東門冰室 紅磡
地址: 紅磡曲街16號福家大廈地舖
最後更新:
東門冰室推介
平時好少過嚟紅磡， 一朝早喺OpenRice度想搵間茶餐廳飲杯奶茶， 咁啱搵到呢間”東門冰室” ， 店入邊座位唔多 ，但勝在戶外戶外都有位，方便睇車或者呼吸🚬嘅朋友仔。 同埋店入邊可以寫紙字，啱晒冇安心出行嘅朋友。坐低就search一下呢度有咩好食😋 當然都有左望右望睇吓旁邊啲人食乜嘢， 發現之前推介嘅魚餅或者牛肉都唔錯， 雖然蛋牛麵只得散叫冇套餐，但都想試一試。 落完單之後，大約5分鐘左右就有得開餐啦， 蛋牛麵加送兩條生菜 🥬， 誠意十足，牛肉都算足料，同埋真係有醃過炒過，同一般早餐嘅沙爹牛麵完全兩回事。 奶茶方面我一向唔飲凍飲， 熱奶茶正正常常，正宗舊冰室奶茶☕️埋單之前冒着生命危險影咗張相😆 好在阿姐睇唔到 🙈🙈
紅磡東門冰室
| 餐廳分店 | 東門冰室 |
|---|---|
| 地區 | 紅磡 |
| 電話訂位 | 23341285 |
| 餐單 Menu | 港式, 茶餐廳, 冰室 |
| 人氣指數 | 789 |
| 價錢幾錢 | $50以下 |
東門冰室訂位位於紅磡區，詳細地址是紅磡曲街16號福家大廈地舖，餐廳寬敞座位數目共有未知幾多個。東門冰室幾錢？價錢優惠後人均消費大約$50以下埋單，早餐午餐晚餐東門冰室餐單包括有港式, 茶餐廳, 冰室等美食，付款方式有現金付款，Booking網上訂位可以電話致電 23341285 查詢訂座。
東門冰室優惠
東門冰室 評價 相片
平時好少過嚟紅磡， 一朝早喺OpenRice度想搵間茶餐廳飲杯奶茶， 咁啱搵到呢間”東門冰室” ， 店入邊座位唔多 ，但勝在戶外戶外都有位，方便睇車或者呼吸🚬嘅朋友仔。
同埋店入邊可以寫紙字，啱晒冇安心出行嘅朋友。
坐低就search一下呢度有咩好食😋 當然都有左望右望睇吓旁邊啲人食乜嘢， 發現之前推介嘅魚餅或者牛肉都唔錯， 雖然蛋牛麵只得散叫冇套餐，但都想試一試。
落完單之後，大約5分鐘左右就有得開餐啦， 蛋牛麵加送兩條生菜 🥬， 誠意十足，牛肉都算足料，同埋真係有醃過炒過，同一般早餐嘅沙爹牛麵完全兩回事。
奶茶方面我一向唔飲凍飲， 熱奶茶正正常常，正宗舊冰室奶茶☕️埋單之前冒着生命危險影咗張相😆 好在阿姐睇唔到 🙈🙈
之前老板娘因年事已高打算錯景但最近有新店主接手所以舊式茶餐得以保留繼續。
知道餐廳要繼續營業即去試吓，奶茶及招牌墨魚餅牛肉麵都一樣咁好味，還有秘製雞翼都是不可不試的美食！
雖然喺尖東附近返工，但甚少去紅磡一帶搵嘢食，可能心底裏對於「大酒店」雲集嘅呢區，有一點點忌諱。
早前《蘋果》報道，大酒店後面嘅曲街隱藏一間老牌冰室——「東門冰室」。
餐廳雖屹立半世紀亦有口碑；但老闆娘年事已高，仔女唔願意接手，只好忍痛將冰室於明年關閉。
向來有鋪「老牌茶記癮」嘅我，見到報道後，午餐立刻起程試一試。
中午一點嚟到，門外排咗五至六人（唔知係咪見到報道嘅同路人呢 🙊）姐姐知道門外排隊嘅客人大多係時間緊迫嘅打工仔，先幫我哋落order，再叫廚房立刻着手準備。
「炒牛鱆魚餅菜米，凍奶茶走甜啊，唔該！」我之前做咗 research，將出名嘅配料講出嚟。
「阿妹～菜唔洗講都一定俾你，炒牛、鱆魚餅賣哂啦，不如食豬扒，豬扒都好食㗎～」姐姐回應。
「豬扒太陽蛋米啊，唔該！」餐牌其實並無寫上咁樣嘅配搭，但呢類舊式茶記有材料嘅都可以為食客做出來，唔洗跟足餐牌咁死板。
眼見其他食客亦視牆上餐牌如無物，自由配搭喜愛嘅配料、麵食。
不過，其中共通點係「煎豬扒」，幾乎每位都點。
