賞茶 紅磡

賞茶 評價 相片

去咗買杯普通珍珠奶茶飲，去到屋企樓下一飲先發現冇落珍珠⋯咁我打開睇下啦，飲咗兩啖咋嘛已經冇咗三分之一杯，勁少囉⋯佢地好混亂，我聽到有俾錯野飲俾客人。

附近咁多其他選擇，唔會再去。

喺黃埔shopping行街係幾享受既一件事，因為呢到人流多得黎唔係太密集，而且各級數嘅店舖都有，近排仲新開埋九號水產，行、玩、食都好。

我哋同小朋友玩完冒險樂園攰攰哋，想搵個地方歇一歇腳，大小朋友都可以飲下嘢，休息吓嘅，就去賞茶啦！因為佢喺正冒險樂園上電梯嘅位置。

什麼叫波霸奶茶? 原來大大粒嘅珍珠就係叫波霸，不過其實我覺得唔係特別大，而味道好好，佢既珍珠好滑好煙韌，一啲都唔硬，奶茶味都好夠香濃，奶味會比較重少少，甜到呢就恰到好處，個人覺得冇其他珍珠奶茶店咁甜，所以如果你平時叫開小甜的都可以叫正常吧！

星期日帶左小朋友去黃埔玩冒險樂園, 落去前見到間賞茶幾多人排隊, 咁岩又口淡淡想飲d野, 就稔住買杯來試下見到cashier隔離有個pop介紹葡萄柚綠, 稔起之前係台灣飲過幾好飲, 所以決定叫杯來試下, 點知呢間野真係超慢, 由我開始排隊到我拎到杯野飲足足等左20分鐘, 好老實講如果一開始知道要等咁耐我一定唔會等. 而且佢有4個staff, 一個落單, 2個整野飲同埋一個行行企企, 勁多人排佢就一d都唔急😒好啦講返杯野飲, 柚子溝綠茶有種淡淡的果香味, 而且香味自然, 唔似糖漿開果d, 飲多兩淡d果味就俾綠茶過哂, 唔夠突出了, 整體來講都算係幾refreshing.杯野飲本身俾3星, 不過真係等太耐了, 應該都唔會再去等了 😂

帶阿女去冒險樂園玩，玩到又攰又口渴就去附近買杯野飲啦！ 係正冒險樂園樓上 一上電梯就見到。

其實上次已經想試 礙於超級長龍 所以放棄左，見今日唔太多人一於試下。

叫左杯手工香芋奶綠，凍飲少冰微甜（即25%）。

話則唔多人，但其實杯野飲都等左幾耐下 我估都有成十分鐘🤔 好彩不枉我等咁耐，香芋味濃，但又唔會蓋過茶味，味道唔會好假個啲。

估唔到嘅係叫左微甜但都仲好夠甜喎！咁正常甜 或我本來諗住半糖咪會好鬼甜！？ 🙈🙈食落粒粒芋頭都幾多，本身芋頭帶甜 幾好食 😊😊anyway 由於我好口渴，呢杯飲品夠大杯又好味，當然要比個like 啦！

夏日炎炎飲番杯冰涼ge飲品會令友個人頓時爽晒，難怪賣手調飲品ge店鋪總係排長龍。

今日途經"賞茶'，決是。

對番杯呢爽一爽，點左店鋪推介的荔枝烏龍，盛惠$19，價錢就中規中矩，質素亦不過不失，有荔枝的果香，但茶味唔夠出，如果荔枝淡一點，烏龍茶甘淳的味道濃郁一點，呢個組合ge會係相當匹配。

今次點左正常甜度，甜味蓋過了茶的甘淳，建議下次選擇少甜，突顯茶香！

賞茶餐單提供台灣菜, 台式飲品等推介美食位於紅磡區，餐廳座位數未知人均消費約$50以下，結賬可以用現金。

您對於紅磡餐廳「賞茶」有何 comment？

賞茶餐廳詳細資料：

• 賞茶地址:
  紅磡黃埔新天地聚寶坊地庫一層
  A Nice Gift, L G1, Treasure World, Wonderful Worldsof Whampoa, Hung Hom
• 賞茶電話:  
• 賞茶價錢: $50以下
• 分類: 台灣菜, 台式飲品
• 座位: 未知
• 付款: 現金
• FB專頁: 賞茶 Facebook

更多賞茶相關資料:

• 賞茶分店
• Youtube
• Facebook
• Twitter
• Google