Misocool 紅磡

Misocool 評價 相片

自從misocool引進香港之後，我就好中意去食佢個啜啜面，所以今日經過，見到唔駛等位，就入去食囉！黃埔間misocool以黑色為主，平時o個o的分店都會有多o的青黃色，不過o里間可能黑色用得太多，用餐o既時候聽到有個婆婆講話佢頭先坐o個個位好黑，原來邊邊o的位光o的！於是我望下邊邊o個o的位，係wor！原來真係光o的。

不過o個o的位同商場相連，如果多人的話就可能會有好多人o係你用餐o既時候行過啦！好啦！看看我叫左o的咩啦！原隻珍寶鮮赤貝壽司（＄22兩件），佢話係日本鹿兒島直送的，所以o里個價錢都幾抵，食入口o既時候發覺塊鮮赤貝好鮮味好脆，好彩有叫到！小食呢，好多時候去到都話叫焗廣島蠔，因為佢o的廣島蠔次次都係好肥大又漲，焗完之後都好鮮味！最後，當然要推介辣地獄湯豬軟骨啜啜面，o里個面，唔單止係個啜啜面夠好咬口，個湯底亦辣味剛好，恰到好處！個啜啜面裡面仲又一隻溫泉蛋，煮得剛剛好！另外，除了辣地獄湯豬軟骨啜啜面（＄58），佢仲又個辣地獄湯豚軟骨啜啜面，貴＄10，要＄68！不過基本上都一樣o加！所以大家可以慳返＄10，叫辣地獄湯豬軟骨啜啜面啦，慳返＄10叫其他野食啦！不過叫o既時候可能有少少複雜，因為個menu無寫住辣地獄湯豬軟骨啜啜面，不過只要你叫豬軟骨拉麵，叫佢轉啜啜面同地獄湯（免費轉o加），10分鐘後，就會有碗熱辣辣，香噴噴o既辣地獄湯豬軟骨啜啜面啦！所以呢，大家有時間又經過，就入去試下啦！

