紅磡雞蛋仔 紅磡
地址: 紅磡大沽街寶利閣2號舖
最後更新:
紅磡雞蛋仔推介
老字號小食店，雞蛋仔飽滿鬆軟，芒果班戟性價比高。
紅磡紅磡雞蛋仔
| 餐廳分店 | 紅磡雞蛋仔 |
|---|---|
| 地區 | 紅磡 |
| 電話訂位 | 沒有電話提供 |
| 餐單 Menu | 港式, 小食店 |
| 人氣指數 | 1351 |
| 價錢幾錢 | $50以下 |
紅磡雞蛋仔訂位位於紅磡區，詳細地址是紅磡大沽街寶利閣2號舖，餐廳寬敞座位數目共有未知幾多個。紅磡雞蛋仔幾錢？價錢優惠後人均消費大約$50以下埋單，早餐午餐晚餐紅磡雞蛋仔餐單包括有港式, 小食店等美食，付款方式有現金付款。
紅磡雞蛋仔優惠
紅磡雞蛋仔 評價 相片
爆餡肉鬆蛋白班戟 $12紅磡必食街坊小店😚某日想去林記食燒賣，點知無開門!! 於是就喺附近行吓睇吓有咩食。
畀我見到呢間舖，睇得出超受街坊歡迎，短短幾分鐘見到叔叔無過停手，整班戟同雞蛋仔都好熟練，份份都辣鮮整，而且口味超多，價錢重好抵。
甜班戟都係$9咋！👅 想fresh啲就揀芒果班戟啦～ 班戟厚得嚟鬆軟，食落勁飽，齋肉鬆有啲乾 ，可能加咗榨菜味道會豐富啲? wingwing.foodfood建議大家唔好一個人挑戰，除非你當正餐🤣 紅磡雞蛋仔地址：紅磡大沽街寶利閣2號舖
想食佢個芒果pancake好耐喇! 今日終於俾我食到🥰店舖細細，出面keep住有人排隊買，唔少都係街坊嚟㗎💛見老闆做到無停手🤣※ 沙律淨芒果班戟 $19呢排d芒果真係好甜🤤 重要大大粒～班戟d芒果多到差d跌出嚟🤣Pancake好香蛋味，上面搽左一層薄薄嘅沙律醬，同芒果幾夾，唔會感覺好heavy💛呢個價錢嚟講真係好抵食🤤推薦!～
人情味格仔餅🧇🥞位於紅磡舊區嘅紅磡雞蛋仔呢個叔叔曾經受過不同媒體嘅報道，堅持✊即整嘅手作班cake，雞蛋仔及格仔餅等等，之前曾經幫襯過但係我唔記得咗個味道所以有啲肚餓決定再試一次貪吃嘅我好鍾意格仔餅嘅花生醬再加煉奶 牛油，每一次我都會嗌多醬睇住佢整 確係覺得好吸引好想食當佢整完俾我嘅時候我都依然係覺得非常流口水🤤但係我咬咗一啖之後我嘅回憶就出晒嚟，我就記得我之前上次食嘅時候都係食格仔餅，佢唔係唔好食，但係佢成個餅嘅口感係非常鬆軟，你睇我影嘅相片，你都會睇到佢成個格仔餅係非常厚，但係佢唔係出面嗰啲格仔餅咁樣外脆內軟，完全唔脆，明明見到伯伯已經俾咗好多醬俾我，但係唔知點解食嘅時候永遠都覺得食唔到啲醬，可能因為個餅太鬆軟所以俾個餅吸咗，😭😭 呢個格仔餅的確食完係非常之飽肚啊，15蚊一個，但係佢非常鬆軟亦都非常乾，令到我又洗多咗錢走去711買返支飲品飲，唔係想寫負評，但係只係講真心話下次可能我幫襯食雞蛋仔，依然支持呢個人情味的伯伯店，加油，支持支持，同埋隔離店有一個牛雜嘅舖頭，大家有機會都可以幫襯下，佢都整得幾好食😋
