東霖小廚餐廳 美孚
地址: 美孚美孚新邨吉利徑36號地舖
最後更新:
東霖小廚餐廳推介
看見食友的評論, 不禁躍躍欲試, 因住在附近, 今天因為去看佛誕嘉年華會, 到下午四時多還未吃飯, 回到美孚, 順手試一試這店.店內只有三四位客人, 阿姐懶洋洋的給我三份一杯清水, 然後神不守舍的為我落單, 一個下午茶餐也要九牛二虎之力才總算搞妥. 因為要重複又要手口並用. 我要的是美極乾炒牛河加涷啡小甜. 共38 大元.十五分鐘後, 有得飲有得吃. 涷啡是茶記的一般貨色, 那牛河很油, 不過味道也不錯, 至於主角嘛, 牛肉是有三四片, 其中有一片是咬不開的橡皮, 要吐出. 其他的也乏善可陳. 筷子要自助, 叫阿姐取辣椒醬郤不顧而去, 算了. 是四處遇到的大陸式服務.今次的遭遇是不滿意的, 不過起先也沒甚麼期望, 不打算再幫襯了.
美孚東霖小廚餐廳
| 餐廳分店 | 東霖小廚餐廳 |
|---|---|
| 地區 | 美孚 |
| 電話訂位 | 沒有電話提供 |
| 餐單 Menu | 港式, 中菜館, 茶餐廳, 冰室 |
| 人氣指數 | 833 |
| 價錢幾錢 | $50以下 |
東霖小廚餐廳訂位位於美孚區，詳細地址是美孚美孚新邨吉利徑36號地舖，餐廳寬敞座位數目共有36個。東霖小廚餐廳幾錢？價錢優惠後人均消費大約$50以下埋單，早餐午餐晚餐東霖小廚餐廳餐單包括有港式, 中菜館, 茶餐廳, 冰室等美食，付款方式有現金付款。
東霖小廚餐廳優惠
東霖小廚餐廳 評價 相片
看見食友的評論, 不禁躍躍欲試, 因住在附近, 今天因為去看佛誕嘉年華會, 到下午四時多還未吃飯, 回到美孚, 順手試一試這店.店內只有三四位客人, 阿姐懶洋洋的給我三份一杯清水, 然後神不守舍的為我落單, 一個下午茶餐也要九牛二虎之力才總算搞妥. 因為要重複又要手口並用. 我要的是美極乾炒牛河加涷啡小甜. 共38 大元.十五分鐘後, 有得飲有得吃. 涷啡是茶記的一般貨色, 那牛河很油, 不過味道也不錯, 至於主角嘛, 牛肉是有三四片, 其中有一片是咬不開的橡皮, 要吐出. 其他的也乏善可陳. 筷子要自助, 叫阿姐取辣椒醬郤不顧而去, 算了. 是四處遇到的大陸式服務.今次的遭遇是不滿意的, 不過起先也沒甚麼期望, 不打算再幫襯了.
雖然美孚區人口唔少，亦養起唔少食肆，不過，選擇就比較狹窄，佔絕大多數都喺港式餐廳。
正所謂一雞死，就一雞鳴，之前嘅「御·上澄」日式小店卒之結業，新一員喺間茶記小廚。
早前就打算嚟食下午茶，但人多就過門不入，擇日搵埋老死嘅美孚街坊早啲嚟食晏。
環境一派茶記格局，裝修極簡單，數張圓枱，數張卡位，務求光猛四正，乾淨企理。
嚟得茶記，一向唔要求咩環境。
既然喺茶記定位，碟頭飯必然喺午市主角，不過，東霖嘅午餐、晚餐喺同一個餐牌，亦喺同一個價錢，無分早晚，平貴都有（$44$75），悉隨尊便。
順口一提，我見佢門口有貼啲早餐出嚟，但店內餐牌就唔見有，而且，營業時間11:00am11:00pm，相信新張關係，未做早市住。
順帶介紹埋餐廳其他時段有咩選擇，好似下午茶時段，有大路嘅下午茶餐（$26$35），碟頭嘅中式下午茶餐（$36），仲有啲三文治、多士、包類食物供應。
作為茶記，必不可少嘅炒粉飯麵（$45$50），但唔包嘢飲，飲品需要另外加錢。
此外，店家以小廚自居，小菜亦喺主打之一，不過咁講，依家好多茶記都喺賣碟頭飯加小菜模式，名字嘅嘢都喺個名而已。
然而，小菜選擇真不少。
因為街坊老友已嚟過食晚飯，覺得小菜有水準，所以，建議我哋嚟食吓。
雖然嚟食晏，唔介意俾多少少，就可以好似我哋咁點小菜套餐。
