合隆粉麵專家 紅磡
最後更新:
合隆粉麵專家推介
經常大排長龍的合隆麵家，自製湯底，就是其吸引之處。
紅磡合隆粉麵專家
| 餐廳分店 | 合隆粉麵專家 |
|---|---|
| 地區 | 紅磡 |
| 電話訂位 | 沒有電話提供 |
| 餐單 Menu | 潮州菜, 粉麵, 米線, 雲吞, 餃子 |
| 人氣指數 | 962 |
| 價錢幾錢 | $50以下 |
合隆粉麵專家訂位位於紅磡區，詳細地址是紅磡鶴園街6號地下(春田街轉角位)，餐廳寬敞座位數目共有未知幾多個。合隆粉麵專家幾錢？價錢優惠後人均消費大約$50以下埋單，早餐午餐晚餐合隆粉麵專家餐單包括有潮州菜, 粉麵, 米線, 雲吞, 餃子等美食，付款方式有現金付款。
合隆粉麵專家優惠
合隆粉麵專家 評價 相片
舊區重建說再見，我會掛住您架 ﹗蠔油芥蘭，好忙咩？灼一灼就出貨，好硬好粗又好生呢，草青味強勁 ﹗可能有食家喜歡，但我頂唔緊啊點埋大量蠔油到掩蓋唔到，放棄。
蠔油生菜走油，一般地無特別穩陣之選，就算生都食得無大問題，爽口又充滿水份，只不過菜甜味稍遜，大致滿意。
四寶麵走蔥，湯底比起牛腩牛什湯為偏淡，不過仍然好好味，成碗飲晒，正 ﹗不過之後既副作用嚴重，由 lunch 頸渴到 dinner ﹗未必係味精，濃味都會好口乾呢，香甜濃郁湯底全部比我飲晒，太美味啊 ﹗四寶真係每寶得一粒啊，再加多片魚片咁，份量少左一點喎，以我咁胃食唔夠喉囉。
魚皮餃、墨魚丸、牛丸、魚蛋、魚片，款款滿意，真材實料。
魚皮餃、魚蛋、魚片魚味鮮濃散發著咸香，口感都軟棉且富彈性。
最正係牛丸，味道香濃，肉汁微滲，信心保證。
牛味濃，口感又滑又彈牙，配上爽爽幼麵掛著大量辣椒渣，無得彈 ﹗魚皮餃嚥韌滑滑外皮包著肉汁，滿意。
豬肉丸及墨魚丸都麻麻地，腍腍散散，味道怪怪的。
黑魚丸，有咬即散，怪怪的，味道麻麻。
牛雜伊麵走蔥，一次過倒晒落肚就最滿足 ﹗熱騰騰濃郁滷水湯汁滲進每條伊麵每件牛雜，用性感雙脣不停吸啜，香甜牛味溶化於味蕾之間，伊麵散發著蛋香輕柔舌頭直衝肚裡去，美味牛雜們都跳彈地跟伊麵直滾肚中。
無得輸香濃滷水牛雜，牛膀棉棉、牛肚爽爽、牛腸滑滑、牛肺彈彈，用嚥韌伊麵綁住入口，那有不好吃之理 ﹗如果連甜美清香滷水腩汁湯掃入口，那種滋味濃郁既味道更加震撼，加埋大量勁辣辣椒渣就更刺激，好味到想跳舞呢 ﹗牛雜牛腩伊麵走蔥，獨孤兩味唔係腩就雜架啦，招牌野麻，明知伊麵最油，不過我鍾意。
嚥韌蛋香伊麵夾住爽肚腍肚棉膀滑腸再淋上辣椒渣齊齊啜入口，好味到暈 ﹗方便唔洗輪骨，只要不停啜，成碗麵轉眼清晒，懶人殷物。
瘦牛腩質地有點硬有點乾，非常有咬口，都係牛雜好食好多。
牛膀牛肚麵走蔥，牛膀保持棉棉質感，棉花一樣索盡靚湯，但今次微微腥腥地喎。
金錢肚夠晒爽、毛肚夠晒腍，芬芳滷水汁完全滲透其中，味道香濃。
幼麵質地好滿意，爽到索索聲架。
侍應姐姐放低話係麵，我睇完再睇，米粉黎加喎。
再黎終於係麵喇，但係成碗都係蔥呢，傳菜姐姐都知我唔要蔥，尷尬地攞返去幫我撇晒啲蔥去，唔該晒。
雖然忙，但要細心及冷靜落單呢，效率仲快啦，唔洗走多幾轉麻。
魚蛋牛雜麵走蔥，奇怪地今日食客只得三四隻，個場唔太忙，出品都高質好味左呢。
湯底香甜，一定飲晒先罷休。
魚蛋彈彈，充滿魚味及咸香，要連啪三四粒先夠過癮。
