮蜆,全部都係有肉的,唔會只得殼.正....!意粉的海鮮亦很足料.我覺得呢間餐廳的海鮮著實不錯,可以一試!呢度仲有d uno/波子棋...可以俾人食完飯傾下偈坐多陣都得.唔知係咪因為餐廳會就黎結束營業?所以都唔會好趕人走的感覺,隔離幾"木台"食完都會慢慢傾下偈.雖然好似叫左好少野,但我地都覺得夠飽.佢其他set好似都不錯,價錢都不貴,一間不錯的小型餐廳,原來已開了5年,可惜還有9日就要結束營業了...我諗結業前都未必有機會再來了...p.s.卡片上寫了cafe trois 的中文名,"三記",好攪笑...XD

給這間餐廳的第二個食評...留來日後追憶, 這裡...只餘下11天便結業了,今晚又再來一次可能快將結業的關係,這裡比平日多人了,好不容易才等到位置,還是我最喜愛的"兩輪木枱"...今天沒吃二人餐,我叫了一客牛柳辣腸薯角,男友要了茄子芒果海鮮榔汁飯我那個餐水準下降了,牛柳算是可以啦...男友的晚餐好豐富,賣相不錯,用半氣茄子釀了榔汁飯,有芝士鋪面,伴有蜆,魚,魷魚, 配上芒果汁...椰汁飯好香,配芒果汁,酸酸甜甜幾開胃用20個印仔換了兩件cake, new york cheese cake 同 tiramisu... tiramisu正, 中間不是甜到漏的cheese,而是咖啡味蛋糕, 不會太甜,又有口感也許這會是最後一次了...餘下11日未必有機會再來,但我一定會記住這裡呢,味道與感覺會永遠留在記憶中的

同事叫呢度做「3 cafe」，其實都唔係好知點解 ~這間 cafe 在荃灣算是有其特色 ~ 以往是「人肉餐牌」.. 而到現在則有兩張「現成」手寫的餐牌.. 都幾得意。

叫左個蜜糖雞扒配芥茉羊扒意粉餐... 首先黎左個飽先. 四個人但有八塊麵包，每人兩塊，烘得有點脆但唔會過硬 ~ 塗上牛油吃便 gdgd 了。

然後來了個南瓜湯，比出面的冇咁 creamy，很清新鮮甜. 岩晒我呢 d 怕溜既人。

至於果兩個扒就是我最欣賞的菜色。

果三塊蜜糖雞扒的皮煎得非常香脆，如果唔係怕肥的話，死怕會食晒佢。

至於芥茉羊扒煎得好香，夾雜住香草的味道，羊扒略帶少少羶味，但令人接受到.. 試問唔羶又點叫羊呢？令人很滿足的三塊扒 ~request 左侍應比薄荷膏比我地，第一次黎左好少 (大概半個茶匙的份量) ~ 諗住叫個侍應再比多一次啦. 點知佢一句聲都唔出，一手搶左個兜仔，然後再黑住面咁比多少少我地。

乜依家 d 薄荷膏好貴架咩？雖然有小風波，但沒有影響我們的心情 ~ 很希望日後可以再到那兒聚哩﹗

幾年前睇報紙好似講過呢間餐廳，今日終於有機會試吓，入到去，見到個口黑面黑的短頭髮女侍應，（唔知係唔係老闆之一呢？），見到佢已經唔係幾開胃，諗住呢ｄ’鴨舌’舖頭ｄ　service會好ｄ會親民ｄ，點知仲衰，十二點半左右到，本來想食午餐ｃ，芒果海鮮飯焗茄子，但竟然賣晒，十二點幾都無，離晒譜，於是叫咗煙三文魚蜆肉意粉和羊扒豬扒配薯菜－－三文魚都幾滑，意粉唔錯，汁都好香好creamy，但係豬扒就好’鞋’，羊扒無羊味又肥又’趙’唔到，奶茶又係唔得，完全無茶味，好似飲奶糖水咁，咖啡就好少少，太失望。

見到佢寫住’租約期滿，八月結束營業’，唔知係唔係因為就唔做，佢就好唔開心，成餐飯都未見佢笑過，唔知邊個得罪佢，還是屋企人有事呢，服務性行業點可以咁架，ｄ野又唔係好食，快ｄ執笠都好。

Cafe Trois餐單提供西式, 西餐廳, 咖啡店等推介美食位於荃灣區，餐廳座位數35人均消費約$51-100，結賬可以用現金。

您對於荃灣餐廳「Cafe Trois」有何 comment？

Cafe Trois餐廳詳細資料：

• Cafe Trois地址:
  荃灣荃灣三陂坊12號地下
  Cafe Trois, G/ F, No.12 Sam Pei Square, Tsuen Wan, Tsuen Wan
• Cafe Trois電話:  
• Cafe Trois價錢: $51-100
• 分類: 西式, 西餐廳, 咖啡店
• 座位: 35
• 付款: 現金
• FB專頁: Cafe Trois Facebook

更多Cafe Trois相關資料:

• Cafe Trois分店
• Youtube
• Facebook
• Twitter
• Google