Duet Cuts & Cups 紅磡

Duet Cuts & Cups 評價 相片

黃埔呢條街愈開愈多餐廳, 呢間型格cafe都相當吸晴, 原來入面仲係salon黎!menu選擇唔多, 但樣樣都想食有包類/ pasta/ 仲有甜品waffle!最最最推介係豬頸肉意大利包, 同埋喇沙pasta!豬頸肉爽口, 同意大利包好夾, 醬汁仲有d辣辣地, 好開胃好夾!!喇沙pasta個sauce唔會好多好膩, pasta係闊條麵所以相當掛汁, 喇沙汁辣辣地好香, 估唔到同意粉都咁夾~最後記得試埋呢到既hand drip!! 連本身唔飲hand drip既我都覺得好飲, 配埋waffle 好正!

Randomly saw this restaurant on openrice and decided to give it a try. So glad i did because it’s so yummy, especially it’s waffles! I tried both the whiskey banana waffle and the strawberry creamcheese waffle, can’t decide which one is better. I don’t usually drink oat milk but my friend wanted it so we ordered a matcha oat milk latte. It was surprisingly good! I will definitely go again, probably a hidden gem for now because it just opened

‼️新啡·髮點☕️💇🏻‍♂️黃埔區又有新嘅coffee shop 開張，宜家都仲係soft opening 緊嘅階段。

點解叫啡·髮點？原來入到舖頭先知，呢間係一間coffee shop + Salon 二合為一嘅小店。

客人黎到剪頭髮閒閒地都一兩個鐘，除左㩒下電話睇下雜誌，仲可以order 杯咖啡慢慢嘆下。

善用左等待嘅時間，呢個concept 又真係唔錯啵😗☕️𝕎𝕙𝕚𝕥𝕖 𝕔𝕠𝕗𝕗𝕖𝕖 $➍⓿ 當日去到2部磨豆機擺左2款唔同嘅咖啡豆，我試左其中一款黎自巴布亞新幾內亞嘅豆。

沖岀黎嘅咖啡會帶有熱帶水果嘅果香，飲落無苦澀嘅味道超級易入口。

加上有咖啡師高水準嘅拉花😍又好飲又睇得。

下次再黎要試埋另一款來自巴西嘅咖啡豆！🍫ℙ𝕖𝕣𝕦 𝟟𝟝 % ℂ𝕙𝕠𝕔𝕠𝕝𝕒𝕥𝕖 $➍➎女朋友試左佢地嘅熱朱古力。

相信大家見到佢75%嘅濃度都會畀佢吸引到。

果然選取嘅優質朱古力沖岀黎嘅濃度同香味都係零舍唔同，偷飲左一啖入口舒服同唔會過甜，如果唔喜歡咖啡嘅你黎到都有呢個好選擇。

住呢頭嘅朋友更加要襯佢新開張快啲去撐下場😋佢地嘅食物都十分岀色。

新開張熱食唔算多款式，餐牌一眼睇哂有五款hot food，不過就意粉，麵包，多士樣樣齊，可以照顧到大家唔同喜好😋而且佢有幾款食物都係東南亞同西餐嘅fusion，創新得黎味道更加好好味！🦐ℕ𝕪𝕠𝕟𝕪𝕒 𝕃𝕒𝕜𝕤𝕒 ℙ𝕣𝕒𝕨𝕟 𝔽𝕖𝕥𝕥𝕦𝕔𝕔𝕚𝕟𝕖 $➊⓿➑ 首推一定係呢碟喇沙大蝦闊條麵。

本身我勁中意食喇沙湯麵😍，廚師將星馬喇沙嘅味道放左落呢碟意粉度，每啖都充滿蝦湯同椰奶嘅香味。

辣粉令意粉加惹味，闊條麵身煙韌彈牙有咬口，掛汁都做得好好👍🏻🌮𝕋𝕙𝕒𝕚 ℙ𝕠𝕣𝕜 ℕ𝕖𝕔𝕜 ℂ𝕚𝕒𝕓𝕒𝕥𝕥𝕒 $➒➑ 第二款食到拍手掌嘅係呢碟泰式豬頸肉意大利麵包。

