咖啡煮意 紅磡

咖啡煮意 評價 相片

今次第二次黎呢間小店食午餐！ 都係同媽媽兩個人黎食😛對上次黎已經係一年前 好深刻佢嘅煎三文魚意粉真係好好味！今次係大約1:00 到店舖，要等員工執好枱再入，樓面得一位員工，要忙着執枱、出餐、應對堂吃同外賣客人嘅order 🧐 都幾busy~ 店內因較細 位子都坐得幾迫～ 店舖好warm：每張枱有提供餐紙巾同埋搓手液😉今日試咗佢嘅香草蕃茄蟹肉意粉🍝同埋煙三文魚菠菜意粉！ 煙三文魚菠菜意粉都真係冇令我失望！ 意粉口感煙銀，醬汁充足！ 醬汁亦唔會太稀/太結身，係掛到意粉嘅！但係呢... 另一個意粉等左好耐廚師同侍應話冇晒意粉，要重新煮...而當時亦好多人等緊外賣要.... 最後差唔多要成半個鐘先上枱... 如果趕住時間真係等唔到🙈🤨雖然係咁，但係都好好味嘅，好多車厘茄同埋蟹肉 好rich 🤩 茄味可以再濃啲，食到最尾蟹肉嗰陣鹹味都幾重！下次會想再試其他意粉🍝& Burger 🍔!!

放工唔想自己煮，餐廳又諸多制肘食得唔開心，所以去左紅磡廣場入面一間想食左好耐嘅餐廳買外賣。

安格斯漢堡包($88)三個字—”不得了”，塊漢堡係即搓，成吋半厚，充滿牛肉味，又多肉汁，好味到痴晒線！軟殼蟹忌廉蘑菇意粉($85)以為個軟殼蟹係精粹，原來個意粉先係，creamy到呢~蘑菇又多，當然，個軟殼蟹都好好食，份量大又炸得啱啱好！老闆仲親手沖左個用奶開嘅熱朱古力俾我做餐飲，好人同warm到我估唔到！呢個價，邊度有，疫情下更加要幫襯！

上次黎食左個一般既意粉，今次就諗住黎試下佢既漢堡。

真心差。

佢個漢堡排係生既，大概因為要快啲煮好咁多人想食嘅份量，所以佢一個煎pan可能放左好幾塊野。

結果就係我塊漢堡排受熱勁唔平均，一邊係ok既，熟既，味說都唔錯既。

但係！另一邊就係生既，得外面熟左，入面仲係紅紅既。

差評！而且佢啲漢堡排既質素一般，勁鬆散，一咬就散開，跌到周圍都係。

面包無煎過，無任何特別處理過。

而且啲紅薯條唔好食，無咩味咁，口感黏黏答答，唔鐘意。

愈行愈遠，原本諗住去另一間，點知openrice 個map mark錯，跟住地址再搵，去到居然無嗰間野，嬲到震，好熱好㷫，於是見到呢間係cafe就入左嚟～ 想食all day breakfast, 但感覺又有d頹。

於是叫左炆牛肋肉意粉。

凍檸茶，消消氣。

炆牛肋肉意粉，出奇咁好食～ 意粉al dente, 係高質西餐廳嘅質素，唔係港式茶餐嘅口味～ 配料又有西芹、紅蘿蔔、洋蔥、蕃茄，樣樣都鮮味～ 個忌廉汁掛晒上意粉度，真係好好食。

份量又夠多，唔會細細碟～ 牛肋肉都好入味，只係未有腍到化開嘅境界，應該可以再炆耐少少，咁就perfect la~~~ 全餐70唔洗加一，咁高質，抵到笑～

之前已經聽同事講 呢度煎三文魚好好食 仲可以揀幾成熟，今日終於去試左如果純食物質素黎講 的確唔錯 但係如果你想輕鬆食個午餐 呢度完全唔得小小店面有三個侍應（其中一個吾知係咪老闆娘) 放左密密麻麻既枱 一入去已經好擠逼呢樣都吾緊要 重點係個位疑似老闆娘既侍應 令到客人非常大壓力 短短一餐lunch時間 已經聽到佢兇另外兩個員工兩三次 自己自言自語講粗口 又急又亂 我都未飲完杯野就催埋單 催走短期內都吾會再去食

咖啡煮意餐單提供西式, 咖啡店等推介美食位於紅磡區，餐廳座位數未知人均消費約$50以下，結賬可以用現金。

您對於紅磡餐廳「咖啡煮意」有何 comment？

咖啡煮意餐廳詳細資料：

• 咖啡煮意地址:
  紅磡馬頭圍道37-39號紅磡廣場地下67號
  Cafe Idea, Shop67, G/ F, Hung Hom Square,37-39 Ma Tau Wai Road, Hung Hom
• 咖啡煮意電話:  
• 咖啡煮意價錢: $50以下
• 分類: 西式, 咖啡店
• 座位: 未知
• 付款: 現金
• FB專頁: 咖啡煮意 Facebook

更多咖啡煮意相關資料:

• 咖啡煮意分店
• Youtube
• Facebook
• Twitter
• Google