餐廳保留六、七十年代港式冰室嘅裝修；格紋地磚、舊式大背脊電視機、掛牆日曆，帶著歲月嘅痕跡。
喺開放式廚房內忙過不停嘅老婆婆，就係傳說中嘅老闆娘。
=========================◊ 豬扒太陽蛋米（包飲品）＄40期待已久嘅麵送到！豬扒切薄煎香，口感唔算軟腍，但頗有彈性，唔係被「鬆肉粉」醃得太耐、過腍嘅質感；豬扒入味，食得出薑汁、豉油、胡椒粉等醃料，似家庭式制作嘅味道。
太陽蛋煎至微微脆邊，中間蛋黃依然晶凝、dun dun吓。
果然，姐姐真係俾咗唔少生菜；生菜即叫即灼，食得出爽脆。
◊ 凍奶茶奶茶茶味香濃，茶底帶回甘餐廳營業時間到兩點，眼見許多食客都喺收工前趕到。
幫襯嘅食客，大多係熟客；食客自動搵座位，姐姐亦自動將食物送上；老闆娘同姐姐之後更攞出私伙蛋糕，一邊品嘗，一邊坐低同客人傾偈。
港式老牌茶記，大多缺乏新淨企理嘅環境，亦沒有舒適嘅座位；只係用上簡單嘅材料、簡單嘅煮法，加上熱烘烘嘅人情味，足以令食客感受到食物嘅熱度、人與人之間嘅溫暖。
=========================東門冰室📍 紅磡曲街16號福家大廈地舖
早兩日見到有篇報道，話東門冰室好有能做到明年過年就會結業。
都已經有一段時間冇嚟食，所以想喺佢結業之前嚟食多次回味一吓。
冰室位於紅磡曲街，即係紅磡殯儀館後面嘅一條橫街。
一轉入曲街就會見到一間傳統港式冰室，冇錯就係呢間啦。
餐廳牆身地板依然係用緊七十年代嘅花紋瓷磚，加上一部舊式嘅數碼電視，成間冰室都充滿着一種懷舊嘅氣息。
本來諗住叫佢嘅招牌章魚餅炒牛麵，可惜當日牛肉賣晒，於是老闆娘就推介章魚餅豬扒福麵。
我就要多杯熱檸茶。
個麵好快就有得食，豬扒醃得好入味，唔會話好硬，如果要形容個味道嘅話，就好似以前喺外婆屋企嘅嗰種味道，好有家嘅感覺。
埋單$39，好平好抵食亦都好有滿足感。
聽說這店子在農曆新年後便結業，那襯此之前一於試試吧。
懷舊的花紋瓷磚，舊式實木圓桌櫈，好六、七十年代的味道，亦聚了不少老街坊。
揀了豬扒蛋三文治 、鱆魚餅紅腸伊麵及茶走；亞姐還關心的説：叫咁多嘢，一個人食唔食得晒㗎。
豬扒蛋三文治～據聞豬扒由老闆娘親自醃製，用槌仔將豬扒揼至鬆軟，加入薑汁、蒜茸、胡椒粉、燒酒、雞蛋等，放在雪櫃裏醃過夜，時間特別長也更入味；客人落單後，老闆娘才將豬扒放在熱辣辣的鐵板上煎至金黃，外層微脆、肉質鬆化亦juicy，提一提，唔好咁猴擒；小心辣嘴呀。
鱆魚餅紅腸伊麵～鱆魚餅中間加入一粒粒的鱆魚粒，也不錯，但就沒有想像中彈牙；紅腸以蒜蓉醬煎香，香脆得來亦惹味，伊麵就一般般啦。
茶走～香滑、奶味偏濃，但茶味就比較淡。
吃了這麼多也只是$62，經濟抵食得來食味也不錯，聽說這裡的雪菜肉絲也出色，要再搵時間試吓。
東門冰室地址: 紅磡曲街16號福家大廈地舖電話: 23341285
東門冰室餐單提供港式, 茶餐廳, 冰室等推介美食位於紅磡區，餐廳座位數未知人均消費約$50以下，結賬可以用現金，Booking訂位可以電話致電 23341285 查詢。
您對於紅磡餐廳「東門冰室」有何 comment？
東門冰室餐廳詳細資料：
- 東門冰室地址: 紅磡曲街16號福家大廈地舖 Tong Mun Ice Cafe, G/ F, Fuka Building,16 Cooke Street, Hung Hom
- 東門冰室電話: 23341285
- 東門冰室價錢: $50以下
- 分類: 港式, 茶餐廳, 冰室
- 座位: 未知
- 付款: 現金
- FB專頁: 東門冰室 Facebook
更多東門冰室相關資料:
香港餐廳2026推介7月