.📍紅磡雞蛋仔📍 #饅頭去紅磡 #饅頭的港味道 #饅頭的掃街系列 話說小編去咗大學一轉之後突然心血來潮想掃街，就去咗呢間老字號小店，老闆伯伯好有笑容，見小編想影嘢食相就主動提出幫我拎嘢(當然小編唔好意思所以拒絕咗)，最後仲$5賣咗個奶油班戟比我，感覺非常親切😆。
沙律淨芒果班戟 ($19)佢哋嘅班戟皮係即叫即整，班戟嘅顏色好靚🤩，味道亦好出色，軟熟得嚟又有彈性，內裏厚實有咬口，唔會太淋或者太乾硬，仲有濃濃嘅蛋香❤️。
芒果份量好多，好大嚿啖啖果肉🥭，小編原本都擔心沙律醬會唔會同芒果好唔夾，但係原來沙律醬唔會搓太多，酸酸may may咁做個點綴，更顯芒果鮮甜🥳，存在感對整體嘅味道唔會有好大影響。
原味雞蛋仔 ($14)小編買嗰陣咁啱整好一份，攞上手熱辣辣，粒粒雞蛋仔都脹卜卜咁😍，食落去唔會空心剩係得個殼。
味道上講唔上係神級好味，蛋香同奶味都偏淡🥚，同埋外皮略嫌唔夠脆，比較淋，做唔到外脆內軟既口感。
不過蛋漿嘅調味啱啱好️，唔會太甜，而且質感好正😋，入面係啱啱熟 ，氣孔分怖平均，食落口感軟綿綿咁好鬆軟。
加上我覺得以佢咁嘅名氣冇炒到$20一底，價錢算好公道，小編表示非常感動。
奶油甜班戟 ($9)我嘅第一感覺係佢好平😳，同樣係即叫即整，老闆好慷慨，落咗好多醬比我。
中間夾住花生醬，牛油同煉奶🥛，每一啖都咬到有醬汁。
而且佢哋會好貼心咁幫你喺底到加多塊牛油紙雙重保護😂，唔使驚啲汁漏到成手都係，食得好論盡，可惜我食嗰陣手機就嚟冇曬電影唔到相。
整體評分：7.8/10雖然叫紅磡雞蛋仔，其實雞蛋仔係好食嘅，但唔算話好特別，老實講我覺得班戟好食啲，小編覺得下次都係食返班戟就夠🥞，我諗佢咁多年仍屹立不倒點都係有原因嘅。
雖然店舖名有「雞蛋仔」3個字，但好似「妹仔大過主人婆」，沙津淨芒果班戟更加受歡迎 🤩沙津淨芒果班戟聞名不如見面，個賣相好吸引 😋芒果切成正方形大大粒，金黃色好似一粒粒金磚咁好靚仔 🤩當造季節芒果新鮮夠甜，唔會太淋身但香氣唔算好強烈 🥭 芒果比得好大方，滿佈成個班戟 🥳班戟係較Q彈嘅口感，有回彈力，個人認為蛋味可以再多D 🥞 一啖咬曬，全部料係口入面爆炸，而少少偏酸嘅沙律醬更帶出芒果汁嘅甜度 🧨⚠️要小心夾住個班戟食，以免芒果太多跌出黎浪費左 ⚠️( 下次Fatty 會想試朱古力雞蛋仔/蛋白肉鬆咸班戟 😋 )$19/PC
紅磡雞蛋仔餐單提供港式, 小食店等推介美食位於紅磡區，餐廳座位數未知人均消費約$50以下，結賬可以用現金。
您對於紅磡餐廳「紅磡雞蛋仔」有何 comment？
紅磡雞蛋仔餐廳詳細資料：
- 紅磡雞蛋仔地址: 紅磡大沽街寶利閣2號舖 紅磡雞蛋仔,
- 紅磡雞蛋仔電話:
- 紅磡雞蛋仔價錢: $50以下
- 分類: 港式, 小食店
- 座位: 未知
- 付款: 現金
- FB專頁: 紅磡雞蛋仔 Facebook
更多紅磡雞蛋仔相關資料:
香港餐廳2026推介9月