Ciabatta 係一款俗稱「拖鞋麵包」嘅意大利白麵包，特色係外皮鬆脆包心軟熟。

中間夾住左用泰式酸辣醬煮香嘅豬頸肉同埋沙律菜，豬頸肉勁爽口而且每件size 岩哂一啖一口，唔會食到好狼狽同烏糟，酸辣醬好醒胃會越食越開胃😝🥑𝔸𝕧𝕠𝕔𝕒𝕕𝕠 & 𝕊𝕞𝕠𝕜𝕖𝕕 𝕊𝕒𝕝𝕞𝕠𝕟 𝕊𝕠𝕦𝕣𝕕𝕠𝕦𝕘𝕙 $➒➑ 一款Cafe 常見嘅多士款式，特別喜歡餐廳用牛油果蓉，感覺上更加易入口😚呢碟多士不惜工本牛油果蓉舖到滿瀉哂。

煙三文魚最怕就係太鹹，佢嘅三文魚味道幾適中唔會太重味，加上佢每片大大塊，絕對夠你每啖酸包都可以食到牛油果同埋三文魚。

🍝𝔹𝕖𝕖𝕗 ℝ𝕖𝕟𝕕𝕒𝕟𝕘 𝔽𝕖𝕥𝕥𝕦𝕔𝕔𝕚𝕟𝕖 $➊➋➑Cafe 另一款意粉都係fusion菜。

以印尼巴東牛肉加入左闊條麵，牛柳粒十分淋身。

同樣地闊條麵掛哂啲汁，每啖都好濃巴東汁嘅味道。

咁有特色嘅意粉配搭真係好少地方搵得到呢🤤🥪𝔹𝕣𝕠𝕨𝕟 𝕊𝕒𝕦𝕔𝕖 𝕆𝕟𝕚𝕠𝕟, 𝔹𝕒𝕔𝕠𝕟 & 𝔼𝕘𝕘 𝕊𝕠𝕦𝕣𝕕𝕠𝕦𝕘𝕙 $➑➑最後呢款由黑糖洋蔥粒，煙肉同埋煎蛋製作嘅酸包，配搭較為簡單。

流心蛋嘅蛋黃流哂岀黎，加上用黑糖煮過嘅洋葱香味索哂落酸包，如果想食番啲Classic Cafe Food 嘅你一定會中意呢款多士😉😉介紹過咖啡，又推介過熱食，又點少得介紹埋甜品呢？樣樣岀色唔係得過吹字，食物好味，款式夠創新仲要價錢唔太貴。

呢度幾款甜品都係以窩夫為主角，再配搭唔同嘅水果。

黎到尾聲，無得唔試埋佢地啦🍩🍓ℂ𝕣𝕖𝕒𝕞 ℂ𝕙𝕖𝕖𝕤𝕖 & 𝕊𝕠𝕒𝕜𝕖𝕕 𝕊𝕥𝕣𝕒𝕨𝕓𝕖𝕣𝕣𝕪 𝕎𝕒𝕗𝕗𝕝𝕖 $➐➑一碟有兩大塊嘅即烘窩夫，切開仲係脆身同熱辣辣。

