新澳咖啡餐室 紅磡

新澳咖啡餐室 評價 相片

第一次食佢個早餐，基本上望佢個餐牌都知冇驚喜，但附近冇咩野好食，所以都照食啦。

叫左1）all day breakfast+奶茶2) A6 沙嗲牛肉米粉+煎蛋+多士+檸水我想講呢個組合所有野，係冇樣野食得滿意我叫既係沙嗲牛肉米粉，佢黎沙嗲牛肉公仔麵，咁我叫佢換，換完之後黎既都係沙嗲牛肉公仔麵！我都廢事佢倒左佢，浪費，算數，硬食，佢地d啊姐，同佢講話佢換2次都錯，佢地都唔會覺得唔好意思，對唔住都冇講聲，冇理我。

佢個煎蛋🍳，一d都唔好食，人地煎到有條脆邊，佢隻蛋係烘熟，好求其。

另外，正常茶餐廳檸茶/檸水都有3塊檸檬片，佢係好薄既2塊，我拮完檸檬，成杯都冇咩檸檬味，好孤寒！————————————————————個all day breakfast 要左塊雞扒！我十分肯定佢d炸油已經有陣油膱味，成塊雞扒，我咬左淡，吐返🤮出黎，冇食到，可以話我未係出面餐廳食過咁難食既雞扒！all day breakfast 個炒蛋，溝左好蛋水，水汪汪，拮都拮唔起，要用匙羹食，呢間野真係好慳皮，但係價錢又唔係特別平。

最後，杯奶茶，我先生話唔得。

佢對食已經係冇咩要求既人，佢總括左一句，個早餐冇樣野得最後，我冇得揀，我都唔會再食呢間野

今日去買外賣，收銀個大媽不嬲都態度很差，不过之前見係茶餐廳就算啦，但今日真係忍無可忍。

事缘俾錢時，她在电腦襟襟襟……襟咗成分鐘，我好声好气問她几錢，她竟然發難說"你睇晤到我打緊咩？" 咁我解釋我只是問她几錢，她竟然大声喝我話我駛唔駛咁大声！OMG, 那時餐廳好嘈，我戴住口罩和面罩(visor), 我可能是大声了一点，但我肯定我不是冇禮貌。

她還死chur，我俾完錢，她竟大声鬧:"咁你要唔要呀？" cls, 我叫她睇番cctv, 睇吓是邊个大声夾惡！真不明白今時今日好好景嗎？還可以咁兇客？！😡😡😡

四個餐，四個餐都好難食，毫無水準！首先，餐牌上所謂既”特色冬蔭公粉麵”, 湯底咸到不得了，得個酸字，一啲辣味都無。

啲餸好普通，牛丸雪藏，無味。

第二個餐，下午茶炒蛋多士，啲蛋又老又無蛋味，真係好勁。

蛋無蛋味🤮第三個餐，咖哩牛腩飯，啲咖喱咸到盲都開眼，無咖喱味，得個咸字。

最穩陣常餐之選，鮮牛肉米粉，配多士炒蛋。

牛又係無牛味，多士油淋淋，炒蛋又係一個字差。

又油又老。

以後都唔會再幫襯，當我地問個侍應點解個冬蔭公湯底唔辣既？佢話，我地既冬蔭公係咁，完。

裏面的服務人員態度(大媽)真心差咩叫“我”安排你坐邊就坐邊，光顧兩次每次都搞亂晒啲訂單，唔記得唔清楚就問！唔好岀黎咩都搞錯曬對面位大家都係兩個人就一定要同一行並排坐咩道理？想坐得舒服啲都唔得，仲要趕客走仲有大家都係打工仔冇必要見到人哋係外籍人士就歧視佢服務態度同員工質素認真唔𠶧！！

今晚發現新澳有宵夜餐牌，贊!古列雞排，豬排，三文治，通粉，公仔麵，西多，全日供應嘅早餐，車仔麵都好食。

尤其係飲凍飲，又大杯，又唔會加太多冰。

而車仔麵，又大碗，又好味😋

新澳咖啡餐室餐單提供港式, 茶餐廳, 冰室等推介美食位於紅磡區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 37020221 查詢。

您對於紅磡餐廳「新澳咖啡餐室」有何 comment？

新澳咖啡餐室餐廳詳細資料：

• 新澳咖啡餐室地址:
  紅磡民泰街53-73號地下F1號舖
  New O Restaurant, Shop F1, G/ F,53-73 Man Tai Street, Hung Hom
• 新澳咖啡餐室電話: 37020221
• 新澳咖啡餐室價錢: $50以下
• 分類: 港式, 茶餐廳, 冰室
• 座位: 未知
• 付款: AlipayHK,支付寶,現金
• FB專頁: 新澳咖啡餐室 Facebook

更多新澳咖啡餐室相關資料:

• 新澳咖啡餐室分店
• Youtube
• Facebook
• Twitter
• Google