怡園粥麵小廚 美孚

怡園粥麵小廚 評價 相片

我點了菜遠排骨麵，已問清楚店員會否好耐，她說都不會。

點知多次催促要20分鐘才到...而且碟麵大概是趕忙炒出來，只有一條菜芯加兩片菜葉😡我跟店員講，佢就話都係配菜而已！雖然廚房不配合，但樓面都算識做，我氣沖沖，佢就俾左碗湯我飲住先！

晌美孚區，想食粥嘅話，最近小弟住嘅屋苑就喺晌恆柏道內街嘅「味味佳粥麵店」（跟同區嘅味味佳茶記喺兩間鋪嚟），不過，4、5年前執咗笠，之後，就多數去萬事達廣場對面間「海皇粥店」。

而再遠啲美孚廣場嗰邊有家「彬記粥麵小廚」，但兩三年前轉咗名，叫「怡園粥麵小廚」，嫌遠甚少過嚟幫襯。

其實，實際路程就唔多遠，只喺懶行貪方便去「海皇」多啲啫。

作為美孚街坊，點都要走過去試一次嘅，所以，今早趁星期六例出街食早餐，就嚟「怡園」食番餐，跟住行吓公園。

小店格局，雖然地方唔大，但都算乾淨企理，加上星期六一大朝早，又仲喺暑期，無乜返工、返學客，環境就更清靜。

我哋揀咗靠埋牆嘅二人卡位，輕鬆自在。

早餐有兩類套餐，一款叫「早晨粥餐」，顧名思義啦，就喺食粥，4款粥供選擇，再配蝦米腸、炸兩、齋腸、油條或炒麵1客，定價$32，且可加錢配飲品。

另一款叫「醒晨早餐」，選擇類別多少少，有3款盅頭飯、鹹肉糉、4款腸粉供選擇，配熱飲，都一樣喺賣$32。

最後，我哋兩個都揀粥餐。

炒麵都幾大碟吓，比預期多，炒出嚟嘅質素不過不失咁啦，唔喺話好食，亦無話難食，只喺無乜豉油香，幸而炒出嚟唔算好油。

炸兩腸粉喺新鮮拉，腸粉皮拉得夠薄，而油炸鬼大條又脆口，無話好油嘅感覺，配上甜醬、麻醬，好食。

甜醬、麻醬要另外同店員講，佢先會幫你加落去。

魚片艇仔粥老婆揀咗魚片艇仔粥，佢哋啲粥就算喺早餐都做成生滾粥，所以，粥底都特別綿，米花爆開晒，頗有米香。

不過，料就肯定唔及海皇多，呢碗粥大多數都喺啲豬皮，少少魷魚鬚，而魚片大概4、5片左右。

皮蛋瘦肉粥小弟下下火，就揀皮蛋瘦肉粥，粥底同樣綿香，而皮蛋跟瘦肉嘅份量就有番咁上下，唔會一兩羹就無晒。

本身佢哋啲粥都嚟細碗，加埋啲炸兩或炒麵，一人份嘅粥餐都唔嘢少。

無睇過食評就嚟食，反正口味嘅嘢，人人唔同，食過之後又唔喺好似其他啲食評講到咁差。

喺轉咗手？喺改善咗？喺我要求低？定喺我好彩呢？總之，祝君好運，食到餐好嘅。

今日放工要去美孚上堂，得15分鐘食飯，唔知食乜好，亂撞入咗怡園。

店舖小小，但都坐到20人到。

有飯有麵，都幾多選擇。

今晚試咗南乳豬手飯，仲有湯送，唔錯。

碟飯大大碟，豬手都有三大件，賣相唔錯。

南乳豬手好入味，d軟骨好好味，南乳汁撈飯又正，食到我成個佬咁。

個湯係老黃瓜湯，唔多油，算唔錯。

$47食到飯同飲呢個湯，算係不過不失。

侍應服務態度親切，唔係d唔憂做趕人走嘅侍應，就算要你搭枱，都會有禮貌咁叫你去搭。

原來等外賣嘅，要棟喺佢面前等，或自己去問出咗未！唔理外賣出咗幾耐，只要見唔到人棟喺門口，老闆娘係冇任何意欲嗌下問下有冇人叫咗乜乜㗎！坐正喺對正門口嘅水池邊，仲要不停對望，佢都話睇唔到㗎！

雲吞湯幼麵 湯底清甜帶淡淡大地魚甘香 青蔥花微辛惹味芳香 聞到微量鹼水味，食落沒有，幼麵幼細彈牙 雲吞皮薄滑，蝦味淡雅爽脆，豬肉甘香，惟整體來說有點淡*辣椒醬較乾身，味道香辣甘香

怡園粥麵小廚餐單提供港式, 粉麵, 米線, 粥品等推介美食位於美孚區，餐廳座位數未知人均消費約$50以下，結賬可以用現金。

您對於美孚餐廳「怡園粥麵小廚」有何 comment？

怡園粥麵小廚餐廳詳細資料：

• 怡園粥麵小廚地址:
  美孚美孚新邨第四期百老匯街96號地下B舖
  怡園粥麵小廚, Shop B, G/ F,96 Broadway Street, Mei Foo Sun Chuen Stage4, Mei Foo
• 怡園粥麵小廚電話:  
• 怡園粥麵小廚價錢: $50以下
• 分類: 港式, 粉麵, 米線, 粥品
• 座位: 未知
• 付款: 現金
• FB專頁: 怡園粥麵小廚 Facebook

更多怡園粥麵小廚相關資料:

• 怡園粥麵小廚分店
• Youtube
• Facebook
• Twitter
• Google