快食館 紅磡

快食館 評價 相片

非常抵食平民餐廳放學有時經過呢間餐廳都會入去食下因為佢嘅價錢都算係幾平 喺紅磡地段都好難搵到一間食晏只係需要$30嘅餐廳 呢度就正正以$30嘅手撕雞飯做招牌 成日見到好多學生哥都係食佢呢度嘅手撕雞飯同埋豬扒蛋飯呢度嘅手撕雞飯都算幾貼心因為佢係冇骨嘅 老闆已經將所有嘅雞骨拎走所以大家食落去就係啖啖肉唔怕比骨頭整到！ 唯一不足嘅可能就係呢度嘅鋪頭空間比較少比較迫 大家可能食完個飯就要走 環境唔太適合慢慢坐慢慢傾計別一樣野就係佢嘅肉份量唔算多 不過由於佢個價錢都算係平所以份量同佢嘅價錢都係相宜嘅 總括嚟講如果大家想喺紅磡黃埔區平平哋快快地食個晏晝都可以選擇嚟呢度食下 但係佢呢度要12點到先至開門特登嚟呢度食嘅朋友就要留意下啦

無骨雞飯😋$30我比較少響呢頭出沒，所以花左D時間去搵餐廳。

紅磡火車站附近，位置比較偏搵左一段時間，但無後悔，而且有驚喜，份量亦相當夠，雞亦夠嫩，會再回頭😏

係facebook post嘅介紹來，見到三十幾蚊就有大碗飯，覺得幾吸引就來左食。

呢間係一間好細嘅店，得幾張檯，落order係要先比錢然後等。

個度嘅大碗飯有無骨雞飯，牛腩飯同泰式燒豬頸肉飯。

最多人試應該係無骨雞飯，但我本身唔太鍾意食白切雞個類嘅雞，所以叫左泰式豬頸肉。

等左唔係好耐個飯就來左，個飯真係好足料，豬頸肉有六塊，每塊都燒得剛剛好，唔會燒得好噥，而且肉唔韌，好易咬開。

d汁有d似燒汁，偏鹹少少，有塊青檸可以俾你加d酸味，d汁同個豬頸肉好配。

至於飯就好軟，唔太黏又唔太硬，口感幾好。

整體來講，三十幾蚊有咁足料味道又好食嘅野真係好抵，非常推薦！

店內環境唔大，座位數量適中，暫時未試過等位。

店內播住韓國音樂，有啲嘈，唔係人人岩。

而且廚房抽油煙做得唔太好，檯凳都油淋淋。

座位空間細，坐得唔太舒服。

但有紙巾免費用，幾方便。

🍞食物方面🍞【無骨雞飯】🐔多次造訪該店，頭幾次晏左去都話賣哂無骨雞飯、牛肩骨飯，可能因為店鋪下晝要落場幾個鐘，但夜晚晏左去都試過食唔到，食唔食到真係睇你彩數。

講番個飯，一黎到覺得細碗啲，但無骨雞質素的確救番啲分，雞好嫩，不過雞味唔算香，但同白飯幾夾。

但食量大嘅人應該唔夠食。

【蘿蔔牛坑腩飯】🐮蘿蔔普通，唔夠淋，牛坑腩煮耐左，有啲老。

呢個飯好普通，但都係唔太夠飽。

【新鮮海中蝦米粉】🐟呢個米粉有啲驚喜嘅，估唔到湯底幾香口，唔似一般落粉蕃茄粉整濃啲嘅湯，的確有海鮮味，呢樣值回票價，蝦幾新鮮，米粉索到海鮮湯嘅味，高質！另外，青檸汁得個凍字，無乜味又好細杯，麻麻。

🌿🌿🌿🌿🌿🌿🌿🌿🌿🌿【無骨雞飯】：$35⭐️⭐️⭐️⭐️【蘿蔔牛坑腩飯】：$35⭐️⭐️⭐️【新鮮海中蝦米粉】：$42⭐️⭐️⭐️⭐️環境：迫迫地，唔太好坐⭐️⭐️衛生：油淋淋嘅檯⭐️⭐️服務：落單侍應幾風趣⭐️⭐️⭐️抵食：份量偏小，野飲要另叫⭐️⭐️⭐️

平均3040蚊一個飯, 晚市WOR, 真是平。

本來想食無骨雞飯, 但買哂, 就試左越式豬扒飯。

另叫多個小食。

越式豬扒飯: 豬扒幾大塊,可惜煮太熟, 肉質好硬。

個越式汁OK, 加埋D 酸汁落去, 夠醒胃。

釀蟹蓋: 有3個小蟹蓋, 入面應該是類似薯茸溝蟹肉/蟹柳GE野, 雖然話係炸, 但又唔係太熱氣, 似焗多D, 呢個好味WOR。

蜜桃SODA: 太甜! BTW, 入面唔大, D位都幾窄。

快食館餐單提供港式, 快餐店, 茶餐廳, 冰室等推介美食位於紅磡區，餐廳座位數未知人均消費約$50以下，結賬可以用現金，Booking訂位可以電話致電 26730638 查詢。

您對於紅磡餐廳「快食館」有何 comment？

快食館餐廳詳細資料：

• 快食館地址:
  紅磡黃埔街24號地下
  Thirty Meal, G/ F,24 Whampoa Stree, Hung Hom
• 快食館電話: 26730638
• 快食館價錢: $50以下
• 分類: 港式, 快餐店, 茶餐廳, 冰室
• 座位: 未知
• 付款: 現金
• FB專頁: 快食館 Facebook

更多快食館相關資料:

• 快食館分店
• Youtube
• Facebook
• Twitter
• Google