鮮蒲 紅磡

鮮蒲 評價 相片

今日去咗紅磡買嘢，順便黎試一試呢個「全港首間鍚紙貝殼粉絲」。

呢間餐廳位置有啲難揾，佢喺紅磡廣場對面嘅一條巷仔，我行過咗再兜返轉頭先見到——原來係要落幾級樓梯嘅。

我一個人黎食，入去嗰時舖頭入面都係得我一個客（後來入多兩三個），一個肺炎真係搞到好多食店生意慘淡啊～我揀咗佢嘅招牌——鍚紙貝殼粉絲。

等咗一兩分鐘就黎到。

招牌鍚紙貝殼粉絲（$56）呢碗粉絲係用一張大大張嘅鍚紙包住嘅，十分吸引好奇嘅我。

一打開，一陣麻辣嘅香味就傳黎（但食落又唔算辣，加$2可加辣）。

我首先試咗啲湯，一擺入口差啲燙親，哈哈，熱辣辣香噴噴好正！入面有幾條生菜，一啲蟲草花，木耳，超夠份量嘅粉絲同足足十三隻大沙甲！絕對係真材實料！ＣＰ值爆燈！粉絲綵用綠豆粉絲，健康又有咬口，吸埋湯嘅濃郁味道，十分正～我個人係超級推薦大家去吓咖～

今日約左兩位平時好少外出午膳嘅同事出去食lunch, 佢地都無方向去食嘜嘢，所以我就帶左佢地黎鮮蒲啦！因為我自己其實光顧過好多次，主要我覺得佢地方細細，好適合幾個人傾下計咁食個舒舒服服嘅lunch, 同埋依間嘢嘅粉面都唔差，喺香港嚟講比較少有這類型的餐廳，最緊要係佢有得訂位同落定嘢食😁去到就食得😀👍今日一如既往，我都係叫返佢個貝殼湖南米粉，保持水準，d蜆往往係脹卜卜的，good! 😊但今日嗰碗d蜆好似少左😜之前食真係好多咖。

丫，唔記得提下佢嘅飲品，佢午餐係配一杯佢地自家製的熱飲咖，我個人幾中意，每次都幾好飲，又夠健康✌🏻😁唔洗飲黎飲去都係普通茶餐廳嗰d凍檸茶、凍奶茶…😆無試過嘅朋友，可以去試下岩唔岩你口味啊😁

一向鐘意食中式既麪因為質感好，湯底特別。

鮮蒲係香港真係算幾創新，主打錫紙蜆麪。

差不多每次黎都食佢，湯底好特別，吾知用咩煲不過好甜好香，飲哂都吾太thirsty，應該吾太味精。

麪有幾款揀，各有特色。

Overall，價錢抵食，野食好食，一流！

呢間餐廳我已經食過幾次今次有朋友同我一齊經開呢頭就一於帶佢嚟試吓一如所料朋友都話正呢間餐廳崇志街入面係一條好細嘅小街好唔起眼我同朋友兩個都叫左招牌錫紙貝殼粉絲再加個餸（$56+$7）呢間餐廳唯一嘅唔好處就係要等好耐先有野食每次黎都係咁但小店黎 都明白人手不足好過食黎食去都連鎖 right?所以提提大家唔好等到好肚餓先來我嗌咗清香辣（+$2）！配河源米粉好正有d青椒嘅香味 又唔算好辣好岩唔太食得辣既我！大家要注意呢間既辣度係可以去到好勁！鍾意食辣嘅人必試而河源米粉唔係度度都有得食我好鍾意佢嘅質感好有咬口無米線咁滑 粉絲咁幼餸入面有蜆，蟲草花，生菜，少少木耳已經好飽我覺得唔使加餸都可以因為嗰啲餸反而就唔係好特別我係嗌咗濃芝士豆腐燒（+$9）同出面嘅芝士丸冇乜分別朋友嗌左個招牌凍醉雞翼（$35）四隻開哂邊好貼心我覺得好食過出面嘅醉雞酒味好濃！又唔會攻鼻不過美中不足係有少少太鹹可以一試而我就加咗個小食係涼拌蓮藕（$14）出面亦都係好少有得食嘅好爽口 凍凍地好好味一定要嗌！朋友嗌左杯雪梨茶（+$9）好靚我飲左一啖佢冇落糖！味道比較健康啱晒減肥嘅女士但就唔算好濃味！可以濃味少少就好啦！整體來講呢間小店食物好食環境一般，服務一般但價錢都唔貴性價比算高而且佢嗰種辣係會令人食過翻尋味經開呢頭既話必試！

<香港•紅磡>招牌錫紙貝殼粉絲 小辣轉湖南粉絲加腩肉！即叫即製 的確係好味啲😋蜆肉應該有10隻🤩好鮮甜 冇沙嫁😜腩肉好爽口！不枉我等左20分鐘🦦鮮蒲 (紅磡)紅磡崇志街29號地舖#鮮蒲 #紅磡 #錫紙貝殼粉絲

鮮蒲餐單提供川菜, 四川, 粉麵, 米線等推介美食位於紅磡區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 57038798 查詢。

您對於紅磡餐廳「鮮蒲」有何 comment？

鮮蒲餐廳詳細資料：

• 鮮蒲地址:
  紅磡崇志街29號地舖
  Simple Flavourful, G/ F,29 Sung Chi Street, Hung Hom
• 鮮蒲電話: 57038798
• 鮮蒲價錢: $51-100
• 分類: 川菜, 四川, 粉麵, 米線
• 座位: 未知
• 付款: AlipayHK,支付寶,現金
• FB專頁: 鮮蒲 Facebook

更多鮮蒲相關資料:

• 鮮蒲分店
• Youtube
• Facebook
• Twitter
• Google