套餐分為蒸魚套餐（$70）、2人套餐（$168）、4人套餐（$388）、6人套餐（$488），人多人少嚟都無問題。
結果我哋揀個4人餐，想假日食得豐富啲嘛，4客燉湯、半隻雞、龍躉兩味、自選小菜2款，包飯、包甜品，都喺$388，無加一，好過上附近啲連鎖酒家啦。
而套餐小菜有指定嘅，不過足有29款供選擇。
2、4、6人套餐都包無味精足料燉湯，有咩燉湯都會寫晌牆上黑板，是日就有蟲草花燉雞湯及杏汁菜膽燉豬肺湯。
基本上午飯時段已經有供應，問過吓店主，佢話每日預二百個燉湯左右，新開張呢段時間，晚市初段都有機會賣晒。
睇番佢個散點餐牌，原來啲燉湯都唔喺收得好貴咋喎，$28一客。
如果你點午餐、晚餐、炒粉飯麵，俾$14都可以加配一客，算叫半價優惠。
蟲草花燉雞湯湯色浸沉，撈兩嘢，好足料，個湯飲落非常潤，而且，湯味濃郁，唔會得個樣。
我老婆喺味精測試專員，佢對味精好易有反應，佢飲完都話喺無落味精，証明個湯都幾真材實料。
杏汁菜膽燉豬肺湯老友就推崇備至佢哋個杏汁豬肺湯，湯色呈奶白，當然唔可以跟城中出名嘅杏汁白肺湯相比，人哋嗰啲賣近百蚊一碗，但東霖嘅豬肺湯以咁嘅價錢，一啲都唔失禮喎，有杏仁香氣，啲豬肺爽口無臊味，有水準。
貴妃雞半隻散叫要$90一客，4人餐就包半隻，啲雞做得幾好，雖然唔知喺新鮮定冰鮮，但絕唔喺雪藏貨，因為既無雪味，肉質又好嫩滑，兼且皮下脂肪少，味道帶些微鹹鮮。
龍躉炒球龍躉拆肉炒球，炒得極有鑊氣，魚肉炒得嫩滑，又有魚味；就連啲西蘭花都做得好，好嘅意思喺色澤保持翠綠，咬落仍帶有爽脆感，真喺試過唔少茶記嘅西蘭花，一早烚定，又黃又腍唔好食。
蒜蓉蒸龍躉頭腩蒸頭腩唔喺個個都啱，因為啲頭腩皮面位通常有一層「骨膠原」嘅啫喱狀魚脂，咬落感覺腍而啜口，但其實啲頭腩搵蒜蓉蒸，蒜香惹味，肉質好滑溜。
涼瓜炒肉片老友喺涼瓜嘅「粉絲」，所以，指名點客惹味嘅炒肉片，涼瓜入口苦中帶甘，而肉片炒得頗為爽身，配以豉椒，的確惹味非常，送飯食就最正。
金銀蛋浸時蔬幾道菜都喺肉，雖然白肉多，部份菜式亦夾雜唔同蔬菜，但都想健康啲，故另一道小菜就揀金銀蛋浸時蔬，而時蔬就揀白菜仔。
個湯底好濃香，所以，啲白菜仔入口唔寡，菜內放有好多雞蛋同皮蛋，做得都唔錯。
熱奶茶本來套餐跟甜品，但午市未煲好，就讓我哋轉餐飲，冷熱隨意。
嚟茶山記嘅必然之選喺奶茶，因為，真喺茶記先沖到杯靚奶茶，而依道嘅奶茶，茶底不俗，好有茶香，口感都頗幼滑，但就未去到絲滑嘅感覺。
個4人套餐真喺超抵食，5餸1湯，實情5、6個人都夠食，食得我哋鬼咁飽，要小弟依個包底王出馬先清得晒。
雖則話茶記唔講服務，但服務都唔差，至少無遇到晦氣、黑面嘅店員，上菜亦快手，最搞嘢個店主見我喺咁影相，走埋嚟竟然唔喺同我講：「你做乜影相？」、「依度唔俾影相喎！」，而喺問我：「點先影得啲餸菜靚啲？」佢話想自己影嚟貼晌廚窗喎。
東霖小廚餐廳餐單提供港式, 中菜館, 茶餐廳, 冰室等推介美食位於美孚區，餐廳座位數36人均消費約$50以下，結賬可以用現金。
您對於美孚餐廳「東霖小廚餐廳」有何 comment？
東霖小廚餐廳餐廳詳細資料：
- 東霖小廚餐廳地址: 美孚美孚新邨吉利徑36號地舖 東霖小廚餐廳, G/ F,36 Glee Path, Mei Foo Sun Chuen, Mei Foo
- 東霖小廚餐廳電話:
- 東霖小廚餐廳價錢: $50以下
- 分類: 港式, 中菜館, 茶餐廳, 冰室
- 座位: 36
- 付款: 現金
- FB專頁: 東霖小廚餐廳 Facebook
更多東霖小廚餐廳相關資料:
香港餐廳2026推介8月