跟牛雜 partner 品嚐都唔錯，魚蛋跟牛膀、魚蛋跟牛肚、魚蛋跟牛腸，撞埋一齊產生非常有趣既口感及味道，正呀 ﹗勁爽幼麵與辣椒渣扭作一團再跟入口，掛著大量湯汁，美味極致，食左先講 ﹗牛雜粗麵走肺走蔥，馳名美味滷水牛雜，響遍紅磡，香港仔真係唔多掂 ﹗有毛肚軟塾、金錢肚爽彈、牛膀棉腍、牛腸滑溜，粗麵微彈結實有嚼勁，掛著濃郁甜美腩汁湯連辣辣辣椒渣非常刺激好好食，而且食得特別快呢 ﹗兩口就成碗落晒用喇，正 ﹗牛腩麵走蔥，牛腩一再都偏瘦，減肥人仕最適合，鬆化但有點乾硬，味道就好好，滷清味濃而清香，只係感地略差。
爽爽幼麵連湯連腩連辣椒渣大啖大啖地啜入口，停不了的惹味 ﹗牛雜河走蔥，一向都走肺，但侍應姐姐又話無肺囉，最終係有既，我不太喜歡肺既質感及味道呢。
結實滑滑河粉最適合跟濃郁甜湯一齊倒入口，全部跣晒落肚，美味 ﹗牛腸滑彈，裡面絨毛體滑嘟嘟。
牛膀像海棉一樣吸引所有精華，成塊啪入口，一咬爆漿，非常爽呢 ﹗毛肚又棉又腍，跟河粉一齊沖落肚最正啦 ﹗
行開紅磡都會去食呢間, $19 一個面, 又快又好味~加支忌廉, 簡直一流.地方大, 容易搵位.至愛的牛腩有時要等等, 肚餓時就唔好叫喇.今次叫左個牛腩河, 很多牛腩, 好味~~~有時都會叫魚皮,都唔錯~~
呢間野D牛什好食就出哂名 我都食過無數次點知入到去突然唔想食牛什.... 又想食丸.....結果.. 無食到招牌牛什 要左碗貢丸面 + 菜心D貢丸個味有D似權記o個D 但呢度就大粒dd湯整得好d好食好多 食完碗面同碟菜之後 再叫一個炸魚皮 合格食完好飽.............................................. 下次.. 一定要叫牛什貢丸面
經過麵店附近又聽過有人講過呢間好似幾好味，就即管試下，叫咗魚片河、魚蛋牛腩河、炸魚皮、芥蘭、凍檸茶及凍奶茶。
魚片河 魚片好鮮味，河粉好滑魚蛋牛腩河 魚蛋一樣好鮮味，牛腩好似瘦咗D咁，河粉一樣好滑炸魚皮 就唔得啦，好似有小小'益益地'芥蘭 好甜、好好味凍檸茶及凍奶茶 行貨味道
今日來這地段的主要目的是辦些私務，兼希望一吃崇潔街內的臺式雞扒小吃。
光只吃炸雞扒作午餐當然不夠喉，心想可以吃多一碗粉或麵就剛好。
想起在紅磡廣場有這所歷史蠻久的麵店，價錢又夠便宜，自然是不二之選...要了一碗牛什河。
近來覺少吃了菜蔬，也就再加了碟生菜同吃。
兩者加起來亦只收二十七塊，而且又是大大碗大大碟的，抵吃之極...不單只抵吃，而且味道還挺不錯的 河粉不是淥得碎濕濕，可以成功的用筷子一條條夾起。
於現時十一二個大洋也可吃碗粉之粗製濫造的貨色充斥市場下，能吃到稍為像樣的，已是萬幸了牛什炆得相當的入味，牛肚的texture尤其腍糯，是根本不需用太多牙力便可將之斷，這是頗難得的；牛腸中間仍可吃到有少許肥膏，且無甚異味；牛膀吃落很"粉"，跟北角十三座可謂叮噹馬頭；牛肺是眾多配料中較失色的，邊位帶點硬....想不到這裡的牛什頗吃得過的，下次牛什癮起，可以再encore可也....
合隆粉麵專家餐單提供潮州菜, 粉麵, 米線, 雲吞, 餃子等推介美食位於紅磡區，餐廳座位數未知人均消費約$50以下，結賬可以用現金。
您對於紅磡餐廳「合隆粉麵專家」有何 comment？
合隆粉麵專家餐廳詳細資料：
- 合隆粉麵專家地址: 紅磡鶴園街6號地下(春田街轉角位) 合隆粉麵專家,
- 合隆粉麵專家電話:
- 合隆粉麵專家價錢: $50以下
- 分類: 潮州菜, 粉麵, 米線, 雲吞, 餃子
- 座位: 未知
- 付款: 現金
- FB專頁: 合隆粉麵專家 Facebook
更多合隆粉麵專家相關資料:
香港餐廳2026推介9月