蓋面嘅士多啤梨係經過特別祕方醃製，甜甜酸酸咁好開胃。

搽埋cream cheese 同埋沾伴碟嘅糖漿一齊食都唔會太膩，中意食甜野嘅你唔洗多揀一定會愛上😛🧇𝕀𝕔𝕖𝕔𝕣𝕖𝕒𝕞 & ℂ𝕚𝕟𝕟𝕒𝕞𝕠𝕟 𝔸𝕡𝕡𝕝𝕖 𝕎𝕒𝕗𝕗𝕝𝕖 $➐➑同樣係窩夫但伴碟換上用肉桂煮香嘅蘋果片，加上冰冷嘅雪尼拿雪糕，一齊食有冰火交融嘅剌激🤪雪糕岩岩中和到肉桂嘅濃味，幾個朋友最好就叫哂幾款唔同甜品一齊分享！🥃𝕎𝕙𝕚𝕤𝕜𝕪 𝕀𝕔𝕖𝕔𝕣𝕖𝕒𝕞 ℂ𝕣𝕠𝕗𝕗𝕝𝕖 $➏➑黎到呢款最特別嘅甜品，亦都係成人嘅專屬甜品。

因為佢係用左威士忌酒來特製呢個汁。

”Croffle“ 即係Croissant 牛角包同Waffle 窩夫嘅混合體，以牛角包酥皮嘅包身配合窩夫的鬆脆外層，係一種十分新興嘅製作方法。

經處理後嘅Whisky Sauce 依然好濃酒味，建議接受得到呢種烈酒酒香嘅朋友先好試。

不過如果有飲開又喜歡Whisky嘅話，你一定會迷上呢碟咁非一般嘅甜品🤭📍Duet Cuts & Cups 紅磡黃埔天地百寶坊(第3期)地下G28號舖

今日去咗試呢間新cafe, 店員後生又有禮貌，環境清新簡潔，好適合冇嘢做你嘆一嘆杯咖啡，咖啡同嘢食質素都好好食，另外店員都有解釋兩種咖啡豆嘅分別，帶貓狗都可以坐出面，價錢都相當合理！下次過嚟試吓剪下頭髮先成個裝修設計都好文青，令人好relax一杯係cappuccino一杯係latte, 奶泡都打得好幼細個多士唔知點解好好味好鬆脆😂呢款係泰式豬頸肉包，辣辣地有啲fusion嘅感覺，個包又係唔知點解好好食，另外上面呢杯係熱朱古力，朱古力味好濃手工意粉就唔使講啦，口感煙韌，想再食多一碟。

另外想提一提呢一碟whisky味waffle, 唔同普通嘅窩夫，佢係有啲牛角酥先，食落又脆又煙韌，感覺新奇

Coffee shop x salon 幾估唔到裝修有型，coffee好有質素，聽到啲人話咖啡師係攞獎個啲勁人lol 下次要試飲手沖先得！同行既Frd唔飲coffee，試左杯朱古力。

menu寫話係秘魯75%牛奶朱古力。

唔太甜又好香可可喎仲要有拉花好靚啲野食都幾有誠意喎，唔係平時嗰啲all day breakfast🥱好足料的牛油果！宜個泰式豬頸肉我勁鍾意，好野味！甜品waffle，幾大份，脆得泥入面keep到軟軟der 宜個whiskey味濃好過癮，仲要係牛角包個類waffle（原來叫croffle ）推薦啊，黃埔終於有好cafe ☺️唯一係冷氣都幾猛，大家記得帶褸哈哈

Duet Cuts & Cups餐單提供多國菜, 咖啡店等推介美食位於紅磡區，餐廳座位數15人均消費約$51-100，結賬可以用現金，Booking訂位可以電話致電 34254945 查詢。

您對於紅磡餐廳「Duet Cuts & Cups」有何 comment？

Duet Cuts & Cups餐廳詳細資料：

• Duet Cuts & Cups地址:
  紅磡黃埔天地百寶坊(第3期)地下G28號舖
  Duet Cuts & Cups, Shop G28, G/ F, Pebbles World( Site3), The Whampoa, Hung Hom
• Duet Cuts & Cups電話: 34254945
• Duet Cuts & Cups價錢: $51-100
• 分類: 多國菜, 咖啡店
• 座位: 15
• 付款: 現金
• FB專頁: Duet Cuts & Cups Facebook

更多Duet Cuts & Cups相關資料:

• Duet Cuts & Cups分店
• Youtube
• Facebook
• Twitter
• Google