18樓雞煲火鍋專門店 荃灣

18樓雞煲火鍋專門店 評價 相片

好耐無食過雞煲！琴晚同男朋友係荃灣行街個陣心癮起，於是行左去大鴻輝搵食，我地最後揀左呢間18樓雞煲，第一次吃覺得性價比都算幾高，食得滿足，值回票價呢到既雞煲選擇只有唔同辣度，店員係帶入座既時間就已經會問你食咩辣，坐低之後好快個雞煲就到，直接已經可以開動，啱晒我呢D心急唔想等人士 因為男朋友唔係好食得辣，所以我地叫左微辣，微辣真係接近無咩辣味，連我男朋友食完之後都話下次可以叫小辣，哈哈。

雞煲係細煲二人份量，但都算多雞件係入面，雞件唔肥之餘肉質都算滑，淨係個雞都好好味道！雖然醬汁唔算辣，但係個麻味足夠，仲帶有少少甜味，配埋洋蔥、芹菜、芫荽既香味，十分惹味，送飯一流XD .不過，黎食雞煲又點會食咁飽肚既飯麵，我地食雞食得七七八八就加左上湯開始打邊爐啦！呢到既上湯係自助，出面擺好左一壺壺可以自己拎，咁就唔洗等人加湯咁煩啦。

仲有幾樣野都係自助既，分別係飲品、醬料、軟雪糕/乳酪雪糕同菜類。

飲品選擇都算OK，凍熱飲品都有，我覺得呢兩隻無糖罐裝茶好好飲😊菜有得自己拎都幾方便，而且每份份量細，可以食多幾種唔同既菜。

打邊爐配料係用手機落單，落完單好快就會送到，無出現漏單情況，anytime想加多一樣野都好方便。

呢到有得半份(2件)咁叫，有D我想食既野男朋友唔食，都可以叫半份，幾好。

因為琴日我太肚餓既關係，有D配料唔記得影相，我文字評價番haha。

.雪花肥牛/特級肥牛/紐西蘭羊肉片兩種牛肉油脂望落其實差唔多，但色澤同牛肉味係雪花肥牛更佳，所以我之後再點都係叫雪花肥牛。

紐西蘭羊肉片感覺都好新鮮，羊味濃郁，好好食。

.胡椒爽肚丸呢個幾特別，胡椒味幾香口，咬落去真係有D豬肚粒粒。

.滑豆腐/冬瓜片/蓮藕片/芋絲/萵荀/金菇/生菜/娃娃菜呢D配料正常啦，唔會有問題haha。

.自家製栗米餃鍾意佢皮薄多餡，味道都唔錯，不過唔好淥得太耐，個皮會好易爛。

.海中蝦/蜆(是日海鮮推介)兩個都好新鮮，食落肉質鮮甜，唔錯。

.花膠花膠用黎打邊爐真係一流，吸左湯頭食好味道。

.水魷魚/墨魚鬚兩個咬落都彈牙，水魷魚味道更佳。

.滑雞柳味道正常，不過食完雞煲入面既雞件就覺得比下去，哈哈。

.蟹子墨魚滑呢個調味好好，淥完好香好彈牙，蟹子咬落仲有D爽口，呢個十分推薦。

.台灣一口腸/黑椒牛丸呢兩個對我黎講黑椒味都係重左少少。

.芝士豆腐呢個都係好推薦，咬開有芝士流心，魚豆腐帶甜味，幾好食。

最後最後，梗係要係番杯乳酪雪糕！有得加椰果，綿花糖個D配料，不過我無加。

乳酪雪糕酸甜度適中，食完仲有輕微解油膩既感覺，食埋甜品，大滿足！

第一次幫襯這家店已是幾個月前，不過裝修及口味都非常合我心意，所以今日就帶了媽咪過來試試。

媽咪喜歡吃雞煲，不過經常覺得鋪頭衛生麻麻，抽氣時出問題，特別侷促，今次是少有一間令她滿意的鋪頭，所以特地介紹下！——————————🔹雞煲食雞煲點可以不辣！今次同樣叫了小辣，惹味一點，二人份量多，雞件飽滿不肥，最重要是調味剛好，不會煎得太焦或太濃，加入紅洋蔥、芹菜、芫荽等提香，香氣好足！如果香菜量更多就更好！🔸火鍋$178雞煲+火鍋，任食2.5小時，抵食又有時間同親朋傾計！點菜用QR code系統，沒漏單亦快送到，服務不錯；食物種類多，超過80款任飲任食，質素亦好。