在網上玩遊戲贏得Misocool北海道低脂乳酪一杯，便去吃碗拉麵換乳酪。

美食坊到處都是人，Misocool也不例外，我們要站在門外等候近十分鐘。

入座後馬上點食物，侍應同時叫我們選餐飲、乳酪topping。

沒料到當拉麵和炒飯送上時，乳酪也同時登場，完全沒有考慮我們用餐的次序。

於是我們要求把乳酪送返廚房，吃過正餐才享用。

食物價錢合理，加$15可升級為套餐，有一款小食和一杯熱飲。

我們吃了～野菜沙律：芝麻醬很開胃，味道不錯。

日式蒸蛋：熱騰騰，蒸蛋不算特別滑，但勝在有不少配料，既有日式魚片，又有大大粒的蟹柳。

炒牛肉飯($46)：很惹味，牛肉不嚡，整體味道不錯，但比較油膩。

北海道帶子拉麵($60)：第一眼的感覺是碗很大，湯很多。

細看下，有六粒帶子、半隻溏心蛋，很豐富。

可惜主角的拉麵質感像雲吞麵店的粗麵，不是爽口，而有點實的感覺，只屬一般。

凍咖啡：凍飲加$2。

我不喜歡糖漿一早已倒進咖啡內。

熱檸茶：份量很少。

北海道低脂乳酪($28)：吃過、喝過，是時候吃甜品。

向侍應要求送上乳酪，等了又等，另一個侍應來收拾，主動搭訕問我們覺得食物如何，我回答：「我等緊杯乳酪。

」他竟然重申自己的問題：「唔係呀，我問你ｄ野啱唔啱食呀？」實在是牛頭不對馬嘴。

最後我們追查了兩次，乳酪總算出現了。

我們選配芒果、藍莓，兩者都不會很酸，乳酪亦是甜酸適中，不過融化速度很快。

總結而言，Misocool的食物尚可，服務一般，一試無妨。

上星期五晚去黃埔食坊搵食, 見到一間唔知幾時新開嘅 misocoolll. 一於入去踩場試吓啦. 我地兩個人叫咗:超濃味番茄湯底肥牛拉麵 超濃味番茄湯 肥件有肉味夠軟身. 豬軟骨拉麵 豬軟骨夠香軟. 焗蠔 – 唔夠熱. 味道麻麻露荀蟹籽 – 露荀和蟹籽夠爽, 配咗好似係芝麻的醬汁味道一流….主菜加 $ 15 有一位小食和普通熱飲一杯. 我地選了日式冷豆腐.炭燒咖啡無苦澀味. 真得一試. Order 飲品時我地已強調係餐飲. 女店員忘記提醒不包括炭燒咖啡. 賬單黎到要加收$20. 但該店經理了解事件後, 除了立即道歉及扣除這杯飲品價錢外.結賬後還送上一張 $20 coupon作下次便用. 十分之有誠意. 一定會再幫襯.

呢幾日連續落雨，落到無晒mood 啦 。

難得男友話駕車嚟接我放工，咁就不如係黃埔食埋飯啦。

佢話想食下d 新食肆，咁唔駛諗啦一於食misocool 啦。

平時我同d同事食晏都會食lunch set，仲包埋野飲，d set 都係$42蚊，好抵又坐得舒服，已經成為飯堂 !!晚刻就食返主餐牌既dish，佢地最出名既係「北海道海鮮奶湯炒墨魚麵」，不過我地今晚無叫到，今晚我地兩個都想食下d 辣野刺激下。

所以我地叫左「辣地獄湯豬軟骨蒟蒟麵」「紅酒極上牛肋骨肉飯」同「辣汁焗廣島蠔」。

辣地獄湯豬軟骨蒟蒻麵 : 我平時都好鍾意食辣 夠刺激嘛，湯底一望就知夠晒辣、豬軟骨煮得夠腍入晒味，仲有咬口唔會腍得滯。

蒟蒻麵煙煙韌韌索埋d辣湯底一齊食，好好味呀~~~紅酒極上牛肋骨肉飯 : 男友就order左呢個牛肋骨飯，佢話估唔到呢個紅酒汁都咁惹味，配埋個牛肋骨會咁夾，而個飯都比足料，件件牛肋骨都大大件，唔怕食唔飽啦。

男友話呢個紅酒汁配搭比較少見，值得推介!!辣汁焗廣島蠔 : 估唔到個廣島蠔比我地相像大隻好多，配上辣汁焗過夠香口，而隻蠔入口一d 都唔腥 ，又夠juicy唔會焗到柴皮，幾拾蚊食到咁新鮮既焗蠔，必叫!!

是日放假到黃埔shopping 差唔多時候醫肚 是到miscool 有張大banner 拉係一座大廈門所以決定一試 先講裝修 感覺很多時尚和舒服 再看餐牌 款式也不少 最後選了大虎蝦拉麵 待應送上熱熱的拉麵。

可能新店的關係 員工們都有些生手 但總算努力去做 碗麵總算跟餐牌差不多 蝦是大大隻 蛋是糖心的湯底也不錯 拉麵的質感也好好像不會太林返到家看到open rice 的食評 都唔係咁差 所以決定寫食評支持支持下次會再encore!

Misocool餐單提供日本菜, 拉麵, 雲吞, 餃子等推介美食位於紅磡區，餐廳座位數未知人均消費約$51-100，結賬可以用現金。

您對於紅磡餐廳「Misocool」有何 comment？

Misocool餐廳詳細資料：

• Misocool地址:
  紅磡德安街7號黃埔新天地黃埔花園8期1樓117-118號舖
  Misocool, Shop117-118,1/ F, Site8, Wonderful Worlds Of Whampoa,7 Tak On Street, Hung Hom
• Misocool電話:  
• Misocool價錢: $51-100
• 分類: 日本菜, 拉麵, 雲吞, 餃子
• 座位: 未知
• 付款: 現金
• FB專頁: Misocool Facebook

更多Misocool相關資料:

• Misocool分店
• Youtube
• Facebook
• Twitter
• Google