雪花肥牛選用美國肩胛，色澤鮮紅，肉味濃而不肥；頂級梅頭豬肉同樣重肉味，不過肉片可能未完全解凍，肉色偏暗；豬潤驚喜，粉嫩不會有雜味。

鯇魚新鮮脆口，蜆肉飽滿大隻；即炸響鈴大大件，吸滿湯汁夠入味。

媽咪最喜歡外面自取的蔬菜，每一款摘好用碗裝好，超級鮮甜，最愛西洋菜，養生又清甜。

雞煲加自助火鍋一向是我最愛的配搭，這天又到了荃灣大鴻輝覓食。

$178加一可以任食兩個半小時性價比的確非常高。

雞煲很快便上桌，加熱再攪拌一下便可以吃。

啖啖雞肉都掛滿醬汁，味道濃郁，加上煮得軟腍的紫洋蔥，令味道更豐富，很快便把雞煲一整個吃完。

吃完雞煲就可以加湯打邊爐，上湯自助取用，因為雞煲已經夠濃味，醬油也不用點。

點了滿桌子配料，肉類海鮮內臟等都有，非常豐富。

兩款牛肉色澤和肥瘦度都不錯，肉質軟滑有牛味。

響鈴是自家鮮炸的，比一般的響鈴更加厚身有口感，放在湯中一會沾滿湯汁再放入口，湯汁在口裏爆開，加上響鈴本身的豆香，味道鮮美。

花膠真材質料大大塊，入味又有咬口。

蜆肉大大粒，帶微微海水咸味，味道非常鮮美。

海蝦肉質彈牙，一隻隻串好方便進食。

蔬菜自助取用，一盤盤用保鮮紙包好，乾淨衛生。

生菜和油墨菜新鮮又爽甜。

飲品有不少選擇，另外還有提供幾款果茶茶包，不愛喝凍飲的朋友都有其他選擇。

飯後來一杯朱古力雪糕，配上配料更有咬口，每次放題過後吃一杯雪糕都能消膩氣。

home office臨近尾聲，早兩日趁最後可以偷閒既日子去左荃灣食雞煲～早鳥優惠19:30前埋單每位減10蚊！鋪頭好大，座位寬闊，而且而家店員都安排隔枱坐，所以感覺都幾舒適同安全。

雖然店內不停出現"食雞煲打邊爐，唔駛點豉油既"，但係佢依然有設有一個基本既調味料area~入座無幾耐就會先上雞煲，可選辣度，我地叫左小辣。

雞件份量剛剛好，唔會太多或者太少。

一上枱就聞到勁香～～～超吸引！！而且雞件肉質唔算鞋，都幾好食。

食完雞煲就可以落上湯開始打邊爐～～～食物種類選擇好多，我地叫左兩碟唔同既牛肉。

但兩碟牛肉唔係好分到邊款同邊款哈哈，但肉質都係好食既～羊肉方面味道比較出，好好食～海鮮類一般。

花膠大大塊，好多配料新鮮度都唔錯。

自家製響鈴卷比較特別，比平時食既厚實，確保就算浸耐左少少入面都仲會脆。

打邊爐我最鐘意叫萵荀～另外就係臭臭地既菜例如皇帝菜同西洋菜～～～呢到都有西洋菜，另外仲有娃娃菜之類可供選擇。

飲品選擇唔算好多，但cover到唔同人既需要，有汽水，無糖茶等等～而且佢可以直接用qr code落單，好方便～唔洗驚場地太大，叫極都叫唔到店員落單～另外就係佢地既上菜速度好快，落單無耐就已經上到菜！

基於疫情關係 好耐都無食過雞煲趁而家開始淡淡地 吃貨又再出動近近地 揀間公司附近嘅 18樓雞煲門口有齊探熱 紙袋放口罩 等防疫措施以呢個價錢黎講 真係抵食假日都係+$10 only醬料區有齊蒜/蔥/辣椒等飲品都係自助嘅 都有成十幾款揀菜係分好放入雪櫃 用保鮮紙包好仲貼住張紙 提醒飽出自助區拎野要帶返口罩其他野食係用QR code點種類都好多好齊 上菜速度快 無漏單叫左個中辣雞煲有齊花椒八角辣椒除左麻辣 仲有雞汁既味道個醬汁好掛身 令到雞件好惹味雞髀肉嫩滑 煲入面仲有好多雞胸件雪花肥牛 比起坊間既平牛 呢款無咁肥 肉味亦都無咁濃呢款係特級肥牛 有雪花紋 肉味濃 令人驚喜呢度仲有自家制響鈴 呢款響鈴唔怕浸得太耐而淋晒 廚師腸 証明餐廳落足本白色長身既好似叫海鮮菇 又係落足本仲有花膠 海蝦 沙白等海鮮最後仲有甜品 軟雪糕 真係又飽又滿足唔係講笑 大家記得book枱 都幾full架！

18樓雞煲火鍋專門店餐單提供粵菜, 廣東, 火鍋, 自助餐, 雞煲等推介美食位於荃灣區，餐廳座位數250人均消費約$101-200，結賬可以用Visa,Master,現金，Booking訂位可以電話致電 23905390 查詢。

您對於荃灣餐廳「18樓雞煲火鍋專門店」有何 comment？

18樓雞煲火鍋專門店餐廳詳細資料：

• 18樓雞煲火鍋專門店地址:
  荃灣眾安街55號大鴻輝(荃灣)中心18樓
  18樓雞煲火鍋專門店, 18/ F, Emperor Plaza,55 Chung On Street, Tsuen Wan
• 18樓雞煲火鍋專門店電話: 23905390
• 18樓雞煲火鍋專門店價錢: $101-200
• 分類: 粵菜, 廣東, 火鍋, 自助餐, 雞煲
• 座位: 250
• 付款: Visa,Master,現金
• FB專頁: 18樓雞煲火鍋專門店 Facebook

更多18樓雞煲火鍋專門店相關資料:

• 18樓雞煲火鍋專門店分店
• Youtube
• Facebook
• Twitter
• Google